那夜凌晨，我老公死極死唔去

題材天馬行空，胡鬧輕鬆片。最印象是那女角，在“屍殺半島”是個充滿殺氣的神勇母親，今次是個戇直魯莽大媽，角色和樣貌同樣起了大變化。看了“整容液”後，更明白韓國人真係整容太普遍，男女角都有“膠面”感，初看有些不順眼。

《那夜凌晨，我老公死極死唔去/Night of the Undead》 單聽片名就已經想到會是一部無厘頭的喜劇，劇情亦可以想像得到會是走甚麼模式，但可能導演太大想頭，自己都未想清楚到底想將這部電影拍成驚悚片還是純喜劇電影，開頭看似像是在賣廣告，韓國的家電廣告。電影劇情描寫外星人老公與地球女結咗婚，老婆以為自己嫁咗個有錢又靚仔嘅好老公，豈料原來老公非但不完美，還四岀偷食，甚至要毀滅地球， 陰差陽錯之下，誤殺了老婆欲想騙取保險金，其後老婆找私家偵探偵查，得知老公行為怪異，原來竟然唔係人是外星人企圖佔領地球，之後老婆聯同一班姊妹想著如何去幹掉老公。電影創意其實天馬行空，拍出了一部非常妙想天開的電影，走黑色幽默路線，劇情其實雜亂無章，但笑點還是有的，雖然以外星人襲地球為題材，劇情其實要算是老土的，但奇奇怪怪的湊起來，又搞得幾有趣，尚且亦算是成功，內裏許多未經修飾的細節，令本片在不少情節上難以自圓其說，某些情節還影響了劇情的重要性，直接令觀感扣了分，後段笑料集中傾瀉，令電影變得非常有趣，其實劇本有些爛，但靠著幾位岀色嘅演員，令電影起死回生，演私家偵探的…使唔使咁可愛啊！還有演女演員的那位，表情豐富， 老是目瞪口呆的樣子更為惹笑，其實好多笑料都是依著劇情走，預計得來，但仍是看得滿懷大笑，劇節荒誕無稽，只要不求深度，總之…睇得非常開心，已經算係唔錯㗎喇！男主角金聖午，一路睇一路想極像某人，啊…原來係似向左，笑咗。😂https://m.facebook.com/tigermoviesfever/https://m.facebook.com/groups/157839185643505/https://opentalk.hk01.com/@tigermoviesfever/all

《那夜凌晨，我老公死極死唔去Night of the Undead》簡直就是一部暴走式的喜劇。比起前幾部韓國喜劇如《獸頭救兵/超「人」氣動物園》或《炸雞特攻隊/雞不可失》嘗試合理化喜劇的情節，這次《那夜凌晨，我老公死極死唔去》的劇情則完全放棄合理性，故事走向不按情理出牌，由妻子與好友暗殺不死身丈夫，過程瘋狂而妙想天開，所以成功營造了不少荒謬惹笑的場面。而演員們亦用了不少誇張的表情演繹這電影，例如其中一幕妻子與好友為要暗殺丈夫而心裡緊張，卻要表面和顏悅色地陪酒，兩者明顯的對比就透過演員表情製造了不錯的喜劇感。在喜劇中，情節荒誕固然可以製造笑點，但當導演容許電影一直荒誕下去，到結尾便開始感受到故事已難以收結。因此，電影有著充滿創意的開場，意想不到的中段變化，而結尾則顯得略為平淡乏力，簡單一句就是「高開低收」。雖然《那夜凌晨，我老公死極死唔去》並無深度，結局也相對倉卒，但作為一部純粹的喜劇，它既然能為觀眾帶來不少笑聲忘憂，已經算是取得成功了。所以如果想到戲院簡單放鬆一下，這部不談大道理，只有爆笑與狂想的電影就適合你了。適合觀眾群：想放鬆一笑/喜歡韓國喜劇/不想思考地看電影不適合觀眾群：對劇情完整性有要求/期望電影帶出信息個人喜好度：3.75/5歡迎來到爆米花族的世界參觀：Ig：popcornmoviehk

劇情一般，都有笑位，輕鬆喜劇

💬「佢頭先好出力自掘墳墓。」🌸🎟🌸🎟(劇透注意👁👁)🎟🌸🎟🌸繼老豆死開咗一陣，再決戰埋外公，今日輪到死極死唔去嘅老公，最近屋企的男人們可真忙😂戲名同撞色iPhone 12嘅poster一脈相承🟦，散發一陣濃郁嘅膠味，完美表現出呢套韓片有幾怪雞、無厘頭😜故事講述由李貞賢飾演嘅小嬌妻懷疑老公有外偶，便搵來私家偵探調查，駭然發現老公非但到處拈花惹草，而且真正身份竟然係擁有不死身、企圖佔領地球、消滅人類嘅外星人！於是女主角連同姊妹團實行「弒夫大計」，過程自是驚險百出，笑料滿載！睇完覺得呢套戲有實力問鼎「年度怪片」：明明好想鬧爆劇情荒誕無稽，根本係一場冇營養的鬧劇，但又不得不承認自己睇到捧腹大笑，橫膈膜都幾乎抽筋嗰隻😂😂 事實上全場氣氛好好，笑聲不斷，大家真心笑得出冇尷尬。尤其係梁東根飾演嘅私家偵探🥦，喜感爆錶，每次出場都有令人不自覺發笑的魔力😆「搞笑」係套戲唯一目的，外加少少驚悚、科幻及動作元素；走條理，去邏輯，零章法，啱完全唔想用腦、只想大笑嘅朋友睇。如果你覺得向佐靚仔，就更加要入場，因為男主角金聖午根本係向佐的失散兄弟🤣而女主角李貞賢原來係《屍殺半島》個女主角😱造型唔同咗，我就完全認唔出，睇嚟面盲程度好嚴重🙈如果你時間多到唔知點打發，只想放低個🧠笑餐飽，《那夜凌晨，我老公死極死唔去》就啱你睇喇！#影迷女生的電影札記 ig: movieholicgirlshk

大橋有新意。劇情推進可接受。小小甩漏在所難免。衝突情境處理有計算。p.s. 其實套戲都幾有趣