末世戰疫

講疫症又係疫情時期拍，特別有共鳴，睇到好緊張！男女主角嘅愛情仲有啲亂世佳人嘅感覺

故事背影設於Covid-19延伸五年後，疫情一發不可收拾，電影中各種設定如免疫者，禁足，隔離營，每日智能檢測等措施看似真實，但實際不太合邏輯，例如單靠免疫者做運輸根本無法維持城市日常，基本糧食已成問題。不過若不太執著細節，這個未來幻想其實幾貼身，電影在洛杉磯封城期間進行拍攝，真實感重，此時此刻，觀眾代入感應該都幾重。電影屬小本製作，場景不多，搞場大龍鳳主線竟然是一條末世愛情線，跟片名有頗大的入場期望落差。整體觀感算是緊湊驚險，但劇情有唔少反駁位。有人覺得純粹抽疫情水，粗製濫造，我就未，覺得去到爛片王的地步，只是不過不失。.觀影平台: Cinema City 朗豪坊.IG andymyf / #AndyMovieReview

唔係話唔好睇既，但普通左d

2020年之前沒有常人想像過有COVID-19及其影響，片中一半的情節已經在現實中出現，另一半是跨張或是預言也沒有人可以斷言。在這樣的背景設定下之愛情故事也是平實真摮，也沒有嬌情造作，一切都是人性的反映。後段過程更是緊張。配樂也不錯。片長只有84分鐘不拖戲，係有犯駁位但我張飛真金白銀$280沒有覺得蝕大本。但唔明白為何歸類為驚悚科幻片。

亂世下有好多選擇。睇大家點選擇！

電影喺lockdown下用最少時間同資金，喺17日内完成拍攝，結果只係證明，冇錢、冇爆炸嘅michael bay，只係得返露肉、不合邏輯同低級煽情。 敏感時期販賣恐懼，將疫情變成廉價娛樂都算鳩數，冇人對你michael bay有要求，見到你個衰名都係要娛樂性啫，你拍套咁嘅垃圾出嚟，前半悶撚到傻，不斷輪迴毫無養分嘅談情說愛，後半劇情一秒暴走，bug位爆炸式大放送，莫名其妙走個阿叔出嚟幫拖，明明套緊料又突然自爆捅人一刀，明明要送主角去檢疫，但啲董太裝喺門口企足成日，仲要將兩條自私撚嘅行為浪漫化，退一步，唔同你講道德，淨講劇情，一邊生死關頭英雄救美，一邊阿叔叫雞家庭鬧劇，咁對cut法會唔會過份咗少？加埋啲死人澎湃音樂同冇靈魂嘅狗血煽情，真心問，你對唔對得住全世界？