熊出歿

Blum House 出品，以為係一向玩jump scare之類作品，點知又唔係喎！上半場鋪排係有點長同少少悶，因為冇乜玩jump scare同劇情較平淡，但下半場轉入直路解謎同破法開始就幾精彩，亦幾奇幻，驚慄氣氛營造不錯，臨尾重要扭一扭，不錯。呢套戲中文片名“熊出歿”有點兒形像化咗呢一套戲想講嘅一啲力量，反而英文片名Imaginary 更能形容本片嘅重心，一啲有關自我想像、心理同超自然力量嘅事情。Imaginary friend唔一定係一隻玩具熊、亦可以係Barbie公仔、亦可以係玩具機械人。整體嚟講故事都算完整同流暢，而本片小女孩表現亦唔錯，荷里活能演嘅童星真係多的是。

前期節奏尚可，到後期有緊張刺激嘅異世界歷險。小朋友想像力豐富，如果真係有想像力成真嘅世界又真係唔錯（？）4.3/5 （86分）

熊出歿 (Imaginary) 2024香港上映一個星期迅速落畫，網上評價相當低，但我同朋友又覺得唔錯喎。.電影概念幾新鮮，幾有趣，但執行上的確爭少少，輔線人物全删亦無礙劇情發展，但成個故事都幾完整。重點是隻熊「攻擊力」太低，雖然是合符背後目的，但就令到想睇恐怖片的觀眾到喉唔到肺。戲中有幾幕睇到好緊張，氣氛營造得唔錯，例如Something Hurt，走廊拉鏈熊，醫院扭橋等；但同時又有不少失笑位，妹妹突然話想返屋企真係笑左。.觀影平台: 英皇戲院Plus+ (圍方).IG : AndyMyFilmography/ #AndyMovieReview

無中生「友」驚悚電影《熊岀歿/Imaginary》，童書作家Jessica與音樂家Max結婚後，成為了兩位女孩的繼母，搬回到童年生活的老家，繼女Alice在地下室發現了一隻玩具熊，Alice慢慢跟這隻叫Chauncey的玩具熊發展出怪誕的友誼，兩人玩的遊戲慢慢變得邪惡，而Alice的行為亦越來越古怪，Jessica察覺不對勁，發現Chauncey或者不只是隻玩具熊。一日，Alice突然失蹤，老公Max又出差未回，小時候保姆離奇地出現，提醒Jessica玩具熊正是她當年遺棄的「假想朋友」，Chauncey不甘被拋棄，今次勢不擇手段留住所有人。Jessica為了找到失蹤了的Alice，挖掘經已塵封多年的童年記憶。電影創造出一個由邪惡的幻想朋友所創造出來的黑暗世界，Jessica得要闖入魔界把Alice救回來，電影描寫被主人拋棄的玩具熊展開報復的故事，劇情較為奇幻，以詭異氣氛取勝，恐怖效果只能說普普通通而已，但故事嘅轉折不錯，而飾演小女孩Alice的小演員表現出色，已算比意料中好看。

幾好睇 適合細膽驚睇鬼片嘅人去睇 恐怖程度BB級輕鬆睇 熊仔好得意 🐻🐻🐻