嘩鬼家族Beetlejuice

前作已經36歲我都未出世~未睇過，所以一開頭唔清楚人物關係會有d亂。不過劇情後面會慢慢講返。整體來講劇情天馬行空，主調係輕鬆搞笑，睇完都幾開心嘅。由於無睇過前作，懷舊唔到一眾老演員，主要都係睇呀女，畢竟係唯一嘅後生女仔，而且都幾多戲份。4.5/5 （90分）

我冇睇過1988年第一集，所以講唔上懷舊。感覺上電影風格同講故事方式都過咗時，仍然停留喺上世紀八九十年代，添布頓嘅布偶＋占基利《變相怪傑》嘅硬喜劇＋荷里活嘅特技，除咗特技之外，其他兩樣都跟唔上時代進步嘅速度，布偶同硬喜劇都已經變得好娘好老土好老尷，觀影時全場都好靜，好似喺終南山下活死人墓睇戲咁，電影未至於完全唔好笑，不過頂到盡都係嘴角微微向上牽動，笑唔出聲嗰隻！電影都想攪啲感人情節，希望笑中有淚嗰隻，可惜Winona Ryder同Jenna Ortega一對又靚又好演技嘅母女擦唔出乜嘢火花，由矛盾到和解都係做戲咁做！電影不乏大茄俾面Tim Burton，走嚟做串星，例如Willem Dafoe、Danny DeVito、Monica Bellucci⋯⋯可惜《芝麻街》同添布頓到今時今日，都冇乜年青人識，如果只係期望八九十年代嘅「後生仔」捧場，完全唔攪吓新意思吸引時下年青觀眾，諗住食老本做啃老族，我諗哩集唔蝕本都偷笑，唔會再有人投資翻拍或拍第三集/續集，Tim Burton或者應該退休啦！

就算有大導演、名演員都唔能夠令舊趣味變得精彩。全片劇情散亂，CG亦唔出色，好似睇緊80年代B級”美式黑色喜劇。兩個字....門心。

大半詳解母女不和及其他死鬼的關係，然後最後解決危機就攬在一齊。悶了頭一小時後，最後半小時先戲玉。如果上串流，睇尾救人半小時歌舞劇就可以。所謂的女反派一下就食落肚中。視覺奇誕可愛，不同死法的效果頗落本。話雖如此，美國以外地區就算叫幾多次Beetlejuice都似乎效力一般。前度反派重駁身體一段想起周星星的《百變星君》，不過無幾多時間讓她「吸」。最嚇死人應該是誤信樹屋靚仔幫忙復活，差點互換靈魂。甲蟲汁可能算是最長情，救了人還悔約自爆了。或許最有趣是爺爺的卡通造型吧？

好悶，悶到抽筋，直頭唔好睇，成套戲非常之添布頓風格，但實在太過無厘頭，大人睇會覺得無聊，小朋友睇會覺得核突兼沉悶，唔好笑、唔恐怖，劇情太跳脫兼且九唔搭八。如果唔係米高基頓同星期三真係唔需要入場，簡單啲講成套戲除咗特技效果，仲停留喺80年代，仲要唔係當年一線製作嗰種。

初段交待劇情真是差點訓著，本身冇睇第一集，但之後的部分實屬不錯，cult之餘笑料不斷，睇完係開心的。