五腥級盛宴

個人覺得套戲是好睇，導演執行同處理也佳，他很懂用將這個劇本的可塑性充分去拿捏同發酵，好令套戲更加細緻同有味道。從而令觀眾更對套更有可觀性。而套戲也處處大力去鞭策同譏諷現今高級飲食界各種扭曲生態，尤其批判一些那扮懂食但語出驚人同不尊重人的KOL同那些好前衛但飲不飽人的份子料理，這樣也是加分地方。而芝士漢堡這個設計也是更是套戲中最神來之筆的地方。當然賴夫今次的演繹是大大幫到套戲，他的確演到這份喜歡操控人、陰沉同對固執大廚的感覺，好令觀眾睇到心寒。棋后今次也可以的，反而藍獸今次演繹很………………。痴·影·夢·藝 X 的專頁 https://www.facebook.com/ckwunmovie/

故事另類，構思特別，但感覺情節是固弄玄虚，演員很努力去演，但故事太弱，大大降低電影吸引力，感覺是個大傻佬領導小傻佬去殺左班佢唔順眼的人，電影中的菜色吸引，可惜電影未必合普羅大眾口味，有些眼高手低之感。浪費大眼美人。

一開始睇越黎越肚餓，睇完套戲飽晒！(無晒胃口). 以為會係大逃殺類，原來又唔係，幾乎一切都係依計劃出場(除左女主角嘅出現係一個意外). 主廚好有性格，女主角靚女之餘仲好多戲份。4.4/5 (88分)

以一餐高級餐宴過程, 帶出一套既懸疑, 驚慄但又帶黑色幽默嘅美味電影。題材新穎、表達技巧亦能表達前述的特質。最重要嘅主廚表現出色,能表現專業高級西廚氣派,而帶一種隱藏陰沉殺意。女主角則外型美麗又獨特,演出亦到位。但此片亦有缺點,就係下半部份未有交代為乜要選果班食客,果班食客有幾仆街有幾值得要死。亦冇交代主廚母親同其他廚師為乜唔出聲要同主廚合作。可能導演想觀眾自己思考。總括此片雖然有交代不清嘅地方,但齋睇盛宴過程已經係一個唔錯嘅享受,仍推薦入場一看。

這是一齣黑色電影🎬有諷刺但唔算幽默入場係因為Anya Taylor-Joy 自從Split, Glass, Queen's Gambit就喜歡這個冷面型女之後連演出稍遜嘅Emma, Last Night in Soho, Northman & Amsterdam都捧場得出一個結論：哩個女演員雖然出色但係唔會演正常人嘅角色架哩齣都係一套奇情電影 正好畀鍾意血腥刺激嘅觀眾暫時逃離現實故事有走火入魔嘅名厨及其餐廳團隊年青金融才俊專事攞公司及客戶著數供自己奢華揮霍眼高手低志大才疏不自量力想偷師嘅「厨屎」有自戀嘅明星仔 有見利忘義嘅助手有刻薄嘅食評家及飲食雜誌編輯有色迷心竅嘅成功人士夫婦其實故事冇乜新意有啲似我年少時喺麗的/亞視睇嘅美劇Fantasy Island又係一眾豪客上到渡假小島在美食及奢華生活掩映底下原形畢露 被迫面對不敢和不想面對嘅過去和真相只是哩齣更激地去到清算 批鬥 懲罰 自毀 攬炒有啲聖經故事嘅味道 在荒謬又離經叛道嘅人類世界人類最終罪孽深重 走進罪惡之城所多瑪喺上天註定嘅自毀結局裏一切冥冥之中自有安排唯有一名臨時拉伕嘅出租妓女倖免於難因為佢本就不在名單上 擾亂咗預先安排嘅計劃最後聰明地利用星級厨師對自家產品/食物嘅執著和自大令自己得以安全脫險衣冠禽獸死盡 低三下四可以存活⋯⋯讓新嘅衣冠禽獸繼續剝削循環往復 直至下一個攬炒⋯⋯然後下一個⋯⋯直至再冇下一個？

入場前沒有看過預告片，但看到港譯片名已令我有點期待！但我覺得開頭是有點冗長，講經太多以致有點沉悶，直到中段開始才覺得精彩。.劇情觀感上有點期望落差，不過電影不安感營造得相當不錯，主廚拍手好有效果。成件事好奇情，但其實狠狠地諷刺社會大眾，食評家文字左右廚師及餐廳命運，有錢人以及高層自覺高人一等，仲有自以為乜都識其實衝出嚟柒，為左呃Like唔怕死的自私行為等等，我感覺自己坐在戲院也中槍。至於是否死有餘辜，就讓觀眾自行決定。.我幾喜歡結局，見到有人認命，有人感觸，成件事理智左，亦帶出價值與快樂的掛勾。.觀影平台: K11 Art House.IG : andymyf / #AndyMovieReview