60分鐘招魂直播

上映日期: 2024年10月1日 片長: | 65 分鐘 級別:
IIB
2.5
評分
81 讚好 18 影評
全球爆發新冠肺炎,各地政府呼籲市民盡量留家,減少外出。未能外出聚會的Haley就邀請靈媒與五位朋友進行一次視像招靈;但惡靈易請難送,不止做足「效果」,更逐一到訪每個人的家中……
顯示更多 arrow-down
loading
影評
詳情
場次
爆米花族
Lv. 10
star 3.5
貼近時代大玩Zoom 直播元素富代入感
《60分鐘招魂直播》明顯是以Zoom作為主題招徠的,而跟過往的「xx分鐘xx直播」的系列相同,電影是透過觀眾以第一身視覺觀影,從而為觀眾帶來真實感的。這次電影以近來非常貼近觀眾的Zoom作為主題,這已經大大提升了觀眾的代入感;而電影也充分發揮Zoom的種種特性,分屏、靜音、斷線、信息緩慢、邊行邊拍等日常情景全部都成為了恐怖元素,讓電影甚具新鮮感之餘也不失驚嚇度。而我最欣賞電影的地方,是它敢於見好就收,六十分鐘的片長停得剛好,也就是停在導演玩弄Zoom的驚嚇技倆開始江郎才盡時。所以如果觀眾擔心小品之作會否沉悶,放心,電影只有六十分鐘,所以根本沒有時間容得下悶場。我覺得《60分鐘招魂直播Host》是一部聰明的小品之作,雖然一看便知成本不高,而且設計的驚嚇橋段也相當容易猜到。可是,它的創意卻將以上兩項缺點完全彌補,甚至化為其精彩之處。從《60分鐘招魂直播》這部電影,比起鬼片的驚嚇,我更是驚訝於創意如何昇華一部看似平凡的電影成品。適合觀眾群:喜歡恐怖片的觀眾/喜歡第一身視角觀影的觀眾不適合觀眾群:膽子超強大/追求富故事性的恐怖片/追求極度恐怖的場景設計歡迎來到爆米花族的世界參觀:Ig:popcornmoviehk
顯示更多 arrow-down
28  負評
0  回應
Movie Express HK 影評界楊過與小龍女
Lv. 10
star 3.5
最高成本效益抗疫電影系列
當你埋怨《怪胎》用iPhone拍攝令畫面質素低,當你嫌棄《死亡直播》都唔係全程直播而對唔住佢個名,咁你就要睇吓呢個《60分鐘招魂直播》。佢真係夠膽死全程都用zoom meeting 拍攝,沒有最低像素,只有更低像素,有陣時仲因為網絡問題,Disconnected ,直頭係將部電腦,搬上大螢幕,唔需要任何剪接咁滯,呢啲就係玩到極致嘅表表者,將低成本,低畫質,演繹得高明,貼地,有啲位仲覺得幾正添。正正因為觀眾個視覺同參與zoom meeting嘅演員都係望緊同一個Mon,代入感自然會強啲,就好似當年睇《貞子》咁,貞子可以由每家每戶嘅電視爬出黎,呢個招魂meeting 惡靈 一樣可以免除地域限制,同螢幕前嘅觀眾連結。亦食正武漢肺炎需要大家保持社交距離嘅主題,係一套生於亂世嘅電影,每一個人都可以係參與者。咁驚嚇片最緊要就係要夠驚嚇,佢係做到嘅!雖然驚嚇位置篇幅唔算大,但算精,驚嚇位係有心思設計。有啲咩係最易吸引到人呢?就好似啲索女咁樣,唔係一嚟就俾佢全裸體你睇就正,最正係若隱若現,又有氣氛營造。驚栗效果就係利用左zoom嘅function,將呢種若隱若現嘅鬼魅同zoom 結合,人面filter、聲音調控制、虛擬背景 等等玩盡佢,真係嚇到個心都離一離,唔爭氣地叫出聲幾次。當然啦,佢全程用得zoom meeting 一定要take risk,前段鋪排略嫌沉悶,雖然只有65分鐘,但我都唔覺得太短,因為前邊就真係好似一個正式嘅會議,同啲公司同事喺Online開會咁,而最尾嗰段,我都係有啲唔明。呢類型比較有藝術感,同有創新嘅拍攝手法,就好似非主流藝術咁樣,未必個個都會欣賞,我隔離位同學得閒就撳電話,完場就話唔識欣賞。呢套電影一定係冇《人肉搜尋》咁震撼,但如果你Buy 創新,接受能力高,其實都係值得睇;但自問接受能力好低嘅觀眾,尋求一啲好嚴謹嘅故事、好華麗嘅畫面、好正規嘅拍攝模式,咁呢套電影就幫你唔到。我是buy 的Bye!#小龍女偽影評👁 IG: movie_express_hk👤FB: Movie Express HK 影評界楊過與小龍女👥MeWe: Movie Express HK📮Email: 𝗺𝗼𝘃𝗶𝗲𝗲𝘅𝗽𝗿𝗲𝘀𝘀𝗵𝗸@𝗴𝗺𝗮𝗶𝗹.𝗰𝗼𝗺
顯示更多 arrow-down
0  負評
0  回應
薯仔
Lv. 10
star 4.0
執行到位、緊貼世情,刀仔鋸大樹的模範作品
一場疫情改變了人類的生活習慣,「新常態」成為電影創作靈感,《Host》便是其中一套應運而生的產物,取材lockdown下大行其道的視像會議,速煉成60分鐘的低成本驚慄爽片。Computer screen movie其實不算新鮮,早在2014年便有《Unfriended》面世,而且《Searching》珠玉在前,作為「形」「神」兼備的上乘佳作,《Host》在形式或故事上沒突破性創新,一較之下難免失色,但後者勝在目標清晰,執行到位,亦緊貼世情,善用Zoom的功能、特性炮製驚嚇,成為刀仔鋸大樹的模範作品。《Host》劇情單刀直入,一輪閒話家常後便進入戲肉,驚嚇形式炒大雜燴,背景、臉部filter等恐怖位效果突出,jump scare亦用得其所,電影由開始的詭譎小動靜循序漸進至暴烈的殘殺,觀眾從心裡發毛變成猛烈的心臟衝擊,在「實時」推進帶動下,不留任何喘息空間。失去上帝視角的保護,亦縮減了觀眾和角色的距離,配以熟悉的家居場景,臨場發揮的對白不經雕琢,演員表現自然,大大催化了共情作用。看著主角受襲,不僅是目擊的驚嚇,還能感受到切身的恐懼,成功令觀眾全程陷於繃緊狀態。驚魂過後更有茶餘話題,解讀惡靈的「傳染」原由,是誰導致「病毒」散播, 誰早有經驗還繼續玩火自焚?耐人尋味的細節,足替電影增添一層意義。
顯示更多 arrow-down
8  負評
0  回應
Chan Wing Wai
Lv. 10
star 2.5
要留意真係得60分鐘
用zoom嚟到做題材都算創新,主菜嗰段大約30分鐘, 個氣氛係ok嘅都有一兩下畀佢嚇到, 其餘都係揼時間, 只能夠畀佢合格
顯示更多 arrow-down
1  負評
0  回應
Ray
Lv. 10
star 4.0
Unfriended嘅friend
雖然係Unfriended啲friend(Unfriended第一同第二都值得一看),但其實都唔錯,60分鐘恰到好處,好過格硬拖多半個鐘,好呢類電影嘅應不會失望。
顯示更多 arrow-down
4  負評
0  回應
Raymond Ng
Lv. 9
star 2.5
普通
60分鐘片長ok, 但唔夠恐怖,食正 zoom的話題!
顯示更多 arrow-down
0  負評
0  回應
私隱政策
使用條款
免責條款
fd621b1