鋼之鍊金術師 BROTHERHOOD 15週年特別版

好耐冇睇，兄弟情、親情、友情.. 都有嘅一齣卡通電影👍

這種冷飯炒幾次我也願意

電視版2009年開播，至今15週年，戲院上嘅其實係最後4集(59-63）並不特別，畫面本來屬於電視，放大到大銀幕，微粒顯得不細緻，不過作為旅程結束，送別愛德華和艾爾兩兄弟，仍然值得捧場。其實我過咗睇漫畫嘅年紀，TVB又不定期定時播放，所以我亦冇追看電視版嘅熱情，不過對於等價交換、賢者之石、人體鍊成⋯⋯哩啲術語還是印象深刻，尤其等價交換，有得必有失，得到鍊金術可以改變物質定律，但付出嘅代價可能係手手腳腳甚至軀殼，結果後悔，為咗追回失去嘅或作為補救，走遍天涯，歷盡滄桑，到頭來徒勞無功，可能要繼續失去而且失去更多更多，好有人生哲理或教訓。兩兄弟初衷係令亡母復活，最終只與父親和解，短暫重聚，然後「龍珠式」打敗人造人(類近超級撒亞人)，脫下盔甲和鋼手，回復血肉之軀，放棄鍊金術，變回凡人，為追求學問各散東西，希望學成貢獻予世界和平，有啲意思，因為如果所有人類都保有對新知嘅好奇心和良心，全球文化無私交流，放棄暴力、戰爭和仇恨，What a wonderful world? You may say I am a dreamer. But I know I am not the only one! 看著看著諗起劉德華嘅《大隻佬》，最後脫去一身健美肌肉，洗盡鉛華，重新穿上袈裟，無怨無悔無仇無恨，歸去，也無風雨也無晴⋯⋯(電影雖然由4集電視版合成，但片長140分鐘，並冇《鬼滅》只搬兩集電視版上戲院咁呃鐘，仲要有一集電視早就播咗！）

能夠喺大銀幕欣賞當年TV經典終章非常之唔錯。不過能加少少新作片段就更有誠意同賣點。好似當年Z Gundam New Translate 咁，又或者片末加幾分鐘新作片段，進一步描寫幾位主角幾年後動向/日常/MV...咩都好，以回饋fans。

還記得數年前由第一集重新觀看，看過後久久不能忘懷，總因當中的內容及人物而感動。數年過後，於戲院觀看想不到又再一次被故事觸動。除了是因為兩兄弟相依為命的感情，以及跟其他角色的關係，或許亦因為對於時代轉變及回憶的慨嘆吧。//『沒有伴隨傷痛的教訓根本沒甚麼意義，因為人類若不作任何犧牲就不能得到任何收穫。但是當忍過這份痛楚，並且戰勝它之後，人就將獲得不屈服於任何事物的堅強的心。沒錯，就如鋼鐵一般的心。』//———有興趣看更多分享歡迎follow instagram:@yingim_movies

眨吓眼就15年，當年睇仲係學生今次可以係戲院睇最後之戰好激動