熟女愛漫遊

上映日期: 2020年6月18日 片長: | 100 分鐘 級別:
IIA
3.0
評分
52 讚好 9 影評
每年前往東京留學的人數以千計,陶莎莎(衛詩雅飾演)的理由卻最出人意表!莎莎是因為失戀才逃難到東京! 一個月前,她跟拍拖13年的男友Paul(周俊偉飾演)分手,說得清楚一點,是她被男友拋棄了,拋棄她的原因是男友說莎莎太愛他了,令他吃不消。「天啊!愛一個人愛得太深都是錯?這是一個什麼的世界?」 為了忘記這段愛情,莎莎決定接受網站的邀請到東京拍攝旅遊片,其實是出走東京來個失戀治癒之旅,順道遊學。她要用食買玩來忘記失戀的傷痛!莎莎來到朋友介紹已經有100年歷史的民宿居住下來,民宿是舊式日本建築,當中住了三十多歲終日與吹氣娃娃為伴的『宅男發明家』曹永藤(李任燊飾演); 考了8年仍入不到東京大學的『考試浪人』 馬統 (周祉君飾演);熱愛武術的李小龍忠粉涼小龍(丁小龍飾演);還有不時走進莎莎房睡覺的民宿老闆山田阿伯(坂本明飾演) 在日本寓工作於療情傷的莎莎,漸漸與這班怪房客建立起感情,更在夢遊時遇上對她一見傾心的葉楓 (唐禹哲飾演) ,究竟莎莎最後會情歸何處呢? 男主角:唐禹哲;女主角:衛詩雅;男配角:丁小龍、周祉君、李任燊
顯示更多 arrow-down
loading
影評
詳情
場次
James RICE
Lv. 10
star 0.5
總結: 爛片到冇得再爛
由最初5分鐘的期望,再用盡下半生的忍耐… 去睇完呢一套戲💀如果戲院繼續上呢一套戲, 我相信好可能要重新裝修...🚜
顯示更多 arrow-down
0  負評
0  回應
AY
Lv. 10
star 5.0
靚人靚景
陶莎莎好靚好可愛啊, 🥰葉楓好型 イケメン, 輕鬆的消閒電影。
顯示更多 arrow-down
7  負評
0  回應
電影拾點
Lv. 10
star 1.5
失戀斷捨離?
1.繼『PG戀愛指引』新晉導演蔡潔鈴事隔四年帶嚟「新作」,呢套『熟女愛漫遊』早喺2017年完成拍攝並喺2018年沖繩國際電影節進行世界首映。拖足兩年本身喺年初情人節檔期開畫,但多番改期下幾經波折終於喺今個月上映。.能夠改咁多次期,某程度反映電影公司對套戲冇乜信心先一改再改。不過電影如此卡士、題材同情節,就算擺乜嘢檔期上都係必死無疑。睇返當初拍攝時嘅資料,原來製作公司當呢套係網絡電影。.好,完全明白晒。-2.坦白講,我睇到一半至捉到要用咩角度去睇套戲,奉勸真係有興趣睇嘅朋友需要調節心態入場。.電影走日式少女愛情漫畫風格,情節較為瘋狂騎呢、演員演繹誇張再配合舊式電視台 gag show罐頭配樂。令我目定口呆必定係飾演旅館老闆嘅坂本明,次次出嚟大嗌「莎莎」跟住痴漢式擁抱衛詩雅,呢種莫名其妙嘅情節我覺得似抽水多過搞笑囉。-3.片首交代女主角嘅職業除咗係KOL仲強調佢係插畫師,但呢個設定喺稍後嘅內容毫無用途,全片淨係見到佢不斷拍片打文反而插畫就唔知去咗邊。.呢一種唔知做乜嘅精神貫徹整套電影。例如又係片頭嘅部份,衛詩雅搭的士去機場一邊VO講自己講落去日本嘅事,一邊加插港島區唔同地方嘅空鏡。問題係兩樣野根本扯唔上關係,明顯係拍攝時只係一鏡拍晒喺車廂嘅場面,之後發現如果配上咁長嘅VO會好單調而強行插入香港各地嘅空鏡。.如果我要睇景,就直接聽瞬間看地球啦,點解要睇你套戲啫?.不得不提全片最精彩部份,就係煙火大會衛詩雅陶醉喺煙花嗰一幕,忽然退地key佢喺一堆煙花中間,效果出嚟突兀但無厘頭地好笑。當套戲冇乜笑位笑得出時,忽然彈個柒到核爆嘅位出嚟總算幫手炒慶個場面。-4.拍拖多年突然男朋友話要分手,一直諗唔明段關係真正死因嘅衛詩雅,透過喺東京各種際遇令佢放低傷痛,重新振作更投入另一段戀情。呢個原則上係電影想講嘅內容。.但係電影絕大部份情節圍繞喺女主角同旅館幾位奇怪住客身上,不斷胡鬧喧嘩又忽然認真講出自己逃避嘅事,真真正正幫到女主角面對感情問題嘅人,只有兩個女角色 - 由陳鳳同陳逸寧飾演。.所謂開解女主角嘅場面,就係直接喺餐廳講一堆戀愛哲學嘅對白淋醒女主角。呢啲純功能形人物仲乾脆到只係出現一兩幕就再無出現。-5.雖然佢係以網絡電影為目標,以為佢成本有限一定會偷雞返香港拍攝。首先意想不到戲中都算較多東京嘅戶外拍攝場面,其次電影真真正正日本情節就喺日本拍攝,唔係好似『肥龍過江』咁㗎,最誇張客串一組嘅陳逸寧都要飛去日本拍攝添。.撞著慳皮嘅監製一定會諗盡辦法將相關場面搬返喺香港拍攝,無情情出機票錢請個演員過去拍戲個筆錢都唔野少㗎。-6. 另一個有趣嘅地方就係電影主景「山田館」原來係小津安二郎曾經長住嘅「茅崎館」- 即係『原諒他77次』阿Sa同柏豪要搵嘅嗰間旅館。-7.宣傳方面無論海報定預告片,都大大隻字打出「唐禹哲」令大家誤以為佢係男主角。實情佢戲份仲少過特別演出嘅周俊偉,加加埋埋都唔夠5分鐘。.睇返最近所拍嘅宣傳短片,唐禹哲都話自己係客串演出。片商煲到咁大應該有唔少粉絲中伏,咁嘅戲份仍然擺佢落領銜主演,係確確實實誤導觀眾囉。-
顯示更多 arrow-down
0  負評
0  回應
港女
Lv. 8
star 3.0
還好
雖然故事一般,不過拍得幾靚
顯示更多 arrow-down
0  負評
0  回應
小觀眾看電影
Lv. 7
star 4.0
不止愛情
***此內容含有劇透,按此查看更多***
7  負評
0  回應
吉高寧寧
Lv. 6
star 5.0
現實生活中難得的一點正能量💪
靚人靚景靚服裝,輕輕鬆鬆100分鐘!
顯示更多 arrow-down
7  負評
0  回應
私隱政策
使用條款
免責條款
65a7297