拆彈專家

劇情和劇力不俗的港產片，港味較重的商業電影。華仔迷不能錯過。

只是剧情过于多讲野如果少讲废话会好看减少15分钟

故事熟口熟面，冇乜新意，成套戲係章在山（劉德華飾）嘅個人表演，銀幕上所有場景，粗畧估計有八成以上見到劉德華，由頭到尾飛車爆炸以及槍戰，大半套戱在紅磡過海隧道內拍攝，章在山臥底立功，在EDO內由高級督察七年內升上警司，此職位無疑可以配上佢當今在演藝界地位，但每次拆彈行動，佢身為警司，都要好似前缐伙記落手落腳，親力親為，EDO係只得佢一個拆弾專家？或者係編導特登憑此顯出其英雄形象，因為正如章在山自己話，呢個拆彈工作唔係話你想做就做得，係個天揀你去做咁話，嘩！好有霸氣，但係個天唔係次次俾你咁luck㗎。章在山在戲中講幾次，佢嘅工作係用生命拯救生命，即係犧牲小我，成全大我，蔡瀚億身為警察，被歹徒將炸彈裝在身上，章都無能為力，正好印證佢自己所講，以生命拯救生命，好震撼，演員觀眾喺呢一刻都會心情特別沈重。戲內做章在山女友嘅宋佳，相信係內地演員，但就好似唔係咁襯劉德華，或者選角者冇乜話事權。呢套戲係好睇嘅，當然唔可以同大師級相比。

中唒伏，不是駁故，但本人作為資深電影欣賞人丶警匪片fans及對香港警隊有高認識之人，只能說此片太多問題。劇本簡直智障。

劇情是有點牽強，但有好多加分位。紅隧值得一讚，都睇吾出有乜吾同，但又出色演員，又有感動位，特技場面是近來港產片小見的大製作，支持劉華。