走出人質事件

如果唔係呢套電影提返起，我都已經忘記咗呢件事件嘅存在。此作為一齣馬來西亞電影，所有香港遊客都係由馬來西亞華人演員色演，由佢哋嘅廣東話口音同用語已聽得出。香港演員如羅蘭、李逸朗、龔慈恩亦有參與客串演出。電影整體流暢，節奏明快，開始不久就已經入局，當中幾多真幾多係戲劇性改編我唔知，但整體感覺大致上還原到事件經過，尤其菲方處理事件嘅低下水平同所謂特種部隊嘅非專業同醜態，都一一呈現返出嚟。電影整體具緊張感同娛樂性之餘，亦有唔少令人思考又或反思自己嘅位，可以一看。有啲人認為唔應該拍此電影，以免在死難者家屬傷口洒鹽。我個人就認為事件已過咗十幾年，大家都應該放下，努力面對將來，唔應該再糾纏於過往傷痛。但係，我哋又唔應該將事件永遠忘記，拍成電影可以令事件得以記錄同保存，讓後世人知道，人生無常，要珍惜身邊一切，活好每一天。PS• 電影一路睇、一路睇，真係令我不斷思考同感受到角色當時嘅感受• 希望事件中死難者安息，幸存者/家屬能走出事件，活好未來。🙏• 電影收音麻麻，有時啲對白聽唔清楚• 我到而家嘅唸法都係......冇乜必要，唔會去菲律賓

劇情好緊湊，去到尾段其實訪問返當時人，可以了解吓近況

有人話開拍哩部電影🍿係喺死者遺屬傷口上灑鹽，我唔同意，事隔16年死傷者沉寃待雪，菲律賓🇵🇭未有正式道歉和合理賠償，電影正好讓香港市民不要忘記，繼續支持死傷者討回公道。如果咁都叫灑鹽，咁歐美電影不少以二戰猶太人被屠殺為主題、我國亦不少影視作品紀念南京大屠殺⋯⋯受害者不少遺屬尚在世，佢哋會唔會覺得電影並非申寃而係灑鹽呢？今日我轉咗兩次車，特登搵到間戲院上映哩齣場數少到稀有嘅電影，目的就係向誠意製作電影嘅公司致敬🫡更重要嘅係向死傷者致意🫡電影唯一美中不足係唔可以喺實地（馬尼拉黎刹公園）拍攝，小本製作請唔起香港演員傾情演出，只可以搵馬來西亞🇲🇾不知名演員扮演香港遊客，啲廣東話有口音令觀眾出戲，只有fish(馬來西亞華人）、羅蘭、龔慈恩做串星，幫助人質家屬嘅涂謹申議員仲坐緊監，如果冇哩套戲，善忘嘅港人真係又一次失憶，哩個就真係喺死傷者傷口上灑鹽喇😭😭😭我跟團去旅行多次，啲香港領隊可能感同身受，間中都會提返哩件事，除咗哀悼領隊謝廷駿之外，最奇怪係冇乜邊個怨恨（甚至反而同情）兇手門多薩，門多薩被腐敗嘅政府、權貴和警方排擠，為咗討回公道，被迫鋌而走險，結果喺警方挑釁（拘捕其家人以脅迫門多剎投降）和直播電話對話記者嘅刺激下，失去理智犯下彌天大罪，今日睇返，其實佢係「誤殺」人質，菲律賓🇵🇭警方👮係「謀殺」港人，佢哋根本係搵藉口殺人滅口、遮掩自己嘅臭史，港人無辜送死、陪葬，從一開始可憐嘅港人就喺菲方「扮無能扮論盡」下，被注定咗悲劇嘅命運！（菲警事後仲好意思喺彈痕纍纍嘅旅遊巴前selfie自high，真係舔不知恥，so disgusting 🤮)如果猶太人要記住集中營、中國人要記住南京大屠殺⋯⋯點解香港人唔可以拍電影🎬記住菲律賓人質事件呢？做乜要譴責電影公司，攪到咁少戲院咁少場次公映哩套誠意作品呢？咁以後仲有邊個拍講真話嘅電影🍿呢？可能就係有啲機構別有用心製造輿論或假民意，令大家噤若寒蟬，唔敢再提真係發生過嘅事？

整套電影唯一拍得好嘅，基本上就係還原菲律賓警察有幾垃圾、有幾腐敗、整個制度有幾官僚，睇得出都根本係整個民族好多人嘅懶散問題，當年嘅憤怒，藉着呢套電影再次體驗，實在未能忘記。以上亦都已經喺呢套戲最好睇嘅地方，電影本身感覺只係小品製作，無論係拍攝手法、剪接、配樂等等頗為幼嫩，甚至中段出現收音問題，一段時間啲對白都係俾人撳住咗個收音咪咁。其中電影有啲對話亦都比較老土，唔係正常人會講嘅說話，其中演員有好多都唔係香港人搞到有啲出戲。而且電影用大部份時間講述人質事件嘅前因、經過同後果，反而好少描述點樣「走出人質事件」，搞到套戲嘅內容同戲名根本不乎。如果套戲可以集中講述創傷後遺、講更加多受害者點樣走出呢件事、點樣索償嘅話會更加好睇。電影最後差唔多20分鐘先至講事件結束後點樣收尾同點樣走出呢件事，但根本只係蜻蜓點水，過多獨白，搞到件事好表面，同埋個人唔係好鍾意講咁多葉小玲嘅個人愛情事，同電影關係不大。

個故事都建構得唔錯，自然呈現到旅巴上所有被脅持人質的精神面貌和情感；讓人體會到事件源於當地國家政治腐敗、一些在高位的官員、議員互相包庇，陷害無辜。電影亦關顧到幸存者和死者家屬在事件後所面對的痛苦、困擾，甚至折磨。看著多少令人動容！

此電影以2010年的馬尼拉人質事件改編，然而事件過左16年，作為電影顧問的易小玲（人質事件生還者），對事件記憶猶新，整套電影是從其角度去看整件事整套電影是拍得非常逼真，高度還原整件事情，讓入場的觀眾彷彿是親歷其境，同時亦讓觀眾當中有反思