狂蟒之災

3.8⭐一套向30年前同名驚憟災難電影致敬嘅一套攪笑作品，影評如題。不過膚淺無厘頭表面又加入中年人咸魚之年追尋年青時夢想元素，令電影加添返少少深度，成為一套嘅有娛樂性，又有啲令人反思嘅消閑作品。聖誕假要睇戲呢套會係一個 option。PS.• 睇呢套戲時令我唸起"買兇拍人"，都係中佬追尋電影夢，又係有戲中戲• 唔知係咪我敏感咗，男主角喺樹林孭住野豬比大蛇追果幕嘅配樂好有 Metal Gear main theme 嘅影子，唔知係咪想向蛇叔致敬呢？🤔• 黑底字幕之後係冇彩蛋

個人覺得套戲是好睇。我會講，如果喜歡電影文化，套戲會睇得好有趣味。因為可以拍出熱愛小成本驚悚片同狂蟒之災的失意中佬導演為拍重拍牠，可以去到幾盡這樣感覺，這點無疑加分位，而套戲中好多細節，對白位也是暗串荷里活大導演、Sony、奧斯卡，這點也是睇得回心微笑。而導演在節奏拿捏、鋪排等技巧也是好。當然兩位男主角積伯克同基斯派特的演繹好到位，他們的互動好令套戲添加味道同化學作用好大，雖然他們演繹不是他們最好的，但也屬於上佳的演繹。痴·影·夢·藝 X 的專頁 https://www.facebook.com/ckwunmovie/

整體氛圍輕鬆，有d角色全程都喺度搞笑。動作場面都算可以，驚嚇度不高，而且應該有d地方係致敬緊其他作品，雖然我get唔到。4.6/5 （92分）

Ice Cube同J Lo有客串，算係驚喜現身。功夫熊貓🐼同蟻俠拍檔誇張攪笑，有幾場戲都令全院哄笑。驚嚇核突當然唔及原作，但觀眾唔係入場溫書，如果搵一班新演員重拍舊劇本，悶🥱到瞓覺😴都似，誠如Jack Black所講，哩齣係Anaconda嘅「精神續作」，我覺得好過當年嘅Anaconda2 & 3! 當然更加好過大陸版本(Netflix有得睇，但睇咗5分鐘就放棄），起碼CG冇咁假。未有得睇阿凡達3，哩套攞嚟賀聖誕🧑‍🎄都算可以得啖笑，雖然唔係應節電影🍿

意外地原來是講電影的電影。追逐後生時願望，都算是關聖誕，還有友情有人去陪自己起行。大致就是成班人想重拍套自己版本兒時看過的大作，豈料真的遇到CG蟒蛇。生存避蛇，不忘都要照錄一切，成片的歡樂程度似幕後花絮多！　　戲裏戲外都壓到最慳，刀仔鋸大樹。女金主都只能用盡大假唧出好幾日投入拍攝。電影難拍，但是預算低又能執生加個演員拍出即興創意。力除萬難煞科，電影不一定能上映，但是有料的可以再拍下套正版電影！　　野外求生到真的走進片場，蛇就出場約莫廿分鐘。作為META戲就虎頭蛇尾，局部幽默跟節奏，有豬出現之後明顯刺激得多！無《狂野時代》難明，貼地一步步安排製作過程。處理拍攝過程的意外更加嚇人：無害的蛇演員最可憐，難為不明資格的馴蛇師。戲裏都有幾次好似《爆漫。》中男主角投入的熱血，再加上投影環境沉浸創作令人羡慕！　　預告覺得一般的豬位反而實際鋪排出來效果極佳。落船轉折都緊張，以為是忠的卻是相反。不過後半才算有搞笑位，還好拍婚禮片的男主角本身都自帶喜劇效果。

沒有看過電影所致敬28年前的同名作品，少了情義結，但還是覺得有別一般動物驚慄片，介紹人物角色登場只是鋪排被捕食，主線純粹得逃生。劇情主線加入電影夢，有點惡搞也有點致敬，不過笑點我覺得還好，自嘲或抽水唔算太好笑。另外有條支線混入主線，令電影風格截然不同，呢幾個人物正正係之前所講的「食物」。電影主體條大蟒蛇其實得啖笑，大蛇神出鬼沒按劇本露臉，行動迅速快到其實睇唔清，驚恐不足血腥不足，反而條蛇仔仲有驚喜。結尾場大龍鳳齊集主角光環，舊角色重聚，逃亡大爆炸齊晒。整體其實覺得電影有啲兩頭唔到岸，驚慄不足，喜感不足，但總算是部稱職娛樂片。BTW我覺得最好笑唔係揹住野豬跑，而係坐響度小解XD因為阿凡達3同港片臨時撤出聖誕檔期，電影業競爭少咗，呢套戲響聖誕節早場有八成入座率，但隨著尋秦記上映，以巴士班次排場次攻勢，其他電影場次應該會大幅削減。觀影平台: Festival Grand CinemaIG: AndyMyFilmography/ #AndyMovieReview