劇場版 城市獵人 天使之淚

有劇情, 唔錯！所有回憶返晒嚟！Final chapter just begins....相信會有續篇。作畫水準可以更好。片中有星級客串, 絕對有驚喜！Fan屎一定要入場！有一個彩蛋, 要睇完字幕。

提起「有孟波，冇囉唆」，「肥婆奶奶吖...」，仲有劉華版主題曲：「通街去找美麗女子...」係咪回憶返晒嚟呢？City Hunter喺35年前TV動畫化，無線好快就攞嚟播，全因「天龍」老翻賣個滿堂紅嘛(老餅時間，完。)日本方面分別保留到元祖主角配音（神谷明同伊倉一惠），佢哋都已經係77同64歲嘅長者囉。講番套戲先，「天使之淚」當然係繼續玩情懷啦！見番晒啲經典角色已經贏晒，加埋上作「新宿Private Eyes」Crossover嘅Cat's Eye來生三姊妹，大木鎚家法伺候(大量出現)同你估唔到嘅客串Cameo，真係冇得輸!故事大橋好retro, 同80s嗰啲特務片同出一徹，打生打死爭一支叫「天使之淚」又極度危險嘅注射劑，而呢"劑"嘢加埋女主角，都係同孟波嘅身世有關嘅...至於作畫方面，街坊A就覺得爭咗啲嘞...今時今日睇日動都係追捧製作公司(響晒朵嘅當然係鬼滅、鏈鋸人，進擊之巨人嘅MAPPA)，呢類頂級製作公司嘅作品喺分鏡同攞景都好用心，直情當拍真人電影咁處理。相反「天使之淚」喺畫面構圖方面總有啲80s有啲flat，絕對比唔上述作品。不過食情懷嘅話，都唔介意啦！代理上得CityHunter當然都係sell情懷，可能礙於版權方限制，只可有限度咁保留譯名（係，只保留到"孟波"）同喺翻譯玩少少鹽花，算盡晒力擺番啲懷舊元素落去。當然，如果做到配埋廣東話，咁就Perfect池嘞！「天使之淚」打正旗號係City Hunter「終章的展開」，就好似靚佬湯嘅Mission Impossible咁，預告為一個年代畫上句號...作為少年時代嘅珍貴回憶，散場不禁慨歎：「孟波可否不要老？」Ig@neighbour_a_reviews

係日本東京睇左，感覺特別正，有一種孟波出現的感覺，氣氛都好呀，電影版非常不錯，係男人都要睇

值得入場看，致敬其他動畫情節不突兀，優秀動作畫面配合經典情節，最後頗催淚，城市獵人迷絕不會失望。

我以前好鍾意睇孟波鹹濕孟波真係好過癮回憶返晒嚟不過劇情鬆散，砌來砌去咁同埋啲人啲動作同以前一樣懷舊可以，我收貨嘅，但我寧願睇返以前原汁原味無睇過孟波嘅人應該覺得老土

以漫畫尾段既故事改編，一去數十年，city hunter 冴羽獠 一樣咁型英帥，雖然真係無法同漫畫畫功睇齊，但都已經算係咁架啦，以fans黎講絕對收貨，唯一係點解仲叫孟波，其他人就用返原名，呢下片商真係好白痴，就連台灣都改返原名，2023年仲用呢個台灣譯名?有病咩。仲有