腦細天劫

睇 Trailer 同 poster 有啲期望，點知同同期上映嘅末世綠洲 2 一樣伏。😅電影故事薄弱，係偽職場電影，睇 trailer 以為係大玩職場上司下屬對立同笑位，再加啲血腥cult ，點知職場對立其實只係電影開頭嘅十零分鐘 intro. 之後去到荒島鬥氣/求生到完場劇情已同職場冇關，變成男女鬥氣，沉悶乏味，悶到抽筋，男女主角角色塑造模糊，人格/人性飄忽，互動又毫無火花，又冇乜背景音樂，毫無氣氛，難以投入。男女主角島上行為動機含含糊糊，都唔知想點。最後無厘頭變 cult 血腥殺科。睇完真係都唔知睇咗啲乜。整體無論故事、血腥、cult 各方面都唔到位。冇一方面特別出色值得讚。PS.• 中段荒島求生劇情令我唸起老土C9韓劇"浪漫滿屋"，男女主角不斷重複鬥氣，只不過係加啲cult 味落去，但依然沉悶無聊。• 唔覺套戲幫到打工仔消消氣

睇過下預告，大概知小小故仔係點，以為只係一般老細/下屬身份對調嘅設定，點知由獵殺野豬開始嚟料…啲變態血腥位有啲真係睇到笑，有少少誇張😂劇本幾有創意，執行上就略嫌有啲位太多對白，唔夠乾淨俐落；特技位亦輕微扣分，整體都唔錯，只係無諗過原來係套帶有不少血腥+暴力嘅片。

自私既力量真係可以大到殺人，過程用最暴力去表達所以好入心，雖然殺左人，但又值得理解。好睇！

我喜歡這部電影，雖然故事簡單，不過想輕輕鬆鬆睇返套戲，呢套戲係一個唔錯嘅選擇。喺入面有出人意表嘅轉折位，唔係好行嘅大路結局，不俗！

個人覺得套戲是好睇。我會形容，這套是低配版上流落水狗同大講女權主義，他雖然無奧士倫咁藝術同黑色幽默向，但卻有好傳統荷里活人性驚悚片這樣的血腥向同手法，這樣可令一般觀眾產生出可觀性。而他的執行得得好準，好多位的處理好靈令觀眾所投入同賞心悅目。的確，導演今次卻不隱隱藏藏，好多位好直腸直肚，大講職場內，男權埋堆主義所衍生出來的惡同其潛規則，這點導演的處理無疑令套戲增添好大的張力同可塑性。而他在男女主角每一次，在主客對調的處理也玩得好準，可以成為到套戲中一大亮點。PS：最後那段好有猩瘋血雨感。痴·影·夢·藝 X 的專頁 https://www.facebook.com/ckwunmovie/

看電影的初段，如以為主僕两人在荒島冰釋前嫌後有happy ending，但驚喜是故事安排沒有童話般的結局。一個個的謊言，一個個陷阱，赤裸地示範商場如戰場，放下防禦，徒有童話故事般的心理，只會不斷遭遇傷害。很不一樣荒島求生故事，故事構思反傳統。演員表演洽如其份。值得去看。和周遭的政治事件和人物相似，不要說他們謊言和無耻，而我們的童話故事式思維要抹去，改革。