星願奇緣

套戲帶出嘅主旨唔錯，不過比起其他作品故事比較單一，可以話好穩陣無咩驚喜。 比較似串流平台嘅電影，電影院睇我覺得有少少違和，無感動到人或者震撼到觀眾嘅畫面。

電影主旨是一部“人人都有追夢權利”的電影，這正好贈慶狄士尼這座以童真為本夢工場的百年誕辰。個人覺得在美工和故事創意上都是一般水平，角色造型不吸引，而那位專制獨裁者可能代表人的惰性、舒適圈。狄士尼平凡出品。

制作出色, 歌曲動聽,帶領觀眾進入簡單天真童話世界, 暫時忘記現實。特別一讚係美術設計,全片仿如童話書插圖。總括而言一貫迪士尼套路冇失手, 故事簡單, 善惡分明, 但亦冇乜驚喜。我睇嘅係英文版。4星大部份係比出色嘅制作。

英文名就咁叫wish, 但其實除咗願望之外，星星都係呢套戲好重要嘅部分，中段星星回應女主角嘅願望，浪漫場景配上絕美音樂非常感人，而且"We are stars"嘅概念喺後面嘅戰鬥亦係關鍵，音樂劇式嘅享受拍得住近期大熱嘅"旺卡".4.7/5 (94分)

所以我又關閉回覆功能 因為有爭議性 須避開非理性攻擊當14億人只可以陪維尼發埋同一個夢 中國夢 嘅時候 你就會發覺偉大領袖就係國王🫅蒙飛哥喺社會主義國度 個人嘅願望即使極卑微 都必須讓路俾「偉大民族復興」電影中國王實施魔法和謊言 收集每位國民嘅願望並予以禁錮講得好聽就係幫佢哋解除實現夢想嘅負擔實際上就係要佢哋忘記夢想 乖乖聽話最後國王忘記夜闌人靜深宵無眠時人人抬頭望向同一片天空 都仍可以為自己向繁星許願這是祖先遺傳給我哋嘅DNA同習慣假以時日 當星星積聚夠群眾嘅力量 就會發出光芒指引我哋走出黑暗最後每個人都係一粒星 然後星星之火 可以燎原就如電影中Asha同親友及國民一齊推倒暴君 攞返並解放夢想 所以我好奇怪咁「反動」嘅境外勢力及腐敗西方資本主義病毒合成嘅毒草 點解會過到新香港電檢處嘅審查呢 唔通強大國安部門都會走漏眼？今日大家都噤若寒蟬 但思想仍是自由不受管束的我要點諗 你管唔住睇唔穿到人人忍無可忍時 我哋就會打倒電影中嘅虛假理想國建立人民自主嘅真正理想國另外 哩套戲係我告別$25老人早場嘅第一齣電影因為由今日起戲院加價至最低$30費事有人話我斤斤計較 又窮又酸 成為關閉回覆原因之二亦由於貪便宜 盲鍾鍾睇咗粵語版 至發覺早場冇英文版我對鄭欣宜配音及歌聲係可以接受 並不討厭但總覺得迪士尼電影都係英文版原汁原味啲所以費事有花生友怪我崇洋 成為關閉回覆原因之三

迪士尼100周年以這部動畫作總結好像有點平淡，當一整年都大晒百年動畫角色，滿滿的回憶湧現，更顯這部動畫的角色平傭，長髮帶黑皮膚的女主角，留鬍鬚的奸角，一隻山羊，一粒星星，這部動畫的角色設計上有點平傭，不夠特色。至於故事，主題是迪士尼的思想中心—夢想，其實這個題材我以為在香港已經被禁，一個國王表面是實現國民夢想，但背後是奪去眾人願望，篩選不會對自己構成威脅的願望去實現。橋段觸動人心，可惜劇情發展安排得頗為平淡，套路完全沒有驚喜。.動畫另一賣點是充滿迪士尼彩蛋，超過100個彩蛋，除了畫面上的設計，無論背景，道具，服裝，人物動作，形狀等都展現出迪士尼的經典畫面，還有對白，聲效等等也是有設計過！不過我自問自己未能看出太多。廣東話配音版找來久未露面的鄭欣宜以及Dee Gor，欣宜除左講對白還提聲獻唱動畫歌曲，好聽。Dee Gor聲演隻羊都幾生動，但「戲份」唔算多。.整體感覺對比近年迪士尼作品實屬平傭，彩蛋之多但感覺誠意欠奉，劇情之平淡更令人有點失望。.觀影平台: The One