遺愛

新晉導演馮智恒執導的電影《遺愛/Elisa's Day》，很久經已沒有看到鄭中基的演出了，因感受得到導演的信念，還以零片酬演岀，飾演一位半生帶著遺憾行將退休的探員，透過他的角色串連岀一對母女相隔十數年的故事，未成年少女與少年失敗的感情關係還誕下了一名女兒，電影主旨是『我們不要再放棄年輕人』，看得岀電影是有心思的，運用分段和章節表達岀十多年的光景，岀嚟行古惑的年輕人，與還在求學階段的未成年少女，未婚懷孕而又缺乏家人支持下，為了謀生而要作岀一些不道德的交易，獨力撫養女兒，其後更鑄成大錯，遺下孤女。電影全片格調灰暗，暴龍哥鄭中基漫不經心的演出，正好恰到好處，年輕母親由陳漢娜主演，苦情戲頗多，要她演繹這個角色是十分困難的，年紀輕輕要駕馭得到絕非容易，而胡子彤更要演一個吃力不討好的角色，和近期仍在上映的另一電影《二次人生》一樣，總覺他的演出欠缺了一些爆破力。而電影導演亦同是第一次執導，在章節處理上有欠連貫性，像斷斷續續的，東拉西扯散收收的， 欠缺張力之下，未能一氣呵成，看得沒法投入，讓人難以感覺共鳴。映後導演作岀分享他的創作概念與靈感，感覺到這位年青導演的心中是有一團火的，日後再經琢磨，希望能拍攝更多探討社會問題的作品，鼓勵年輕人，讓人鼓舞的好電影！在此感謝 @bonistravelling 的邀請出席優先埸。#電影狂熱▶️香港01 開講：https://opentalk.hk01.com/@tigermoviesfever/all▶️IG：https://www.instagram.com/tigermoviesnews/▶️FB：https://www.facebook.com/tigermoviesfever/#遺愛 #電影情息群 #電影情息 #電影狂熱 #電影推薦 #電影介紹 #電影重溫 #當年今日 #觀後感 #影話 #電影 #tigermoviesnews #movie #film

欣賞導演的誠意，原劇本應更吸引

暴龍哥似做返真正自己，唔少感情戲，讚！故事其實好悲傷…但套戲係好睇嘅，唯獨個時間演繹得有點亂，觀眾有時難適應，畢竟唔係順住咁落…扣少少分…

電影以插敍形式講述Elisa（陳漢娜 飾）嘅一生，雖然呢個敍事手法唔算特別，但有一種漸入佳景嘅感覺，隨住劇情推進都慢慢將一個純真、戀愛大過天嘅青春少艾慢慢扭曲，呢一個節奏變化都睇得出係劇本上花咗心思。電影名本來係一個簡單字《愛》，但後來再仔細思考過，無論係Elisa比佢個女迪詩（陶禧玲 飾）、阿輝（鄭中基 飾）比Elisa、還是係阿輝比Elisa，呢三份愛都係遺留下來比對方嘅愛，片名就轉為《遺愛》，但少少略嫌呢份愛後尾太理想化，如果我係迪詩，相信我唔會咁易原諒到Elisa甚至冇辦法接受身為警員嘅阿輝，但導演曾分享，佢希望可以表達到愛，因此迪詩心態係處於不愛不恨，呢方面可圈可點。－比較深刻係當Elisa誤殺文偉落網後，新聞大肆宣傳，Elisa被定義做「殘忍」、「冷血」，莫名地覺得心寒，Elisa無論文偉出軌還是佢本人執意要去泰國定居，佢對文偉嘅由頭到尾都係一份「深愛」，相信佢錯手殺死文偉後，都感覺唔到一絲快感，而係一份一生嘅傷痛，卻被大眾認定佢係一個變態冷血嘅人，實屬可惜。－而電影以玫瑰花作為貫穿，分別代表住唔同階段，而我個人係十分中意呢個設定。第一：文偉（胡子彤 飾）由泰國返香港後送比Elisa嘅一束玫瑰，代表住「未來」，兩位小情人分隔兩地，因為怕走漏風聲不能聯絡，依靠一種信物去想像對方係自己身邊，成為咗生存原因。第二：Elisa將文偉送嘅玫瑰放入玻璃樽入面，玫瑰係野生的，卻放咗入一個困身嘅玻璃樽入面，象徵住文偉始終留不下，但因為Elisa嘅愛而被留住，最終文偉都因為一家嘅生計返內地工作糊口，留下Elisa同迪詩係屋企。第三：玫瑰既美麗但帶刺，象徵住「危險」，就好似人嘅諾言一樣，聽起離冠冕堂皇，一旦守唔到呢個諾言，往往就好似玫瑰一樣傷人，文偉送玫瑰比Elisa，甚至答應帶佢去泰國定居，去睇瀑布，倒頭來只係一個謊言，令Elisa陷入瘋狂，殺手殺死文偉，同時係玻璃樽都打碎，彷彿文偉死亡對雙方甚至迪詩先係一種解脫。文偉唔需要再咁辛苦；Elisa唔需要再受相思之苦；迪詩唔需要再成為兩人間嘅夾心。第四：Elisa係機場上為迪詩戴上玫瑰髮夾，象徵住一份「枷鎖」，彷彿留下一切痛苦比迪詩一人，自己就揚然步入離境大堂，只可惜最後仍然被警察捉到。第五：阿輝最後為迪詩送上玫瑰髮夾，呢一份係「希望」，玫瑰嘅火紅經遺落到迪詩身上，阿輝會幫佢脫離苦海，展開新生活。#遺愛 #ElisasDay #鄭中基 #陳漢娜 #胡子彤 #陶禧玲 #馮智恒 #香港人撐港產片 #港產片 #電影 #香港電影 #睇戲 #hkmovie #moviehk #movie #l4l #f4f #tagforlike #tagsforlike #hkig #hkgirl #影評 #影後感#睇戲 #hkmovie #moviehk #movie #l4l #f4f #tagforlike #tagsforlike #hkig #hkgirl #影評 #影後感