水行俠與失落王國

冇冷場有笑位好睇過第一集多多聲巧開心有amber heard巧靚故事流暢合理好睇過金腳指😂

個人覺得套戲整體是一般，溫導雖然在動作場面處理不俗，但在處理故事平衡性方面卻不太好。文戲同動作之間差距太大，故事推進同處理太公式同鬆散，而連貫性也不協調，好像兩件事般。因為如此，所以我對他的觀感有所大打折扣。咁當然如果用純粹用爽片角度來睇，這套是合格有如。我會形容今集故事主軸有點如雷神，連他們自己也有其自嘲，但個人覺得，雷神在這方面的描寫同處理上也比這套優勝。動作場面方面，這套是合格，海底場景設計依然亮麗同目不暇給，水底戰鬥場面也保持到爽快同澎湃。而中段這場叢林追逐也是好睇同頗為幽默。講真純粹以今年兩套DCEU片來講，我喜歡藍甲蟲多於這套，因為睇他沒如這套般這樣大包袱。而我也相信未來DCEU，經過占士根大刀闊斧的調整後，會有另一番風味。痴·影·夢·藝 X 的專頁 https://www.facebook.com/ckwunmovie/

回憶第一集中，水行俠的頹廢、大情大性的形象的確吸引觀眾，今集繼續保留其風格，但其風采已大減。故事涉仇恨及兄弟情，更牽入遺失的王國。CG效果保持水準，但缺乏新點子。DC英雄片已出場多年，出現了同質化，觀眾有點看疲了，期望電影制作商如以前的荷里活大片制作，去計算觀眾的視覺情感位，令觀眾投入電影中。喜歡D C英雄電影，可以一看。

呢套戲有好多係延續上集嘅劇情，尤其是關於兩兄弟嘅部分，雖然我有睇但已經唔記得曬，好彩戲裡面都有交代關鍵情節。劇情講到兩兄弟原本係敵人最後和氣一家親，而亞特蘭王國喺最後亦做咗個重大決定，算係個有意外驚喜嘅結局。場景特效方面相當唔錯，深海，叢林，冰川都有，山崩地裂嘅場景經常出現，可以當災難片睇(講笑)4.6/5 (92分)

由温子仁執導嘅第2集跟第一集同樣精彩。動作戲同文戲編排得宜。新意雖然冇乜, 但整體流暢, 言之有物, 作為第二集仍可收貨。特別喜歡結尾世界共融同環保訊息。得一個彩蛋, 唔駛坐到字幕尾。冇留伏線, 唔知係咪冇第三集呢？🤔

感覺上 哩套似係漫威作品多過DC出品因為色調完全唔陰沉 繽紛多彩 亦不冷酷 全片由頭熱鬧到尾 主角唔再係眉頭夾死蚊嘅蝙蝠俠或超人係冇哩正經 會整蠱細佬嘅水行俠尤其係呃細佬食陸上食物嗰兩parts好鬼好笑至於特技同打鬥都唔錯 怪獸同海中生物都千奇百怪阿特蘭提斯嘅科技 設計 建築同城市都賞心悅目唯獨水行俠唔係好對得住個「俠」字上集唔肯救人老爸 攪到阿仔決志報仇 差啲殺晒水行俠全家但今集反過來伸手想救視佢為殺父仇人嘅反派性格前後矛盾 唔係好一致 上集見死不救唔俠義 今集救人似係想人子活受罪多啲反而Black Manta就貫徹始終 死都唔俾你救另外 故事最大敗筆係水行俠同紅髮女生咗個仔兩個經常要離開燈塔老家 去阿特蘭提斯處理國家大事剩低個BB仔俾爺爺哩個又老又凡嘅人照顧攪到俾人偷襲 差啲家破人亡有冇攪錯呀 堂堂水中霸王 離開屋企 起碼都叫成隊蝦兵蟹將保護阿皇太子吖仲要係三代單傳 因為細佬未結婚未生仔呀至少都帶埋阿仔落去水世界 等佢早啲適應未來要繼承嘅國度嘛 唔合理 搵戲嚟做？