紮職2

從來的古惑仔電影從來都係打打殺殺，呢套古惑仔的電影當然不少得這些場景，還有一樣東西讓我喜出望外，呢個導演將古惑仔以人性化的角度去處理，認真是做得不錯

久違了的香港黑幫電影，幾場撕殺場面拍得幾有氣勢，刀刀見血，難怪有人說黑幫人士一隻脚已踏入棺材。黑幫電影另一必須元素是“忠義”两個字，阿公任務的“忠”，昔日兄弟情的“義”，就因為自古忠義两難全，而帶動了電影情節發展。至於演員方面，陳家樂外型和表演悦目，他欠的是一套代表他的電影。黃宗澤的深沉，張繼聰的衝動，表現不過不失，幾位久違的演員露面，如：鄭則仕、周麗淇、黃錦燊、衛詩雅，演員陣容不弱。個人覺得本片江湖味少了，兄弟情多了。電影也披露黑社會也和白社會遇到同樣問題~“老叔父要供養；退休高官政要養老”，“幫會兄弟要吃飯；社會就業問題”，“唔可以在街上再撕殺械鬥，要轉營，搞活收入；由治到興，多搞繽紛”。相信本片budget 唔多，但效果可以。入場支持港產片。

上世紀八、九十年代題材同橋段, 但導演處理不俗, 唔玩技巧或個人風格, 直接了當講一個流暢同實在嘅故事, 雖然劇情來來去去都係果啲, 但仍有可觀性。另外本片演員同卡士都唔弱。三個男主角都表現不俗。其中以張繼聰表現最好, 能演活角色。陳家樂同黃宗澤表現雖然未算好出色, 但算係比以往我睇過嘅為佳。其他配角如黃德斌、李富華更不用多談。不過最吸引反而係其他好耐冇喺銀幕見過嘅演員, 例如周麗琪、鄭則士、張雷同黃錦燊。所以本片嘅卡士喺近年港產片嚟講算幾強。另外本片選擇以三級電影制作實屬明智, 令電影增加可觀性。今時今日再拍古惑仔社團電影唔講粗口唔血腥暴力好難令觀衆入戲。

仲以為係警察升職。劇情其實就圍繞三位兄弟，兄弟情深嘅三位自從"貓仔"出事之後就開始出現裂痕，最後裂痕大到無可修補嘅地步，觀眾一直睇住佢地關係逐漸破裂，既婉惜又心痛，明明佢地全部都係好人。。。4.5/5 (89分)

之前無睇過第一集，但聽講並無關連。這部算是久違的港式黑道電影，一開場就劈友，暴力、血腥、奔跑都睇到好肉緊！.劇情除左講黑幫社團上位之外亦有講兄弟情，故事鋪排及角色設定都寫得唔錯，中間的內心掙扎及矛盾衝突位也有說服力，不過整體來說只是個簡單的故事，劇情發展未有太大驚喜。.演員方面，陳家樂幾有突破，今次角色都幾狠，演出亮眼，但從他眼神中還看到有人性。周勵淇反而唔太襯呢啲角色，外型太年青了吧。其他演員演出到位，黃宗澤更是比大台演出有進步得多。.觀影平台: 新光戲院.IG AndyMyFilmography/ #AndyMovieReview

講兄弟情與義的電影《紥職2/The brotherhood of Rebel》，久違了的港式黑幫電影，三兄弟情義兩難的故事，江湖大佬佑哥被刀手伏擊，佑哥妻子派阿齊(黃宗澤 飾)及金仔(陳家樂 飾) 四出尋找刀手，阿齊抓到刀手卻發現他竟然是由細玩到大的好兄弟阿貓(張繼聰 飾)，金仔雖然發覺事有蹺蹊亦無話可說，阿齊幫阿貓著草離開香港，就這一刀改變了各人的命運。多年後阿貓重現香港，為了謀生養妻活兒重操故業偷車賺錢，所偷的車竟然是金仔手下的車，三兄弟再次聚首一堂，令兄弟再次陷入忠義兩難存的局面。電影寫出人性化的兄弟情仇與及過氣大佬的血淚史，讓觀眾重拾昔日江湖片的風味，當然少不得打打殺殺的劈友場面，片長個半小時多，劇情流暢值得一看。