不是你不愛你

喺呢套戲上半部就係講幾位喺花園街長大嘅好友，竟然係全套戲最好睇嘅部分。反觀男女主角愛情部分，男主角係富家公子，同花園街兄弟們由原本格格不入到融入其中，到中段以真誠打動女主角，到呢度都幾好睇幾感動。但之後劇情急轉直下，變咗老土愛情劇情節，原本美好嘅氛圍無咗之餘亦唔覺感動。而最尾果個反轉亦唔好，只會給觀眾更大嘅遺憾。4.2/5 (83分)

有錢老豆、有錢仔、絕症、出身草根窮家女、誤會、青梅竹馬、....大家應該估到大概發生咩事。全片故事簡單直接, 算係流暢同完整, 但嫌故事公式同老套，各人關係描寫亦流於表面, 以致整體感染力不足。描寫較好嘅係女主角同“大佬”果個愛情與兄妹情之間嘅關係。反而最重要嘅男女主角條愛情線就真係唔夠入心, 流於表面, 只見男女主角大頭眉來眼去同食過幾次飯， 睇唔到相方有啲咩經歷去support呢段主線深愛對方之情。而男主角嘅素造亦好表面, 由頭到尾都只係一個著西裝chok住插褲袋洗老豆錢無所事事冇L用得個樣嘅空殼有錢仔, 完全唔覺得佢有幾值得深愛...除咗有老豆啲錢。😅演出方面，絕大部分係新人/年青演員，不能要求太多。其實愛情片老套就預咗，唔緊要，只要玩得出色, 仍可打動觀眾, 但此作非也。

葉導港式愛情電影不少都關於瞞騙，呃你因為愛你，有人覺得是歪理，但也不失為一個現實的愛情觀，而且最終扭橋往往意想不到。近三年都不見其愛情新作，所以這套電影上映都有點期待。.今次電影由很多新演員擔綱，配搭新鮮，台灣代表陳昊森努力以半廣東話半普通話講對白，對手有香港籃球女神譚旻萱，第二部作品仍然未有太大特色。其他演員有落力做好本份，唯角色本身發揮空間有限，觀感並不突出，個別演員略為浮誇但至少未算難看。電影最出事的是劇本，主線四角感係以外，其他角色線非常薄弱，可有可無，當中女主角好姊妹對男主角無理取鬧令人嘩然，另加入去留議題有點突兀，明顯想跟貼現今趨勢；可惜另一邊廂，戲中第一個扭橋可謂非常老土！宜家咩年代呀？當時全院爆笑，我心想應該是恥笑！呢個橋段仲拍得出黎見人？說真的，我當時心裡還抱有希望期待終極扭橋的驚喜，可惜最後也是失望離場。.觀影平台: K11 Art House.IG : AndyMyFilmography/ #AndyMovieReview

內容空洞，老土，毫無感覺

故事就是照着樂觀隨意的草根 Mandy 配高冷有結的富家公子 Edward。兩人愛情就是一見鍾情之類，然後不知不覺就成了一對。最驚喜有 P1X3L 的 #吳啟洋 Phoebus客串。大致還可以，雖則橋段上不算新意，就是接剪上比較兀突。男主角 #陳昊森 真是好靚仔，最驚喜是他的廣東話都算可以。因為《刻在你心底的名字》而認識這個他，不過今次套戲就無太大機會發揮其演技似乎，其人設比較表面。演大佬的 #梁仲恆 戲份也好重。作為阿哥處理家庭事業，又要用雞蛋仔連繫老套兄妹之夢想。劇情就可能比較似曾熟悉。Edward跟Mandy自白為何如此憎恨阿爸，「報仇完又失落」的老套因由，然後就來到比較還以為絕種的「癌症」原因。雖然中段就估到Edward跟前女友是扮復合，但知道是因為男主角血癌而不對對方「受苦」實在太嘔血了⋯⋯#林熙彤 Hazel 試音唱歌最好聽，不過其他主題曲與配樂插入得好無技巧，而開頭與收尾大量閃回插敍，更遑論不斷重覆金句。就算現在的新導演都無用這種表達方式，可能導演太過專注是電視劇上（該套電視劇幾好睇）而hea了呢套就可惜。

近年嘗試轉型的葉念琛導演再次執導拿手愛情片，繼《阿索的故事》及《致命24小時》後，重返港產愛情片的懷抱，雖然過往作品口碑好壞兩極，但仍然成為不少港人心目中經典的愛情故事，每一套都總有一兩句金句刻在骨髓之中。於我而言我最欣賞葉導的作品之處在於那份地道的純粹，的確《我的最愛》、《十分愛》等等，劇情上未見相當大的驚喜，而這份熟悉感正正來自香港情侶的日常，而本作則說不上背道而馳，我會用堅離地式港產地道愛情去形容。富二代與草根女孩本身已經相當老掉牙，還要加插上生離死別的場口，堅離地的劇情當然無法投入劇情之中，加上每個灑狗血的劇情都點到即止，寧願用盡全力老土去搏君一滴淚，總好過每個劇情點都只停留在表面，只會令觀眾感到卻步。離地的劇情選擇在貼地的花園街發生，說實話這份地道味的確值得稍為加分，尤其是梁仲恆接近素顏的出演，粗聲粗氣張口就說出幾句廣東話的俗語，一個人蓋過了整段愛情故事，只可惜既然電影已屬IIB級，何以不為他的角色加插更多粗口，賣力的演出卻敗在角色的定型。細數每一位演員都已經相當賣力，配角上相當亮眼，先有提及過的梁仲恆，另外陳嘉寶及力臻都比想像中融入角色，雖然出場不多，但足以留下深刻印象；相反兩位主演表現則平平無奇，二人之間刷不出火花之餘，更有種尷尬感。相信電影劣評如潮已是不爭的事實，說實話劇情上若能作出突破當然為一件好事，但其實老掉牙的劇情也好，亦能透過角色的互動及金句式對白賺人熱淚，而葉導明明相當拿手，卻於本作發揮不出來的確教我這個多年來的小影迷失望。