看我今天怎麼說

電影令我印象最深嘅係以第一身去體會聾人嘅感覺，尤其電影開始冇耐喺音效嘅安排，除咗直接讓觀眾親身體驗失聰及耳蝸失靈嘅感覺，亦令觀眾更快入戲同理解角色感受，從而理解故事劇情發展，值得一讚。故事本身並非什麼曲折離奇、扣人心弦類型，都係果種比較日常嘅表達手法同寫實嘅劇情，講述兩男一女聽障青年喺生活同成長上嘅態度同選擇。故事性唔算好強，主要喺想帶出聽障人士嘅困難，要專重佢哋嘅選擇(手語)同埋社會對聽障人士嘅關注，亦有勵志嘅訊息，以上本片都係達到嘅。不過，電影並無講及游學修點解由細到大都咁堅持要用手語，並且討厭/抗拒人工耳蝸，如果喺呢方面加以著墨會另故事更有說服力，同埋明白點解要尊重聽障人士選擇用手語，不能完全禁止。本片另一talking point 當然係演員。新鮮出爐金馬影后鍾雪瑩演繹聽障人士到位，尤其係模仿聽障人士講嘢發音唔正，完全帶到觀眾入個角色，同填詞L 比有明顯嘅升呢。游學修演出亦出色，佢做手語果種有力同有自信嘅面部表情令角色好有個性同說服力，同佢小時候果個反叛小演員演譯亦好match 好一致。吳祉昊本身都係聽障人士，以新演員嚟講算係合格，但佢外型同身份喺本片嚟講還增添一點寫實感。另外要讚嘅係兩位小演員，演出活潑精靈、生鬼攪笑，絕對係本片其中一個亮點同笑點。整體電影比到觀眾一個機會去體驗聽障人士生活上嘅困難同感受，值得一看。PS. 本片其中一個訊息係要尊重聽障人士選擇用手語，等佢哋生活得更自在。而事實上其中兩位主角選擇使用人工耳蝸後都能夠融入正常社會，重擁有比唔少正常人更好嘅發展，相反游學修堅持只用手語就只能圍爐，活在小圈子，以抹車為生，連理想成為潛水教練都做唔成。導演是否應該在片中加番啲篇幅正面咁去睇人工耳蝸同鼓勵聽障人士使用人工耳蝸，融入社會呢，另故事平衡/全面啲呢？(戴咗頭盔先...本人對人工耳蝸並無認識，亦唔知價😅)

套戲係講唔同程度嘅聾人點樣面對生活/人生，用心之作👍🏻👍🏻👍🏻鐘雪瑩真係做得好好，演活左個角色。Marco 既笑容好charm。睇得出游學修做咗唔少功課 兩位小朋友嘅互動好得意，每次出場都會引起笑聲。我睇嗰場唔係謝票場，但睇完d觀眾自發咁拍晒手，即係表示呢套戲係感染人心，好值得入場支持🙌🏻

小演員的演出非常精彩。三位主角表演自然流暢，你可以感受到他們應該下了不少苦功，但演出時可謂行雲流水，輕鬆地讓觀眾完全代入三位聽障人士生活。劇本結構完整，不論是起承轉合還是結尾，都非常紮實，在近幾年的港產片中實屬難得。故事不溫不火，逐步解構三位聽障主角所代表的價值，最後再帶出各自的「選擇」。當中的處理，真誠而感人。強烈建議大家支持這部電影！

首先想讚嘅係電影嘅劇情鋪排，流暢得嚟無悶場，人物內心嘅想法轉換合理又清晰，鋪得靚。之後想讚嘅係電影嘅感動，對我嚟講最impressive嘅地方係套戲嘅感動位唔係由非常煽情嘅對白推砌出嚟嗰種感動，亦唔係放大我地想像中聾人嘅「慘況」，佢真係用手語表達到一份真摯，特別係兩位主角小朋友喺課室外面嗰一幕，我覺得係全套戲我最鍾意嘅一幕。題外話 — 睇過《填詞L》同《黃昏》，只可以話鍾雪嘅演法未必係我所喜歡的，但我覺得《看我》嘅佢真係有進步，至於值唔值得女金，我認為見人見智。兩個男主都做得幾好幾自然，唔出戲，好睇。總括嚟講都係一套我推介去戲院睇嘅電影，題材特別得嚟敘事角度都新穎。希望現實同電影一樣，所有聾人都可以仼意擁有自己想與世界對話嘅方式，都可以被尊重。

小演員演出非常精彩。三位主角表演使人感同身受