這一刻，想見你

馬來西亞取景青春電影《這一刻，想見你/In My Heart》，老掉了牙，陳腔濫調的題材，全無新意，還以為會是另一齣比悲傷更悲傷的電影，寫兄弟情不夠深刻，交代得不夠周詳，開場兩兄弟被鬼佬襲擊，而至細佬受重創須留院接受治療，令人覺得好無厘頭，及後女主角岀現，兩人的感情戲亦是淡淡的全不過電，就算女主角怪獸身患絕症，亦不覺有情節感人之處。 有「小金城武」之稱的涂善存演技稚嫩，演出生硬，電影海報側臉確實有點像金城武，除了女主角俊倩尚算清新可人之外，導演導技不足，編劇平凡，硬滑稽的笑料，演員全是陌生的面孔，全無青春氣息，全片可算是一無是處，電影歌曲亦不覺得悅耳動聽，不看也罷。

悶到訓著左zzzzzzzzzzzzzz

基本上只要放映時間啱，我都會入場睇啲小型發行嘅華語片，呢幾年都睇咗唔少鮮為人知有喺香港上映嘅作品嘅。而今日所講嘅戲就係馬來西亞mm2製作嘅『這一刻，想見你』，上年喺香港僅上咗一星期，更係十大低入場人次嘅電影之一。.唔單止香港票房失利，台灣表現同樣賴嘢，表面包裝成青春校園歌唱片嘅『這一刻，想見你』到底死因喺邊度呢？今日就同大家分析下。.由號稱「小金城武」嘅台灣新晉小生涂善存主演，片商宣傳上亦有拎出呢點作招徠。不過始終知名度唔大，加上極唯有限咁喺網上宣傳，相信兩地上映只係幫總公司嘅作品所做嘅例行公事而已。.本身套戲質素相當參差，得到如此回報亦理所當然，甚至係超額完成添。因為表面上係清新嘅校園勵志片竟然係大耍狗血嘅「悲天憫人」愛情親情攬炒電影。.如果撇除嗰啲狗血婆媽元素，選擇性咁睇中段嘅大學校園生活原則上係冇咁災難性嘅，畢竟可以參考過往海量同類型作品嘅橋段，衰極都有個譜。幾位同學嘅人物設定幾體驗到嗰種集各家之大成嘅感覺 - 插科打諢負責搞gag嘅死肥仔、神秘但非常有型有料嘅班草等等。.即使當中嘅笑位尷尬無比，甚至片首大玩已經冇人笑得出嘅男仔性笑話都好，最多都只會令我起晒雞皮，為戲中人物感到難堪，罪未至於死嘅。.偏偏編劇死都要加啲催淚嘅情節落去，咁樣就正式為電影送上條不歸路。.開頭為咗令男主角增添罪咎感唔玩心愛嘅音樂而強行令細佬「死亡」（同時又製造懸念嚟混淆觀眾視聽喎），呢個陰影牽強過關啦。正當你以為中段男主角逐漸放開陰影嘅時候，編劇嘅魔爪再次伸出來 - 今次就搞女主角！.忽然後揭女主角患上家族遺傳嘅癌症，再要佢失聰冇辦法聽到音樂慘上加慘。電影堪稱周不時晴天霹靂令觀眾意想唔到電影嘅扭向，後段嘅傷心愛情難離難捨生離死別嘅狗血情節同其他章節描寫嘅情節完全割裂，之前嗰啲兄弟情校園生活通通變得毫無意義。.以往港產片最犀利就係將好多天淵之別嘅元素融入類型片中，而呢項正正係現今華語電影經常失手嘅地方。導演同編劇本想製造一個熱血又感人嘅作品，最終眼高手低炮製出兩面不討好嘅災難電影。.未學行，唔好先學走。

入面首主題曲好好聽，啲演員都唱的幾好，男主角竟然先25歲，至於其他方面呢…就…非常普通套路依舊的愛情片。

中學生寫故仔水平，編劇弱、主題失焦、gag爛。勉強可以聽下歌，但要聽歌使咩入場睇戲？

好少睇到馬來西亞電影，仲要係青春片都幾新鮮呀