微笑與夏溫

两女角都好靚，風景靚（有說是濟州島），故事靚，但個人覺得導演在交代事實和夢想、故事發展段落手法上有點兒令人費思量，感覺被電影情節弄糊塗，這些都是增加這電影魅力的地方，有點可惜。多些交代可能更清晰，多用攝影技巧，把少女青春歲月情感特色多加刻畫更令電影吸引。

電影英文名叫Soulmate很有意思，直接點題，兩位共同走過半生的摯友，感情細膩，雖然後來她們選擇了不同的生活方式，可是命運又讓她們結連在一起，“今天的你成為昨天的我，昨天的你成為今天的我”，到最後還是哭出來了4.6/5 （92分）

原來係將周冬雨+馬思純嘅《七月與安生》拍成韓國版但金多美全少妮有韓國演員細膩入微嘅演技 拍得住周冬雨 而顏值仲稍勝一籌加上濟洲島美麗風光和溫暖人情味我唔介意睇多一次不過由於早知故事發展有晒心理準備就唔可能太感動到我總括來說 我仍然滿意這齣電影這套片對韓國女性意義應該幾大夏溫唔想活得一如別人想像般而失去自己所以聽媽媽話「點解個個人個樣都唔一樣因為每個人都係獨特嘅要過自己鍾意又自由嘅人生」希望大家唔好照住人哋意思過活好好咁為自己生活埋有生之年啦

韓版嘅《七月與安生》，兩位從小一起長大的閨蜜，帶岀一段既真摯又包含著矛盾糾結的友誼故事《微笑與夏溫/Soulmate》，兩個自少青梅竹馬性格迴異的知己，在13歲時初遇少年醫科男生，少男週旋於二女之間，令兩人從原本的親密到逐漸疏離、爭吵及誤會，純潔的友情因誤解而受到破壞，「微笑」為了避免介入好友的感情瓜葛，就決定離開濟州島獨自前往大城市首爾生活，跟從小一起長大的「夏溫」分離，希望能夠追尋屬於自己的自由，這決定確實令人難受，至長大後各自踏上不同的人生旅途，同樣面對著無可避免的青春傷痛，結尾有令人回味的反轉劇情，電影能看到一段超越愛情的友誼引人共鳴。

我較少睇韓片，見本片係曾國祥「七月與安生 」嘅韓版，就入場觀賞一下。果然拍得好，冇令我失望。金多美飾演安微笑，全少妮演高夏溫，邊佑錫演咸鎮佑，都演得細緻入微，三個主角在少年13歲時初遇，之後14年兩女由相遇、相知、相愛乃至彼此相恨，但男生就週旋二女之間，在友愛及愛情之間糾纏，以致彼此由兩小無猜至有猜，由情濃至情淡。戱內情節、三人出色演技、以及韓國濟州怡人風景，都令觀眾非常享受。純潔友情往往因私利而受到損害破壞，微笑同夏溫就係為咗個靚仔醫科男生鎮佑介入，而引致互相猜忌，關係疏離，緣起緣滅，結局亦好令人回味。本片較近期好幾部港片都好，值得入場。

無睇過原版《七月與安生》，但呢套韓版改編後勁非常大，拍得非常有詩意，對白看似輕描淡寫，但內容量極大。微笑同夏溫兩個性格南轅北轍嘅人竟然可以成為「靈魂伴侶」，當中緊係有爭吵、妒忌、和好等劇情，再用男主角做引子，貫穿兩位女角嘅故事。一開頭唔明微笑點解要去首爾，但細思下其實非常有深度，類似等好多劇情都要觀眾完場後慢慢細味，所以話後勁非常大。雖然唔太滿意又要有狗血劇情感動下人心（雖然可能係原版劇本問題）但最後用畫畫黎完結真係收得好好，另外電影真係拍得過份隱晦，睇完好想搵人瘋狂討論劇情呀！！！