跳越時空的愛戀

呢套戲簡直落重本，又唔同嘅場景，唔同嘅平行時空但係佢係會同你講，我而家平行時空啊然後所有嘢都拖得好長，我睇咗好多次手錶確實兩個女主角錫錫係幾好睇但套戲太多吐槽點啲對白好怪，尤其是講英文無啦啦槍戰，真係搞唔掂如果可以精簡一啲小一幕平行時空會好好多田

今次嘅拍攝手法非常唯美FreenBecky嘅演技都係好明顯嘅進步最後兩位主角各自剖白嗰陣真係忍吾住係咁喊😭😭

泰國首部科幻穿越GL電影劇情片來說整體不錯，劇本，CG，鏡頭，美術，配樂同女主們嘅努力值得一贊，兩位女主又係現今GL文化當紅演員，她們為了這部電影接觸了很多她們之前未學習過未試過的東西，例如學揸電單車，揸掍波，自由潛水，吊威也，動作戲等。劇情方面劇情中有不少彩蛋連接住各時空，如有心將時連上的人，應該需要不只看一遍咁少另外話明GL當然有她們的愛情元素畫面在其中，畫面場面拍攝自然唯美，配樂配合得天衣無縫，值得一看唯獨導演同剪接嘅功力未如理想，未能令普通人非常容易明白全部時間線的連繫，以及感動位未能帶到上高峰點，有點浪費了劇本，但主線不難理解其實電影還推廣了不少泰國歷史與文化在其中，令觀眾更認識泰國，例如攀牙依個地方，海嘯令他們很痛的一段歷史等等。至於推唔推介大家入場，還是留返畀各位自己判斷

整體上畫面故事音樂都好好，愛情親情片。相信部份劇情導演用誇張嘅手法，突顯某一啲主題。某啲時空交換情節，觀眾可能未必明白導演想用簡單手法表達新時空已到來，但佢想留返空間俾觀眾思考。唔同年代導演都想拍一個時空，應該係for穿越劇情。原本電影在泰國係長啲，今次香港版本for亞洲市場所以剪輯左。

日式奇幻穿越時空女女純愛電影。風格具日本“慢條斯理”特點。全片要讚嘅係攝影、美術同配樂，加埋一齊畫面係靚嘅，意景係有嘅，水準唔差。另外CG特效亦不俗，好過好多中港電影，泰片有咁嘅製作水準令人驚訝！另外混血女主角外型具青春氣息，亦帶點動漫feel，令電影加分。可惜空有唯美畫面，內容卻缺乏感染力，拍唔出感動。原本嘅上天下海內容其實已足夠，無厘頭加入戰爭篇章真係多舊魚，對電影無幫助之餘同前一篇章亦格格不入，真係畫蛇添足，為拍夠兩小時“大片”而拍....失敗。另外，喺戰爭篇章中，另一女主角根本唔識亦冇愛過Kath，而老豆亦唔再係佢老豆，咁拍嚟做乜呢？同發咗個無厘頭嘅夢有乜分別？為奇幻而奇幻？整體嚟講本片制作出色，有誠意嘅，但劇本就麻麻，穿越編排亦有點點凌亂，不推薦亦不反對入場，觀眾自行決定。