看見你便想念你 (HKLGFF)

上映日期: 2018年9月22日 片長: | 95 分鐘 級別:
TBC
4.0
評分
12 讚好 1 影評
* 導演及演員出席洛杉磯同志影展參展作品 / 西雅圖國際電影節參展作品鍾德勝導演繼《只愛陌生人》、《愛到盡》、《無言》後最新作品,《翠絲》導演李駿碩、《一念無明》麥子樂傾情演繹。識於微時的 Kevin 和 Jamie 在學生時代認識,一直愛慕著 Jamie 的 Kevin 在移民澳洲前,坦白自己的心意。二人抑壓良久的感情於沙灘上爆發,剛萌芽的關係,卻隨着 Kevin 的離去而告終。十二年後,Jamie 遠赴澳洲尋找 Kevin,卻發現,Kevin 一直受情緒病困擾,在 Jamie 協助下,Kevin 重新回港生活,二人的關係再度牽起漣漪⋯⋯
顯示更多 arrow-down
影評
詳情
場次
電影拾點
Lv. 10
star 4.0
矛盾只因深愛著
1.戲名反映咗兩位主角嘅狀態,可惜因社會上觀念等制肘影響Jamie唔敢勇於面對 - 離別前深情一吻、千里迢迢去澳洲搵Kevin⋯⋯就因旁人目光令佢極力否認。儘管努力擺脫同逃避,始終無法欺騙自己嘅心。.麥子樂喺影視界浮沉多年首度擔正,幾impress幾幕矛盾心情爆發嘅位。希望佢喺古天樂旗下有更多同好嘅發揮空間。-2.電影相對地較多描寫喺Kevin身上 - 當年傷心欲絕離開香港,但始終對Jamie念念不忘。重逢後一度變得積極,可惜表白再度被拒後漸漸沉淪喺性愛中得到快樂⋯⋯.李駿碩較少對白,好多場面單靠佢嘅眼神嚟表達一切。好似頭段返到香港再見Jamie時,含情脈脈嘅表情足而令觀眾明白。-3.社會對同志唔友善嘅目光往往釀成好多悲劇。不過掉轉咁諗,若果Jamie同Kevin唔係咁波折,無辦法顯出佢哋最終愛得咁激烈嘅效果,亦相信佢哋會非常珍惜呢段關係。-4.我諗好多人面對真相嘅時候,都會好似張雪芹咁選擇迴避現實詐作不知,其實咁樣收埋只對自己有壞處,如果佢哋成功結婚,可能又係另一個『翠絲』式悲劇。.魚旦就選擇爆出嚟,一方面令自己舒服,另一方面可以迫使Kevin面對真相。-5.的而且確電影整體製作水準未如理想,攝影器材級數以及拍攝時嘅燈光通通頗差,青年版Kevin同Jamie喺海灘最後個鏡頭嚴重爆光,即使後期整到較柔軟色彩都明顯跟前幾個shot有突兀嘅分別。.只能說實在太可惜。
顯示更多 arrow-down
0  負評
0  回應
私隱政策
使用條款
免責條款
65a7297