女人街・再見了

如果唔係智叔，呢套2018年拍攝的作品應該無機會上映，仲可以上映三星期後仍每日有大概七場場次，仍有捧場客！（前幾晚觀影仲有五成入座）電影票房暫時大概收70萬，相信當中應該唔少人好似我咁因為廖啟智而入場，其實，點解人總是在失去後才會珍惜？又其實，今時今日點會仲拍得出咁既戲？.電影主題到底係咩？想表達啲咩？親情又唔算，警匪都唔算，女人街只係電影拍攝地點…開頭以為係講衫佬同東仔，但去到中段將幾條無關聯既線交雜混合，無再講落去，二人再次同場已經係結尾唔知係咪想跑去廣華一幕。電影其他角色線亦無頭無尾，大力妹同細佬或者家發生過咩事？班黑幫古惑仔到底想點？全片最完整角色應該係吳卓羲飾演的子豪。故事劇情根本有太多反駁位，不過都無謂再深究。唔睇故事，淨係睇演員，一班熟悉的面孔，但無乜發揮機會，朱咪咪在電影中零作用，梁証嘉出唔出場都無影響。唯獨智叔戲份唔多但最搶，不過略嫌過火。.再見了完來不是衝出女人街…而係同螢火蟲有關（誤）最後慢鏡抬頭望螢火蟲真係唔知JM9。.智叔生前仲拍左七部演出作品未曝光，相信在不久將來會上映，感謝你多年來帶比我們的每一部電影。.廖啟智，再見了。.觀影平台: Premiere Elements.IG andymyf / #AndyMovieReview

如題，完，無其他值得補充。

套戲太多假野：背景，配音，追逐等等…好多都係後期製作；唯獨智叔既演技係最真最令人打動！永遠懷念🙏🏻

智叔好戲唔需要講，小演員有戲令人流淚

劇本、剪接、演員演技（智叔除外）等都非常粗疏，多條故事線各有各做，結尾嘅整合顯得勉強。縱然係想帶出女人街嘅人情味同際遇難料，但黑幫買賣同綁架案嘅篇幅過多令電影失焦。惟一可取嘅始終係智叔嘅演技，即使篇幅比預期少依然有專業嘅表現，感謝智叔生前不斷為觀眾帶來優秀嘅演出。

全片混亂，不知所云。