無聲絕境外傳：首襲日

如果睇過正傳2集，今集前傳會自然希望了解到點解最後世界會變成咁、點解會有人選擇繼續係陸地生活，而不是好似今集內容咁，圍繞一個精神疾病既女人「幸運地」遇上災難浩劫，藉此變成咗佢擺脫被人監管，獲得自由既機會；得而前往舊地尋回自己與父親兒時的回憶。重點：同故事主題 - 外星怪獸毫無關係。

成個故事雖然太多唔合理嘅地方，但係真係唔使咁認真。單純去感受個故事、感受個氛圍，其實已經算係唔錯。女主角身患重病，知道自己日子無多，最後都係想返去食嗰塊Pizza。雖然劇情緊湊度冇第一集咁勁，但Jump Sacre位多咗但都不過不失。惟真係感受唔到個「Day One」，因為故事線擺喺任何一日，n咁多Day之後都為合理。大家唔好抱住一種可以見到一開始人類點樣面對呢種生物、軍隊點樣抵抗、生物嘅由來及更多背景。突破就冇乜嘅，同第一二集設定差唔多。始終都係外傳，單純講緊另外一個故事發生係同一條時間線上。但又未去到好差唔使入場睇嘅。不用太認真，認真你便輸了。

有別於前兩集，這套是災難片而非恐怖片。前期就是典型災難片開局，成套戲雖然偏短但是劇情不拖泥帶水，開場10分場左右即發生襲擊，之後劇情亦算緊湊，亦文戲亦比想像中多，女主角堅持要食pizza我以為係“去碼頭整點薯條”活在當下d fd，原來背後仲有段故~4.6/5 （91分）

Day one? 首襲日？？故事嘅time span肯定超過一日！多謝各位谷友嘅影評，幫我做晒心理準備，所以冇咁失望！怪獸同埋啲驚嚇位真係熟口熟面，同上兩集相比之下，毫無新意。女主角其實演得幾好，不過一個女人一隻貓嘅背影，令我諗起I am legend入面嘅Will Smith同隻狗，又諗起再早好多嘅Alien入面Sigourney Weaver不顧安危都要搵返隻貓上逃生艙，講得好聽叫向前人致敬，其實係老翻抄橋。卡士今集差咗好多，冇Emily Blunt同埋影帝Cillian Murphy。故事散收收，有幾個jump scare，唔能夠一氣呵成，更冇可能由頭緊張到尾，甚至可以話完全唔緊張！本來有個正面啲嘅信息：即使女主角身患絕症又生無可戀，但遇上世界末日，還是會被激起求生本能，努力生存下去⋯⋯我以為電影想歌頌生存意志⋯⋯點知最後為咗送走隻貓，犧牲自己留低但死唔去，最後竟然懶有型揀自殺😱😱😱喂，至少都去返油站引班怪獸嚟一齊攬炒吖，起碼都悲壯啲嘛！最初以為Day One，點都會交代下怪物嘅出處卦，失望地係完全冇！哩班嘢又盲又冇腦，一味野蠻兇殘，只記得佢哋好似係外星生物由天上跌落地球，但又唔識飛唔識游水，哩個設定超級唔合理，因為既然唔係高智慧生物，即係唔係坐太空船侵襲地球，咁點嚟呀？降落地面之前，同大氣層高溫磨擦，未落地都燒到變灰啦⋯⋯大佬，起碼都話俾觀眾知佢哋係外星人送嚟嘅獵犬，負責做先頭部隊，屠殺晒所有地球嘈喧巴閉嘅生物之後，恭迎主人接管地球🌍⋯⋯再唔係外星飛船意外墜落地球，走甩咗哩班異獸，咁咪可以拍多一集外星人嚟地球執手尾囉⋯⋯點都好過而家冇頭冇尾、甩皮甩骨，如果話純追求驚嚇唔講求故事完整性，但而家嚇唔到人喎，真係不知所謂！

第一集驚艷，第二集食老本只係延續第一集角色嘅逃亡過程，今作第三作所謂外傳直頭係哽老之作，不思進取，換咗啲演員但同一套路就算，但玩得又差，文戲同逃亡過程竟然係差不多一半半，主角被怪物步步進逼嘅壓逼感完全冇，屬沉悶之作。從系列整體角度嚟講，最唔滿意係玩到第三作內容都仍然係停留喺角色喺一個設定環境中逃生，但故事、異生物由來、目的為何，到底發生咩事，政府如何對抗等等宏觀啲嘅情節完全欠奉，一啲都冇推進或交代多啲，仍然係唔知咩事，咁樣千篇一律嘅續作好難再玩落去。另外，安排隻貓咁多戲份但對劇情冇幫助之餘亦令唔合理嘅位更加多，不過如果冇咗隻貓角色，薄弱劇情片長連短短99分鐘都冇。