愛情上半場‧完

以下是我對這套戲的評語：我覺得套戲比預期中好，導演處理得好，他可以寫出一個放下的故事，講真有時失去最愛的時候的確要毀滅現有才可以重新建立，這樣是悲傷的人其中一種醫療方式，我覺得這點是導演今套戲的中心思維，我覺得今次導演刻意插入了回憶來增加男主角想念，今次的確無他上套狂野行這種意識流的技巧咁好睇，至於演員方面，積佳嘉賀今次我覺得是不錯和演繹出角色想念的情感，還有他這樣非一般的情感也處理得好。

男主角从后天开始喜欢前年影意外上年打拳 一年几套野都好看

英文片名係Demolition，但中文卻譯成「愛情上半場。完」，好怪，不倫不類。積佳蘭賀飾演的Davis有喪妻之痛，個人變得越來越神神化化，更兼喺外父公司工作，成日受外父阿Phil(Chris Cooper)嘅氣，話車禍中點解死咗個女而唔係Davis。當日佢太太在醫院過身，Davis發現自動販賣機出錯，向該機公司投訴，由一連串的信件來往，認識咗該公司客戶服務部嘅Karen(Naomi Watts)，從此人生好似在隧道尾見到一點微光，開始盡量忘記過往，不惜拿起大鎚去拆除（Demolition)昔日愛巢，佢咁樣做，係想從過去中跳出來，想重新建立未來人生。如果你曾經痛失摯愛，到過人生低谷，當會明白此片為何取名Demolition 。Naomi Watts 同Chris Cooper都係老戲骨，演出好，不在話下。而積隹蘭賀自斷背山以來，我都冇錯過佢任何一部片，今次與斷背山比，已經成熟不少，有更可愛演出。

史提芬三言兩語影評Demolition《愛情上半場 · 完》非常無謂的療傷故事！

喪妻後要來大改變，就係咁簡單，都想像到幾小品，美國電影人勁就勁在咁普通題材，拍得出味道來。香港無呢d事件咩？打開報紙日日上演啦，但個能個拍電影的都趕住嘩眾取寵拍大片，一就拍MK仔女低b愛情，賺錢賺錢都係賺錢，東方荷里活搞成咁，係有原因！