手捲煙

上映日期: 2021年6月17日 片長: | 101 分鐘 級別:
IIB
4.1
評分
897 讚好 139 影評
榮獲第57屆金馬獎7項提名,參展多個國際電影節,《歎息橋》演員陳健朗首部導演作品!退役華籍英軍關超(林家棟 飾)加入黑社會維生,但近年經濟不景,經常入不敷支。一天,南亞裔古惑仔文尼(Bipin Karma 飾)為躲避仇人,誤闖關超家,文尼以一百萬酬勞哀求他收留五天,關超欣然接受。另一邊廂,關超早前促成了江湖老大大口泰(袁富華 飾)與台灣黑幫菜甫(杜燕歌 飾)的金錢龜走私交易,大口泰收貨後竟發現貨不對辦,要關超交還一百五十萬訂金!文尼突然拿出一包毒品供關超換錢還債,事情像是完結之際,文尼竟又被大口泰的手下捉走!關超會自保逃走,還是冒險拯救這位相遇相知的新朋友?關超吸一口手捲煙,作出了最終的決定! 退役華籍英軍關超(林家棟 飾)加入黑社會維生,但近年經濟不景,經常入不敷支。一天,南亞裔古惑仔文尼(Bipin Karma 飾)為躲避仇人,誤闖關超家,文尼以一百萬酬勞哀求他收留五天,關超欣然接受。另一邊廂,關超早前促成了江湖老大大口泰(袁富華 飾)與台灣黑幫菜甫(杜燕歌 飾)的金錢龜走私交易,大口泰收貨後竟發現貨不對辦,要關超交還一百五十萬訂金!文尼突然拿出一包毒品供關超換錢還債,事情像是完結之際,文尼竟又被大口泰的手下捉走!關超會自保逃走,還是冒險拯救這位相遇相知的新朋友?關超吸一口手捲煙,作出了最終的決定!《歎息橋》演員陳健朗首部導演作品,第四屆首部劇情電影計劃的大專組得獎項目。
顯示更多 arrow-down
loading
影評
詳情
場次
Johnny Lau
Lv. 10
star 5.0
手捲煙的情與義
好耐冇睇到咁高質嘅港產江湖片。食手捲煙是一種情懷、是一種懷舊、是一種生活態度。捲煙後一般要用口水黏住,究竟有幾深嘅交情,先會接受人地幫你捲嘅煙呢?雖然劇情有啲老土,講古惑仔無端被捲入漩渦,被大佬追殺,但係故事非常流暢,全冇冷場,係上佳之作。導演講故事技巧好好,雖然有啲場口熟口熟面,但係都睇到佢有自己風格,完全唔似第一次拍長片。街頭追逐同講數場面都拍得出色,拍出張力同壓迫感。服裝、美術、攝影同樣應記一功。編劇功力上乘,簡單用左幾段對談同一個煙盒,就交代咗兩個男人從錢而聚,到後來發展出嚟嘅情與義。角色性格鮮明,林家棟嘅江湖老練,生活潦倒;Karma嘅天性純品,胆小重情;白只嘅狂野粗暴,盲目忠心,大家都演得好稱職。尤其袁富華同太保呢兩個江湖大佬,霸氣十足,心狠內斂,做得入型入格,令人不寒而慄。戲內對白尤其出色,言簡意核,男人就係鍾意一句到尾。不過以前啲黑道片,惡人都鐘意著黑色,唔知幾時開始變咗著白色......
顯示更多 arrow-down
34  負評
3  回應
Johnny Yau
Lv. 1
star 5.0
高質港產片
電影交待情節冇拖泥帶水,劇場緊湊。聲畫配合得好好,尤其係配樂同埋聲音特效令到緊張感大增,而且長鏡頭嘅拍攝都好精彩。演員方面林家棟先生同白只先生依然保持高水準,最驚喜係一眾新面孔演員都可以有唔同角色嘅特色同埋味道,角色嚟講唔會話有多餘嘅角色出現,喺電影中每個角色都有自己嘅作用。手捲煙呢個戲名亦都扣題,手捲煙對於兩位主角都有一個好特別嘅意義。絕對值得入戲院睇嘅港產片。請支持港產片同埋香港嘅演員!#唔講一 唔講三 講義#唔講風 唔講雨 講雷
顯示更多 arrow-down
30  負評
0  回應
X
Lv. 10
star 5.0
一套比預期中更好的暗黑風本土片
個人覺得套戲是好,各方面陳導處理得好,好有杜琪峰這份質感同銳利度,雖然在劇情處理上陳依然有點稚嫩,不夠統一風格,沒杜這樣種運籌帷幄之氣勢,但作為首套導演的作品,陳導今次的處理是合格有如。個人覺得假如他將來有杜Sir的加持同鞭策的話,他的導演前景一定會更好。(這點上我又有點疑問,到底曾被杜鞭策的樹大招風三子,他們現時在哪裡同還在電影圈嗎?) 其實講技藝,這套是出色,無論人設、美設、攝影各方面也是好,可以做出這份暗黑風格,而攝影處理是高質,尤其是廟街追逐、濃霧交收同最後工廠亂戰的一幕,而人設方面也是好,好有質感同讓觀眾投入。無論關超的冷漠、文尼的膽小、辣雞的暴戾,也是處理得好。 而演繹方面,家棟今次不好講,他演繹得好,可以演繹出關超這份滄桑而對往事有內疚的感覺,而個人覺得白只今次演繹的確令我眼前一亮。他可以演繹出辣雞這種無底線暴戾的處理。痴·影·夢·藝 X 的專頁 https://www.facebook.com/ckwunmovie/
顯示更多 arrow-down
12  負評
2  回應
Movie Lover
Lv. 10
star 4.5
香港繁華麗影后的黑暗世界活動
電影講述香港繁華背後的黑暗世界活動,內容頗多,有華藉英兵、南亞難民、深水埗、廟街、重慶大厦及港台黑幫。幾幕黑幫仇殺場面拍得幾震嚇,夠暴力,影帝太保那場拍出“我才是最後强者”味道,片中每個演員都是實力派,角色演譯不用懷疑,悄嫌那南亞演員嫩葉,影片色調陰暗及冰冷,只有那南亞演員衣着多色彩,是否暗喻他不再為錢犯罪才可重新start。這類題材的電影非常難掌控,而以一個年輕新導演來說已相當不俗,本片亮點是能看到香港一班優秀演員的演出及一班優秀幕後團隊。支持香港電影。
顯示更多 arrow-down
10  負評
0  回應
責任影評
Lv. 10
star 4.5
久違了的港味陰暗電影
真的好耐冇睇過有水準既港味陰暗世界既電影!不算高成本制作,但各演員表現出色,故事流暢,拍出緊湊節奏,冇冷場。睇完真的覺得港產片未死得哂。久全片香港演員,久違了既林家棟表現出色。喜歡港味電影嘅朋友一定要睇。新電影條例實施後可能再難有呢啲電影,大家一定要捧場!冇大卡士大budget一樣拍得出好電影!
顯示更多 arrow-down
2  負評
0  回應
Andymyf
Lv. 10
star 4.0
男人的浪漫
本屆金馬獎僅次於無聲,榮獲七項提名,這部港產片真係未上畫先揚威海外,先聲奪人!手捲煙原本比我印象係澳洲生活果陣見班朋友為左慳錢而自己捲,無諗過睇呢部戲手捲煙會係男人的浪漫。 .這部本土製作在疫情期間拍攝,陳健朗首次執導長片,林家棟不收片酬但無交行貨,將關超這個角色注入靈魂,戲中的變化,情感交流很有感染力。而另一主角Bipin Karma 首次演出非常亮眼,完全不似無演出經驗,更看不出現實中的他不善廣東話。另外袁富華太保這對叔叔CP再次交鋒,實在看到心有戚戚焉。其他角色當中,白只較為搶鏡,黑道造型參考真實人物設定,但我覺得有點喜感。.劇情有關香港較小眾人物捲入黑道事件,當中關超與文尼的Bromance關係好好睇;尾段六分幾鐘一鏡到底的動作場面來得有點突然,過程有點超現實,但視覺上又幾好睇,睇到好肉緊!而電影在重慶大廈,舊式單位,天台等取景都好有港味,加上重鼓聲的配樂,更添一份佬味!.#最後一幕我以為文尼去見工#香港人都係鍾意自己人打自己人 #香港人都好講義好講雷#我覺得電影政治引喻都幾強烈.IG andymyf / #AndyMovieReview
顯示更多 arrow-down
10  負評
1  回應

特輯

【 MOVIE6 影評 】《 手捲煙 》裂縫中的身分認同危機

【 MOVIE6 影評 】《 手捲煙 》裂縫中的身分認同危機

【 MOVIE6 熱話 】實物圖!香港製造《 手捲煙 》限量電影紀念品

【 MOVIE6 熱話 】實物圖!香港製造《 手捲煙 》限量電影紀念品

私隱政策
使用條款
免責條款
65a7297