新次元！蠟筆小新大電影：超能力大決戰～飛吧飛吧手捲壽司～

點估到小新啲笑料可以去到呢個層次。如果拍真人版，就直情係周星馳級數。小新完美演繹咗「別人笑我太瘋癲，我笑他人看不穿」嘅境界。成套戲大人仲笑得多過細路。雖然咸咸濕濕又有啲低能，但係合家歡又唔會太尷尬。你以為搞笑係賣點，中間嗰段正經戲重精彩，簡直就係一部經典嘅心理學電影。要搞笑有搞笑，要科幻有科幻，要教育有教育，仲有好歌聽。連謝幕都好有創意。唔睇就笨。由頭笑到尾中間講道理世事冇完美但係有真理無謂常勞氣最緊要爭氣要有老友記世界會很美籮柚最好戲小心笑死你

電影入面好多小新搞笑場面，非常可愛，而且成套電影好有趣完全唔覺得悶，最後帶出成套戲訊息：朋友支持鼓勵好重要，以及只要有信念，永不放棄，凡事都可以成功。以小見大，立意不凡。一套卡通片帶出咁深既道理，值得一讚！適合一家大細去睇！

最欣賞立體CG及其美術風格, 跟原本2D動画風格好吻合, 完全能表現臘筆小新世界。笑料仍是低俗果種, 但觀眾睇得受落。其實我一向都認為臘筆小新並非健康兒童動漫, 成人才能領會。今作整體仍可一看。

小新嘅扭屁股係佢招牌動作，擁有超能力嘅佢喺前中段真係笑料百出，然而後段打低boss嘅並唔係超能力，而係用一顆純真嘅心，挽救一位孤單絕望嘅陌生人。4.4/5 (87分)

故事是改編自10頁也沒有的番外篇《新之助．向日葵的超能力兄妹》。畫面就是新的賣點，而故事與氣氛基本上跟以前劇場版一樣保持水準。雖然是多啦A夢團隊製作，質感不太像那種Stand By Me 風格，而是有種手繪效果。3D化的同時保留小新大量生動臉部表情，還有最重要的面珠墩的QQ彈感。小新媽媽美冴的髮型3D化還是很「順麗」的。雖然不是電視版熟識的紅衣黃褲，原版配色不影響劇情。#陳湛文 聲演的反派非理谷充，作為一名社會底層的悲憤年輕人，根本為他度身訂造！兩邊獲得超能力後想善用做「壞事」，一前一後的搞笑對比。一樣的手捲壽司對於小新只是一次豐富大餐，但對於今次劇場版的反派就是一次痛苦的回憶。小新與小充的互動，知道小充年幼時的情況，坐在伴住其身邊真的好善良。雖然畫面全新，但繼續「胸」懷大志今次一點都不失「色」。還有好好男扮女的梗。高潮去到綠色的鋼達姆機器人出場時，鬼馬的音樂與小新的舞蹈同步，真的笑到就快「忍不住」！注意力放在屁屁中！節奏安排不俗，雖然全場坐滿細路，因為故事吸引到他們專心看畢，大人都能投入是闔家觀賞的卡通。用很小新的方法去救同伴。雖然都是老套的「永不放棄」「不可放棄朋友」，但是小新演繹得比較吸人。超能力強大，但核心還是小新對「夥伴」。最後小透小葵一齊打敗敵人，完美的收結～

由頭笑到落尾，你以為小朋友向又唔係，中間開始都講幾多大道理，唔同議題都有，但相信對小朋友都唔會好難明白，總之就係好好笑！