狂牛:4K修復版(BCLASSICS)

人物傳記電影。如果以故事劇情嚟講, 此片手法只係平鋪直敘, 劇情亦好flat, 並無任何位會牽動觀衆情感, 睇完個人好平靜咁離場。呢方面我個人較喜歡Rocky, 有熱血, 有激情, 有高潮位。不過雖然兩片都係講拳擊, 但係方向有啲唔同, 不能完全直接比較。總體此作導演講故事流暢, 編排有序,分鏡出色, 尤其拳賽過程, 拳拳到肉。全片最注目一定係睇羅拔狄尼路演出, 由頭帶到尾, 演活咗個角色。

哩齣電影於1981年5月喺香港上映嗰時我正在考A-level exam為考香港大學搏緊命所以錯過咗哩套電影我一向係羅拔迪尼路+馬田史高西斯嘅fans估唔到要事隔42年至可以圓夢中間有好多相遇嘅機會都錯失咗今日閒著又有$75於是乎人為地製造這緣份吧迪尼路不愧係方法演技嘅高材生為咗演《的士司機》考的士牌揸咗幾個星期的士為咗演《獵鹿者》真係入軍營學做軍人為咗演《教父續集》去咗西西里島學當地口音意大利話為咗演《狂牛》除咗練拳 仲增肥60磅演中年發福潦倒拳王（我用咗20年至增肥60磅 佢幾個月就得好犀利呀😱😱😱）哩種做法（暴肥暴瘦）後來好多演員效法 包括呂良偉 馬修麥康納希 基斯頓比爾 麥迪文⋯⋯都試過 仲攞到影帝獎添Robert DeNiro可謂係開先河嘅殿堂級人物哩種投入同犧牲亦為佢贏到唯一一個奧斯卡最佳男主角金像獎至於電影當然好好睇啦 大導Martin Scorsese大師級手法流暢動人由於太經典 大家都會估到故事發展拳王無論戲裡戲外都好少唔衰收尾 落魄後半生哩套電影啟發咗《洛奇》晚境淒涼預告咗阿里 泰臣喺現實中嘅殞落一個拳王因為固執 堅持 暴躁 可以揚威擂台但亦因為固執 暴躁 自私 多疑 妒忌 愚昧 自大⋯⋯最終葬送前途 眾叛親離 成功時憑雙拳打遍天下無敵手衰落時亦憑雙拳打走兄弟 妻子 子女和家庭最後淪落九流酒吧出賣往昔風光歷史 靠自嘲呃飯食不過電影喺42年前都好大胆指出如果拳手唔聽話打假拳詐輸等幕後黑手贏大錢嘅話 縱使鐵拳無敵 就連一個爭奪拳王嘅機會都冇腐敗成咁 唔怪得自泰臣之後 拳擊比賽受歡迎程度一落千丈攪到咁嘅田地 同Jake LaMotta一樣 自毀長城 自甘墮落 自討沒趣 自食其果（最後 修復版畫面好清晰 直情新片一樣 唔覺有40年前嘅鬆郁矇）

《狂牛》（1980）4k：看到滿頭黑髮、全身肌肉的羅拔·迪尼路，驚嘆不已，他演活義大利前拳王；馬田·史高西斯超犀利，尤其是「血腥暴力」的拍攝風格和拳拳到肉的音效，猶如《約翰福音》說的那樣：「我只知道：我曾經眼瞎，現在，我重見光明」。

以條復技術黎講 我唔能夠俾佢合格