我們的女巫手冊

雖然搬上大銀幕，而制作只是普通歐美電視劇集質素，懷緬一下X檔案劇集，可以一看。一亮點是女角個子嬌小標緻，其三女巫外形真是綠葉。

完場時不禁講句「我到底睇左啲乜阿」女巫能力應該是遺傳，其中三個如何走在一起，如何發掘能力，沒交代。女巫起源亦未有提及（都唔希望電影結尾是舖伏線拍續集）重點是電影中女巫使用能力根本是班小學雞玩惡作劇。而稍為提過高級能力「轉型」無左影，等我開頭仲期待電影搵左個大明星客串一幕...故事劇情上都幾爛，校園戲胡鬧，家庭戲只輕輕帶過，全片沒有什麼深入探討過。姊妹情兒嬉，男女感情線薄弱，三女巫及三兄弟角色欠缺作用，角色設定亦欠立體，毫無特色。唯一可取奸角露出狐狸尾巴一幕稍為緊張，可惜決鬥場面亦欠睇頭。最後，角色造型到底咩事？條珠鏈放響頭係玩復古？絕對係得罪造型師系列！恐怖過中學生去Grad Din第一次扮靚...Follow IG: andymyf / IG #andymoviereview

重啟版的電影《我們的女巫手冊/The Craft: Legacy》，本片講述小鎮學校四位年輕魔女聚合一起之時，引發岀意想不及的神秘力量，與此同時謀奪神秘力量的陰謀者亦伺機出動，隨著女主角青澀愛戀與男生的緣起緣滅，牽起正邪對決，最後敷衍的交代了主人翁與前代魔女的母女關係告終。故事安排四位年輕女巫合體，並引爆終局之戰的構思只屬一般，劇情敘事寫太過平淡兼草率，乏味的內容推進和突如其來叛逆的青春期，莫名其妙的轉折顯得荒唐，但到結尾的魔法特效展現尚可。但解決大魔王的方式卻十分簡陋，感覺上輕而易舉就給她們幹掉了，而魔女們之間並沒有感應，要靠亡魂通過占卜板來通知，另外男生起初對女主霸凌，其後又突然的轉變，隨即愛上女主角的描寫實在太薄弱了，其後至死…只因為他同性戀亦說不過來。劇本真的不濟，內容空洞無物，除了女主角之外其餘三位女巫姊妹角色外觀塑造得太駭人了，而且樣子甚為成熟，完全不像是學生。再下來就是電影裡頭飾演繼父的大衛杜楚尼，很多關於他的細節都沒有好好交待，看得人莫名其妙，甚至不知道他們在幹甚麼，例如Timmy 起初對女主角的欺凌，沒多久就對女主角展現好感，角色轉變毫無跡象來得太突然，隨即就掛掉了，女主角在Timmy 的葬禮上，女主角找姊妹本來欲想講岀自己發現繼父有點唔妥，隨著就是她想跟她們說岀件事，然後集體沉默，接着又算了唔講了，繼父的三個兒子角色感覺像是可有可無多餘了的，幾個女巫初頭所施展岀的巫術，只屬小兒科，像小孩逗趣般玩時空停頓，後來法力又忽然強大到可以抵抗大魔頭，而電影亦沒有甚麼恐怖的地方。可取的…除了女主角佳莉絲柏妮稍為省鏡些之外，還有久別的《X檔案》大衛杜楚尼參與演岀。https://m.facebook.com/tigermoviesfever/https://m.facebook.com/groups/157839185643505/https://opentalk.hk01.com/@tigermoviesfever/all

💬「愈是佔有，愈是沒有。」🌸🎟🌸🎟(劇透注意👁👁)🎟🌸🎟🌸睇完之後，我有強烈感覺，’The Craft: Legacy’ 《我們的女巫手冊》應該會擴展成一個系列繼續拍落去，否則我成頭問號❓不能消除，會非常痛苦㗎喎😂有嘗試歸咎於自己，冇睇返1996年原版’The Craft’ 《魔女遊戲》就入場，所以成頭疑問係我抵死。但事後上YouTube惡補，又發現即使睇咗原版，都根本唔會解答得到新版的疑竇，而且只會覺得新版好似「弱化版」，仲衰🙈其實《我們的女巫手冊》前段至中段都幾好睇，懸疑感十足：女主角神秘力量的來源？新家男主人的底蘊？都令人想追看落去。加上四位年輕女巫青春氣息洋溢，施展迷人的少女魔法，仲同Timmy小惡霸有令人心跳加速嘅愛情線，幾位鮮肉step-brothers偶爾又來串串場，元素豐富，頗具玩味。只不過女生的造型真係出事，似四隻人形小馬寶莉🦄😂劇本也寫得草率，四個女巫之間嘅互動冇火花，一開始點樣獲得魔法又冇講。中間搞出人命，幾位「好姊妹」又話要禁用魔法，又要杯葛女主角咁，個理由會不會太牽強。終極boss嘅陰謀更係兒嬉，點樣殺Timmy略過，綁咗阿媽喺邊又略過，最後仲竟然被「小魔女DoReMi」們輕易「解決」。唔爭在問埋，加插大哥Isaiah夢遊一幕又係咩一回事？唔通只係單純想嚇我？希望有生之前會睇到續集，我有好多「🧑🏿‍🦱❓」呀！（仲有仲有，有冇人覺得終極boss個樣好似石修🤣）#影迷女生的電影札記 Ig: movieholicgirls

選擇下午的一場，全場只有兩個觀眾。影片一般，女巫本來就是樣衰、可惡的，片中四個雖然青春，確實也樣子一般，不討人喜歡。特別是女主角，塑造的形象更沒有觀眾緣。

睇完《怪誕黑巫后》，又點會放過另外一個女巫主題《我們的女巫手冊》。呢套電影改編自1996年荷里活經典Cult片《魔女遊戲》（The Craft）成功捧紅其中兩個女角。布倫屋製作室（BLUMHOUSE）繼《訪‧嚇》及《隱形客》後嘅「又一力作」。⁣⁣有噱頭嘅地方係請左真正嘅女巫，除咗指導演員，亦希望可以保持氣場平靜乾淨，確保劇組每個人都在平安嘅情況下進行拍攝。 但係咪就因為請左「真女巫」指導，而限制咗施巫術嘅嗰種戲劇性呢？貪心嘅我期待更勁更誇張嘅魔幻感。⁣⁣人物描寫方面可以再完善一啲，除咗主角Lily，其他幾個主要角色可以再具體一啲，特別喺佢個女巫團體嘅另外三位成員，背景資料比較小提及。同樣係魔法團體可以參考《漏網之靈》（Dreamcatcher），由幾個主角小時候就開始描寫點樣發現自己嘅超能力，各式各樣吸睛嘅超能力運用等等，成功提升咗成個科幻味道同完整性。⁣⁣角色描寫延伸故事性嘅疑問。（利申，我冇睇過1996年版嘅電影，可能會影響咗對故事嘅了解）。某幾個重要嘅劇情好多時都突然剎掣再轉向另外一個點，令觀眾產生問號。例如最大嘅奸角，背景神秘，突然奸起上嚟，電光火石之間光速領飯盒。如果想知道更多，可能真係要睇返舊版。⁣⁣內容方面有吸引嘅地方，例如Lily濫用戀愛巫術識男仔嘅枝節，個頭都開得合情合理，寫到嗰種前後對比，叛逆，青春又神秘嘅戀愛氣息，但卻意猶未盡。（小小劇透：戀愛魔咒嘅施展方式係非常羞澀，但又好貼切）⁣⁣總括嚟講，故事節奏快，部分故事內容成為咗斷章。但套戲唔係悶，本身巫術主題已經係一個有趣嘅題材；亦適量插入jump scare，豐富咗成個故事。未必稱得上佳作，但如果非常非常鍾意呢類型主題嘅都一看無妨。⭕️適合組群：非常喜歡女巫系列⁣，女性議題，校園生活，接受少量驚嚇❌不適合組群：追求結構嚴謹，魔幻大製作⁣戲外冷知識：不為人知嘅加拿大法例⁣「假裝施巫術（Pretending to practise witchcraft）」仍屬刑事罪行，呢條法律中寫到任何人佯裝施行或使用任何種類的巫術，或假裝有預測未來的能力，以及用偽科學或神秘學聲稱自己能找到失物藉此來詐財都算犯罪，違者可能得面臨高達六個月的有期徒刑或併科 2,000加幣的罰金。⁣⁣#小龍女偽影評 ⁣👁 IG: movie_express_hk👤FB: Movie Express HK 影評界楊過與小龍女👥MeWe: Movie Express HK📮Email: 𝗺𝗼𝘃𝗶𝗲𝗲𝘅𝗽𝗿𝗲𝘀𝘀𝗵𝗸@𝗴𝗺𝗮𝗶𝗹.𝗰𝗼𝗺