紐倫堡大審判

二次大戰後對納粹德國戰犯進行嘅紐倫堡大審判，由小說改編，唔肯定有幾多真幾多假，但當中嘅反戰訊息就真係值得世人反思，尤其當中法庭播出集中營慘況片段，令人心傷。電影長兩個多小時，但劇情充實無悶場，影帝級演員陣容冇得輸。年尾假期檔絕大部份都係大眾娛樂片，想嗒戲味嘅觀眾呢套係呢期不二之選。PS.• 羅素高爾已是階下囚一段時間，照計已全無"隨身物品“，唔明點解隨時都可以有粒山埃旁身 😅

整體好有張力…睇睇下又唔覺有兩粒幾鐘，因為劇情一路慢慢推進，對白係多但唔係悶果隻！輕微扣分係羅素高爾演德國人說服力就麻麻地…值得一睇！了解多啲德國歷史同埋集中營係幾咁癲同慘烈！

《紐倫堡大審判》，無疑是送給香港電影愛好者的一份上佳聖誕禮物。羅素高爾以其精湛超絕的演技，將納粹德國第二把手赫爾曼戈林的過人魅力和自信，堅毅與無畏，演繹得淋漓盡致。相較之下，另一位影帝雷米馬利克的演出，則明顯被羅素比下去了。希特拉於1945年4月30日自殺後，帝國元帥戈林曾自薦代表第三帝國，與盟軍歐洲戰區司令艾森豪威爾談判。「元帥對元帥」和談，最終變成一廂情願，戈林旋即成為階下囚。英美法蘇對如何發落以戈林為首的納粹高層，想法南轅北轍。英國力主即時處決眾戰犯；蘇聯傾向安排一場結果內定的鞫審；美國最高法院大法官羅拔積遜（米高沙朗飾），堅持對這廿一名文官武將犯下的侵略罪，以公平公正公開的審判定讞。羅拔積遜為了贏得同盟國支持，親赴梵蒂岡，向當時的教宗庇護十二世「曉以大義」。得到教廷背書，盟國遂選定紐倫堡司法大樓作為大審判的法庭。揀選在紐倫堡審訊的一個重要原因，是納粹於1935年頒布的反猶太法令《紐倫堡法案》，起點正是這座德意志名城。美軍為了確保戰犯的身心俱適合受審，特意安排精神科醫生凱利少校（雷米馬利克飾），負責監察眾戰犯的精神狀態及健康情況，並提防他們在獄中自殺。戈林在生命的最後階段，與這位軍醫建立的亦敵亦友微妙關係，成為新片的主軸。《紐倫堡大審判》沒有將焦點放在法庭上的唇槍舌劍、針鋒相對，是非常明智的選擇。始終六十多年前，另一齣關於紐倫堡審判的電影——《劫後昇平》(“Judgement at Nuremberg”)珠玉在前，要超越經典，難度相當大。現在另闢蹊徑，通過凱利少校去扣問一個智商高達138，擁有幸福家庭的男子，是在怎樣的心路歷程下，可以毫無罪惡感提出及簽署解決猶太人的“ Final Solution”法案。編與導試圖讓觀影者明白到，巨奸大惡，又或是假借歪理行惡的「魔鬼」，其實和普通人沒有兩樣。這種不顯山露水的雙雄比劃電影，要拍得好看，自然要求兩位主角的實力在伯仲之間。通觀雷米馬利克兩個多小時的演出，僅屬不過不失，遠未去到可以與羅素高爾相互頡頏的地步。環顧當今美國影壇，擁有旗鼓相當實力的其中一位資深演員，應數影帝湯漢斯。奈何老漢斯的年齡不適合扮演凱利，而小漢斯不堪大用，只適合串演角色並不討好的吉爾伯特醫生。片中，大法官羅拔積遜曾對凱利少校表示，在兩次世界大戰慘敗的德國，如果不幡然悔悟、痛改前非，美國未必有能力三度阻擋他的鐵蹄橫掃天下。德國哲學家黑格爾也說過：「人類從歷史得到的唯一教訓，就是人類永遠得不到教訓。」只不過新世代的狂人，未必來自歐陸罷了。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

2.5小時完全無悶場，值得睇既歷史。打仗原因都係因人類…最後要突出英國人既辯駁能力係靚位

「人類未來的唯一線索，藏在其過往行徑之中。」- 羅賓·喬治·柯林伍德（R. G. Collingwood）先講感想，我認為主角係結尾收官時嘅說話無比正確：「（納粹）並不特殊。當今世界每個國家都存在這類人。」為何有人會滅絕人性，實行600 萬猶太人的種族滅絕？小弟愚見係正因為個班人如此滅絕人性，先可以係當時當刻上到位；稍為有人性或者無咁癲嘅嘅，一早淹沒於時代巨輪中。所以人類的確係無學到教訓，80年後歷史繼續重復犯錯，都唔洗小弟多講：俄烏戰爭、以巴戰爭、印巴沖突、甚至剛果（金）內戰從未停過、最近亦有泰柬沖突。但又咁講，可能正正因為時代進步，或者呢幾十年多左類似《舒特拉的名單》、又或者呢套《紐倫堡大審判》嘅電影：「以「電影」為鏡，可以明得失」。世上再無出現類似希特拉嘅超級瘋子，令無咁癲嘅普通瘋子追隨。暫時戰爭仲係處於局部階段，未有第三次世界大戰，希望人類真係可以係無數個「紐倫堡大審判」學到野吧！講左咁多廢話，講返電影。羅素高爾演出無懈可擊，可以話carry左呢套戲，實在好鍾意睇羅素高爾做嘅奸角，全部都極有魅力；佢嘅演出甚至力壓同樣都係影帝嘅Rami一頭，當然，同劇情上寫成戈林大部分時間都處於上風位有關：看似自由活動嘅心理學家Douglas旁觀者清睇覺得佢其實係比戈林操控緊，中間都係經過小小反轉位跌倒再起身之類戰勝咁啦。其中大量對白交鋒都令人反思極深，9成文戲都唔覺得悶，就算唔熟悉二戰歷史、真實嘅紐倫堡審判都唔會睇到一頭霧水。當然觀眾都係要有一定思維能力啦，好似我隔離個個小朋友雖然係拔萃小學生（佢著住件拔萃外套），但佢呀媽睇緊同睇完都要解釋返比佢聽，所以唔建議想睇嘻嘻哈哈唔想用腦睇戲嘅人入場睇。《紐倫堡大審判》 雖然已經長達148分鐘，但大家維基下「紐倫堡審判」都知呢段歷史水蛇春咁長，但電影都係對呢段歷史、法庭戲解釋不足；由其羅素高爾同Rami 嘅相處時間都係唔夠鋪排，我覺得佢地交心得還是有點突兀。最後想講，係大銀幕見到集中營嘅人被屠殺嘅片段實在令我好震撼……

歷史一次又一次重演，而家個世界格局正重復一二戰時嘅走向，政府負重債，人民民粹主義同右傾，再加一個大蕭條同地源衝突，就有齊當時嘅外在環境。美國自由左派担心 Trump 係下一個Hitler, 所以哩齣戲係借古諷今。劇本出色，每個角色嘅都有故事同發揮，Russell Crowe 淨係氣場已超班，Richard E Grant 戲少但係好搶，Michael Shannon 一直好睇，Rami Malek 輸角色唔討好，其他配角都搶戲，成套戲係演技 showcase 。唯一批評係法庭戲有啲反高潮，結案陳詞有啲單薄，結局魔術扭橋亦雷聲大雨點少。整體係值得入場支持。