看不見聽不見也愛你

個人覺得套戲是出色，他出色是只是在美術、攝影同男女主角的方面，而在劇情處理同執行方面…………我只可以講，這套的故事設計是極重韓式煽情味道，一般人很難可以投入到。我當然會明白如一有這樣故設人設時，已經可以大約估到他整個故事脈絡會這樣演變，這點最後出來也是符合預期。而導演在執行上也沒任何特別的變化，這樣的確令我睇到有所打冷震。但無可否認這類故事對少男少女來是很到，但我不是，所以我不太投入到。而的確套戲在美術攝影方面的處理是不俗，無論色調運用、場景設計以及男女主角設計也是處理得不俗，好令人睇得賞心悅目的。其中我最喜歡最後東京雪景的一段。痴·影·夢·藝 X 的專頁 https://www.facebook.com/ckwunmovie/

故事情節未夠細緻刻劃，男女角表現未夠情深，女角有顏值而演技流於表面，有些浪費，本來“天殘地缺”正是上天安排，未受感動的愛情片。

話雖如此, 全片制作不俗, 取鏡、美術、剪接、用色都令人睇得舒服, 配樂亦能造出應有環境氣氛。女主角外形可愛, 亦演得唔錯, 係最搶鏡嘅角色, 令電影生色不少。兩個多小時都冇悶或劇情拖拉嘅感覺, 有啲位都感動到觀眾嘅。

「痛苦的時候就笑吧」故事同哩句電影中不斷出現嘅對白一樣充滿矛盾痛苦嘅笑係苦笑 唔會紓緩到好多痛楚聾嘅為愛學彈琴聽不到甜言蜜語也愛上對方 愛是無語？瞎眼嘅看不到絕世芳容都深愛淑女 愛是盲目的？？故事中嘅盲眼漫畫家情操高尚堅持漫畫唔煽情唔堆砌唔造作要正向要鼓舞人心所以拒絕編輯嘅商業要求但電影故事就偏偏違背初心又煽情又矯揉造作好哋哋盲咗奶奶中風仲要有埋絕症使唔使咁慘絕人寰呀於是乎check下導演編劇係乜水原來都係韓國人 咁就唔怪之得啦電影故事和發展亦相當牽強山本舞香飾演嘅紗織從來冇放棄過真治咁小響點可能乘虛而入呢聾嘅天使遇上盲嘅聖人一個講唔到俾只可以聽嘅 一個睇唔到只可以寫字或做手語嘅連基本溝通都困難 更何況要發展到生死相許嘅愛情韓國🇰🇷嘅編和導咁嘅演繹只可以呃啲情竇初開嘅少男少女對於冇乜愛情經驗嘅或者會因為單純而被感動但對我哩啲情場老手而言 故事冇說服力 自然講唔上乜嘢感人肺腑啦另外個口吃有錢仔大灑金錢大費周章去追個啞妹都令人覺得編劇志在製造笑料但唔該唔好當觀眾係白痴吖「九歲嗰年我去爸爸資助嘅社福機構當我一講嘢（口吃）就俾啲有殘疾嘅小朋友嘲笑係得你冇笑我 仲俾咗哩盒糖我嚟安慰我喺嗰一刻我就決定要娶你做老婆」喂小響聾架 點聽到你口吃呀 根本唔知有乜好笑最後哩個有錢仔由誇張變態單戀狂轉化埋做聖人成人之美出鉅資送真治去外國醫好病返嚟完成小響嘅理想又一個老土嘅韓劇happy ending再一次違背漫畫家不想煽情嘅高尚情操最後看著聖人和天使喺教堂佳偶天成共諧連理我離場時未至於嗤之以鼻但心諗現實裡聖人和天使只可以神交用聖靈互相感動 只可以柏拉圖式相愛根本不可能結為夫婦 同居生活我想講嘅係睇吓無妨 但唔好當真 現實中這個愛情奇蹟就算耶穌再世都無力令其發生呀不過睇住銀幕上嘅山下智久 新木優子 山本舞香 高杉真宙 山口紗彌加個個高顏值 又落力演出 總算賞心悅目 值回票價啦

山下智久同新本優子呢個俊男美女組合絕對是電影最大賣點。二人在戲中分別飾演盲人以及聾啞人仕，多得智能手機令二人能夠談心。成件事本身互相扶持本身都預計幾凄美，再加上韓國導演執導，劇情真係要幾煸倩有幾煸情。.本身故事中主角反對在漫畫中加入絕症以及交通意外迫讀者喊，但電影偏偏就加入比悲傷更悲傷的劇情去催淚，而傷感過後，忽然大逆轉來個大團圓結局到底係咩玩法？.除左男女主角條線，女漫畫家忽然主動進擊都好匪夷所思？純粹是要鋪排唔覆女主角訊息？男總裁由頭到尾無做過傷天害理的事，只是有點戇直，總算是個好人，但點解寫到成個大壞蛋咁？.不過其實成個故事都的確太過失實，無需太深究劇情內容，純粹笑下同睇下兩位主角便算吧。.觀影平台: Premiere Elements.IG : AndyMyFilmography/ #AndyMovieReview

韓國導演李宰漢執導日本愛情電影《看不見聽不見也愛你/See Hear Love》，工作認真，總是用心對待每一部作品的人氣漫畫家真治(山下智久 飾)，某天得識自己的作品將會被改編拍成電影而雀躍萬分，可惜的是卻突然病倒了，快樂時光像過眼雲煙轉瞬即逝，視力逐漸衰退，而漫畫亦迫不得已暫停刋載，更沒能力照顧與自己一起生活的祖母，失去視力後，一下子從成功墜入痛苦深淵，終日被孤獨與恐懼包圍著，讓他對生命感到絕望，更有過尋死的念頭，此時患有聽覺障礙的漫畫迷相田響(新木優子 飾)找上了他，這及時的出現拯救了他，這對各有缺憾的男女就這樣展開了一段同居生活互相拯救治癒。相信觀眾都會對這劇情感到好奇，看不見聽不見會如何愛你呢？「天殘地缺」的視障漫畫家跟失聰女粉絲發展出來的非典型愛情會是怎樣的呢？俊男美女顏值可以，但劇情就唔得囉，故事太過失實，山下智久演不岀那種讓人心痛之愛，而新木優子則非常亮眼，惹人憐愛，而最諷刺的是，作為漫畫家的真治，一直抗拒出版社要求加入交通意外及絕症的情節岀現在自己的漫畫裡頭，但偏偏這部電影卻出現了主角患上了絕症的情節，片中諸多轉折顯得突兀，不過亦不用太追求真實過分認真看待，只不過是韓國人氣漫畫改編而成的電影而已。