陰風陣陣

以下是我對這套戲的評語：個人覺得套戲是難以形容的，的確是大賣神秘符號和故事設定上很多有特別含意。如果純粹以技藝來講，這套在氣氛處理、攝影上是一套佳品。導演利用了空間感和剪接來令觀眾不安，這樣也是一套驚悚片應該有的。雖然我不是常睇驚悚片，而這套的確令我不安。而血腥味也是重。痴·影·夢·藝 X 的專頁 https://www.facebook.com/ckwunmovie/

片長152分鐘但其實唔算悶 血腥驚嚇場面唔多 睇完真係想讚下導演 好多方面都好出色 我最欣賞係鏡頭 可以一睇

入場前冇搵資料，影片長度，故事大綱，人物角色等等都冇留意。只見影評好兩極。一路睇一路有驚喜。故事都唔難明白。經過一輪思想消化，網上翻睇資料，值得再入場睇多次。

冇睇過Argento 77年版本難以比較，但聞說77原作劇本相對簡單，新作則取其形，然後塑造出全新嘅故事，內容層次多而複雜，不但扣連七十年代西德政治氛圍，又融入神秘主義、舞蹈、歷史等元素。由原作嘅芭蕾舞改為現代舞，舞姿凌厲，更配合女巫主題，透過肢體語言活現一場古老祭禮。全片充塞大量意像隱喻，訊息極多，不容易消化，整體定位偏鋒，加上不斷轉換角色視點敘述故事，絕非一般荷里活口味，但以兩個半鐘片長嚟計節奏算係頗快。《陰》氣氛營造不俗，拍攝尤其一讚，多用特色手法，如快速移鏡，復古得嚟陰森味濃，配合灰暗色調，風格鮮明，同導演前作《Call Me By Your Name》嘅陽光味大相逕庭。可能宣傳吹得太大，血腥程度冇想像中高，尾場血祭盛宴雖然大派血漿，但配合詭異舞蹈，迷離多於噁心，更有一種難以言喻嘅喜感。反而恐怖、懸疑感一流，早段一場肢體扭曲虐殺戲睇得頗為煎熬，屬近年睇過最令人不安嘅場面之一。Chloe比預期少戲，僅作導入之用，反而Tilda Swinton甚具女皇風範，即使角色未算立體，單單幾句對白戲都極其壓場，一人分飾多角亦令觀眾眼前一亮，但要細心留意才可發現。

故事刻劃深刻，要細心咀嚼，相對唔太受歡迎

這套翻拍片在技巧及畫面上確比1977年舊作有進步，但太長了，越睇越悶，睇翻舊版本只有九十多分鐘，但由開場打字幕開始已經緊扣人心，沒有CG特技，純用色調及配樂已經令人坐立不安，不愧是恐佈片經典，我更喜歡舊作丨