等一個擁抱

好似中學之後無睇過福音電影，呢部戲雖然有林以諾牧師，但福音訊息其實只是輕輕帶過，說教味不濃。故事是有關家庭關係，講拋妻棄女的陳友在年老時患有腦退化，與李璧琦，龔柯允飾演的兩姊妹相處，化解仇恨，講原諒寬恕。主線劇情起承轉合完整，但節奏上有點唔平均，前中段有點慢，後段轉折則來得太突然，不過整體上是部溫情滿溢的小品。演員並不算大卡士，但有很多熟悉面孔，陳友演出到位，有時清醒，有時迷糊，在電影中帶點喜感；龔柯允由憎恨到原諒，角色亮眼，演出恰好；反而李璧琦的角色較少發揮空間，但比起電視台劇集的演出自然，十分討好。其他角色支線只是輕輕帶過，可有可無，不過為電影帶點輕鬆時刻，亦讓演員多點出鏡機會。.電影有八首原創歌曲，算是港產片中罕有地多電影歌曲，而且每首歌都好好聽，龔柯允同李璧琦都是實力唱將，值得有更多機會。電影不少戲份在大澳取景，拍得幾靚，看完很想去大澳一趟。電影跟同期上映的爸爸可否不要老一樣有關老人痴呆症的父女相處，但風格截然不同。這部是很直接的敘述故事，送上溫暖；另一部則帶點懸疑，觀眾跟爸爸一樣摸不清狀況。.觀影平台: 朗豪坊 Cinema City.IG andymyf / #AndyMovieReview

基督教背景嘅「真証傳播」多年嚟製作多套福音電影，所以推出呢套『等一個擁抱』時大家自然將佢當作係典型傳福音大愛嘅電影。點知原來套戲並無想像中咁濃烈宗教味，全片僅有林以諾幾句對白暗示耶穌而已。.話雖如此，電影終極目標都係想傳遞正能量、寬恕同家庭嘅重要性等等，自然能夠食到啲宗教以外嘅組織做包場嘅。不過有好嘅立意唔代表一切嘅，始終觀眾都係在乎電影嘅質素。.儘管搵到金培達做配樂，但問題係電影拍攝時收音出現嚴重問題。好多幕街外嘅雜音太嘈兼掩蓋演員嘅聲線，而配樂又會硬生生勁大聲cut入去，繼『玩轉全家福』後又一考驗觀眾耳膜功能之作。.此外電影崇尚「自然燈光」- 即係全片毫無打燈，所以當室內光線不足時演員慘被黑口黑面，而呢個情況係經常發生添。難得電影有啲專業演員參演，技術上卻非常業餘未能展示演員嘅功架。.三位主演中，陳友同李璧琦確實係交到戲出嚟，不過歌手出身嘅龔柯允就拖晒兩人後腳。演技欠奉而唯有喺電影擔當閪口閪面、奔跑同大嗌嘅功能，次數多到嚇死人。.原則上電影頭一個鐘就已經大團圓結局，一家人和好如初。之後半個鐘嘅劇情為拖時間而拖，內容極之似『愛回家』呢啲處境劇嘅濃縮版咁 - 失驚無神成班人去幫肥佬減肥而一齊跑步⋯⋯完全唔知做乜鳩。

認知障礙，係唔會無啦啦咁樣好返，套戲真係勁白痴，仲要兩個女人啲演技都差到無倫，一啲都唔感動。又係睇前面幾分鐘，就已經估到後面全部發展嘅電影，浪費時間同幾十蚊，不如返屋企睇吓youtube。

朋友邀約一起看。劇情是女兒與出軌父親的破冰的故事。大澳景色優美，電影拍出水鄉悠閑文化特色。但故事平凡，情節預料之中。消磨時間是不錯的。但深度便付之闕如。

因媽媽生前也常忘記事情，對這劇裡的細節很有共鳴，這片刻畫情感位好細膩，已引起觀眾既共鳴，絕對值得一家人一齊入場觀看。

很值得在電影院看的正能量電影。人需要有很多的遺憾，惟有寬恕能將愛成為最大及最美的力量!