光影戲遊

個人覺得套戲是精彩，作為堅守戲院文化的人，睇這套真是很有共鳴同感動，尤其是片尾這個訪問，因為林導想藉這套來講出日本小型戲院如何在疫情這個艱難時間如何去堅持，純粹這點已經令我極為喜歡。除了講戲院文化外，他也想藉套戲的故事來講出獨立導演在追求電影夢期間的辛酸，這樣也是令我感動。而他在套戲埋藏了一些影迷們睇到會會心微笑的彩蛋。PS：其實套戲在最尾所的訪談正正是林另一套，有關日本小型戲院的記錄片 映畫時刻 其中一些片段，而影會在四月中在BC作特別放映。痴·影·夢·藝 X 的專頁 https://www.facebook.com/ckwunmovie/

本片先講述獨立電影制作人嘅艱難，缺乏財力支持，乜都要自己一手一腳，包括找戲院上影、宣傳同售票，結果當然唔理想，令人感到心酸。導演希望透過電影去宣揚獨立電影同希望觀多關注同支持。基本上導演係比到呢個message觀眾。不過我認為做電影唔係有熱誠就一定會拍到好電影，所以獨立電影制作人亦必須用心去拍觀眾想睇同識睇嘅電影，過度自我陶醉於自己藝術世界最終只會令自己喺電影界永不抬頭。只要你拍得出觀眾能欣賞又有共鳴嘅電影，自然有片商垂青，將你嘅作品搬上大銀幕，唔駛自己到處搵戲院放映。反而我比較欣賞描述獨立電影院日漸式微呢部份，好少人會關注呢個情況，亦令我唸起香港同樣有咁嘅情況。以前香港區區有戲院，間間個名都唔同，今時今日獨立戲院所餘無幾，大部份都係幾個大集團嘅院線，不過呢個係社會經濟發達引致嘅市場壟斷，無可避免，只能成為回憶。

前段似係日本版《填詞L》類型故事，由一個獨立電影導演林家威搵另一個獨立電影導演渡邊紘文做男主角，講出要做一名獨立電影導演有幾咁坎坷和辛酸，冇大電影公司撐腰雖然創作較自由，但要搵資金開戲同搵場地公演超級困難，甚至經常要講大話呃人投資，但更要講大話呃自己可以繼續追夢落去！電影第二幕「沖繩」令我諗起港產片《低俗喜劇》，圈外人投資電影但對拍電影又識條鐵嗰隻，偏偏諸多意見和要求，荒謬絕倫！接著渡邊由沖繩開始北上直至北海道，沿途拜訪各地小型戲院要求播映自己嘅作品，遇見最老嘅戲院、最少觀眾嘅戲院、演員經營嘅戲院、有最老館長（91歲）嘅戲院、行將倒閉嘅戲院⋯⋯訴說出經營戲院嘅困難，受到時代一波又一波嘅衝擊，先有電視搶客，接著有串流平台Netflix、Amazon和Disney＋之類，最後新冠疫情帶來致命一擊，連開門營業都被禁止🚫！沖繩過百戲院只剩一間，小鎮三間冇咗兩間，一場觀眾有5人都好過冇！電影結尾有彩蛋，都係戲院經營者蝕住仍做嘅心聲，甚至係對戲院作愛的宣言，等同深愛已癱瘓或失智老伴仍不離不棄，其中最感人嘅一段情話係「喺戲院漆黑環境睇戲，同喺屋企睇戲係完全兩回事，感受截然不同，喺屋企你未必會坐低堅持一次過睇晒成齣戲，喺戲院你會同一堆陌生人同喜同悲，甚至睇完之後，和三五知己到附近餐廳酒館討論劇情，帶旺戲院周邊經濟！」我雖然通常做電影獨行俠，但我都極喜歡喺戲院被漆黑包圍，因為可以全情投入，甚至從現實中暫時抽離兩三個鐘，變成故事裡嘅路人甲乙丙，幻想自己係電影嘅一部分，到電影完結，又會一個人跑到附近cafe靜靜消化電影信息，哩啲都唔係喺屋企手執遙控或mouse，可以隨時㩒停電視或電腦做得到嘅！哩齣同港產片《填詞L》都係小本經營，隨時本都蝕埋，導演會破產嗰隻，所以希望大家踴躍支持啦，睇見女主角平山光就陰公喇，一人分飾四個角色，好似演舞台劇咁，黑幚情人、妓女、古董店老闆、家族小戲院總務（擺明冇錢請四個演員），又要跳舞又要裸露，又要生得靚又要冇人識，都唔知使唔使做義工以求一個演出嘅機會呢？最後要多謝🙏堅持拍獨立電影嘅工作者，更多謝堅持經營小資小型戲院嘅院商，尤其嗰啲俾機會獨立電影上映嘅戲院🎬

向獨立電影製作人及藝術電影院致敬，當日早3小時購票還以為包場了，到觀影時都有13個觀眾，戲裡戲外好似在互相呼應。.主角由沖繩去到北海道，以仿紀錄片形式，真實到訪日本的小眾電影院，更由真實的戲院負責人飾演本尊。雖然戲情有點吹噓，但還是真實感受到業者的辛酸，以及他們對電影的堅持及熱情。.主角以及劇情介乎戲劇性與真實之間，唔算高潮迭起，甚至有少少悶，但對喜愛電影的人來說又幾浪漫。認真講句，如果唔係入戲院睇，我未必會響串流開呢套戲睇。.觀影平台: 高先電影院.IG: AndyMyFilmography/ #AndyMovieReview

第一次睇日本嘅獨立電影，《光影遊戲》（2023）借渡邊紘文導演「環島尋找機會」的故事，講述小型電影院怎樣在疫情期間爭扎求存的精神。強烈推薦此片的原因有三：1）笑中有淚；2）有香港人未見過的「鄉下」和強烈的人情味；3）隱藏大量的電影彩蛋。最難得的是，渡邊紘文導演「惡搞」自己和系列舊作，對自己的body和作品，非常有自信。此片乃馬來西亞導演林家威第二部作品（第一作為《愛在深秋》（2016）），相當出色！多謝前輩帶我飛～#高先電影 #光影遊戲#日本獨立電影#林家威導演#渡邊紘文導演

前半部似落泊電影人的攪笑經歷後半部是從南到北找尋小眾獨立戲院之旅看到最尾彩蛋部分 主角採訪戲院的主人們盡是讓人感動的堅持