當男人戀愛時

例牌嘅愛情片, 有靚仔，有靚女，有甜言，有蜜語, 有生離，有死別。但係我真係投入唔到......劇情好多犯駁, 內容牽強,例如- 男主角天生靠惡，收數為生, 但係同時又好有同情心，唔使債仔還錢。- 成日去叫雞,但係又會一見鍾情。- 傾唔啱就挾走人老豆,過幾日又幫人個老豆抹身。- 溝女手法近乎無賴,死纏爛打,仲要搞到去人地公司,根本就係迫人鍾意佢。好在演員演技出色, 邱澤、許瑋甯同Lulu都交到貨。蔡姐鐘欣凌尤其突出，皮笑肉不笑，不愠不火幾句對白，竟然今我有啲不寒而慄。劇情係老土，但睇到個男人不斷付出, 為佢赴湯蹈火, 邊個女人會唔冧。溝女無非都係膽大、心細、面皮厚。套戲前段節奏輕鬆，後段刻意催淚, 紙巾聲此起彼落。適合密運同曖昧中嘅朋友。

睇左好多影評都話故事老土 係吖 係係一切都估得到嘅劇情 但係 我喊到七彩 喊到最尾 希望導演下次可以補少少彩蛋未抹完眼淚 就著曬燈 (@_@)本身係 茄子蛋歌迷 再加埋故事線 故事老土又如何 佢哋演得好好喇已經多謝返啲爛gag位 笑喊 笑完又喊 喊完又笑電影總是比現實浮誇如果你想睇簡單嘅拖手接吻嗌交分手又重遇嘅劇情呢齣戲講嘅野多於呢啲 再難堪啲 再deep啲 再痛啲 未能從中有所感悟 記得要好好珍惜身邊的人做個溫暖的人(^_^)v

“賣身救父，混混一見鍾情改邪歸正”，劇本大網老土，混混去收數好似做善事，大家姐及手下都聽佢點，任佢舞，導演可能朔造他善良，但超脱離現實。男角外型油頭粉臉大叔，滿面詭異，女角一臉cool ，好似全世界欠左佢，男女角造型不適合做愛情片。除了這兩位男女角形象，電影其他配角及故事位都不俗，台灣民眾風俗風情，尾段有些做作煽情。要求不高可以一看。

改編自2014年韓國同名電影，在台灣勁收4億票房，躋身台灣史上最高票房國片第六位！.可能是「期望越大」的定律，老實講，我是失望的。我本身沒看過韓版，但劇情去到後段又係果啲煽情發展，根本唔係「當男人戀愛時」，加上不合情理的劇情細節，恕我無動於衷。不過我聽到周圍是有不少觀眾開紙巾，只是同類型電影我個人比較喜歡比悲傷更悲傷的故事（我睇到爆喊）.唔計後段劇情有點崩壞，電影前半段係正既！兩位主角演得好好，角色設定立體。邱澤的角色是個黑道混混中的清泉，這反差頗有喜感，媾女招數老土中盡見心思；許瑋甯對男主角的轉變也好看，看他倆互動感到甜蜜與揪心。另外平時演開心果角色多的鍾欣凌今次飾演黑道大家姐蔡姐亦蠻搶鏡，我有點被她兇到。.有無人同我一樣覺得男主角似林耀聲？.觀影平台: The One 百老滙.IG andymyf / #AndyMovieReview

衝著各方好評去看...台味十足的電影《當男人戀愛時/Man In Love》，只能說句大家各有所好，老實講不知為何影評會把這部電影推得那麼高，台式鄉土文化所帶出的黑色幽默如岀一轍，男女主角老是一起悲情的哭，很刻意的想讓你跟著情境哭，而不是真的因為感動或者有共鳴而哭。對於衝動又冇大腦，遇到事情又不好好說的男生，女主角就只得倒楣而已，非常老掉了牙故事...不知道好看在哪裡，這種灑狗血式的浪子劇情，男主角是個收數討債的流氓，但老是做好人，不合邏輯太不像話了，不好好收欠債並不代表就是個好人，道德觀念又差的男人，捨得自己的女朋友難過，遇事都不講應是男人所為嗎？女主角愛男主角不太深刻，劇情不斷的刻意製造淚點，又加上一些屎尿屁的笑點，唯有靠男女主角的演技和氣氛的營造，來去賺人熱淚，看完後是有些失望的，很想試著感動一下，奈何到劇終還是哭不岀來，眼角係有眼水嘅，或許是眼睏的關係吧！後段太拖戲了，一直不斷在看手錶，電影看完，結尾還要把他寫成孝子，硬要加入一些親情戲碼，太刻意、硬堆砌的劇情，太不合情理了，只能說句要懂得「珍惜」和好好愛家人。電影用這個戲名《當男人戀愛時》來販賣悲情，某種方式的愛情，“一方常常以一種自以爲為了對方好的觀點”。另外一提男女主角的表現，邱澤的演出甚為搶戲，由於劇本不濟，對他無話可說，而許瑋甯在本片的表現卻很正，形象相比起過往她在《紅衣小女孩》與及《秘密訪客》都好得多，多看了她的臉容，對她印象頗為改觀。#電影狂熱▶️香港01 開講：https://opentalk.hk01.com/@tigermoviesfever/all▶️IG：https://www.instagram.com/tigermoviesnews/▶️FB：https://www.facebook.com/tigermoviesfever/#當男人戀愛時 #電影情息群 #電影情息 #電影狂熱 #電影推薦 #電影介紹 #電影重溫 #當年今日 #觀後感 #影話 #電影 #tigermoviesnews #movie #film

邱澤、許瑋甯在戲內分飾男女主角張孟成同吳浩婷，俊男美女，十分登對，劇情係有少少老套，但兩人落力演出，十分感人。阿成對浩婷一見鐘情，所謂Fall in love at first sight，之後更一往情深，至死不渝。兩人開始戀愛後，亦有多少搞笑情節，但唔係咁深入，反而催涙場面更多，呢啲係台灣電影嘅傳統特色，喊苦喊忽先至係經典。我較少接觸台語片，從未睇過本片兩位主角。許瑋甯個樣鬼鬼哋，網上一查，原來佢老爸係意裔美國人，阿媽係台灣人。至於邱澤，驟眼睇似霆鋒，但明顯佢唔夠霆鋒靚仔，反而我覺得佢形神都有七成似昔日台灣影壇一哥柯俊雄，尤其講閩南話嘅時候。我認為喜歡電影嘅朋友，係唔應該錯過呢套嘅。