末世綠洲

唔似平時啲災難片 冇咩災難場面 多講人同點走難

一般災難片 predictable, 部分劇情唔make sense,好多bug...主角光環嚴重,唔算悶 但唔好睇

個頭開得唔錯，彗星擊落地球場面幾有壓迫感，不過電影中「末日」只是一個時限，人禍才是末日求生主線。中段男女主角走散分兩線發展，盡顯人類自私，愚昧與善良一面。主角光環庇佑下，在每個驚險時刻總會遇到好人相助，可惜好人都不見得有好下場，而主角行為亦不見得比其他人高尚。我幾鍾意片中有幕講末日前的晚上，一班人在天台開趴狂歡，如果是現實世界知道末日到臨，有人想辦法求生，有人抱緊至親，但有幾多人會活在當下跟朋友暢聚，享受最後一夜？搞完場大龍鳳，以為最後一擊有震撼眼球的視覺效果，結果畫面全黑就過左，以滿有希望的廣播訊息作結有點爛尾感覺。Follow IG: andymyf / IG #andymoviereview

本片故事平鋪直敘，冇乜轉折高潮，冇乜戲劇性變化。主線係彗星「奇勒」來訪地球，本來係難得一見嘅天象奇觀，竟突然發展成彗星碎片襲地球大災難。戲內主角尊.加列提（John Garity)由謝拉畢拿飾演，係一位結構工程師（Structural Engineer)，在危機時被國土安全局選中可以一家三口獲政府保護前往格陵蘭避難。途中盡見人性之陰暗卑劣，憎人富貴，損人利己，而尊與分居太太愛麗亦在患難中見真情，即使末日來臨，能夠同摯愛携手同行，死而無憾。散場後，此戲名「末世綠洲」，令我諗起現時香港情況，未至末世，仍算係一片綠洲，有緣人難得在此相聚相知，就永不相忘於江湖，大步前行，總會見到一片艷陽天。

《末世綠洲/Greenland》今次謝拉畢拿英雄無用武之地，特工不再，普通人一個，大玩親情，一家三口求生走佬family ，劇情簡單直接，彗星「奇克」撞擊地球，碎片四散變成隕石摧毀一切，約翰一家本應得到特許有包機接送逃難，豈料頻生波折，劇情就是圍繞他們一家三口，如何遭逢劫難被隔離，在重重波折之下，如何又再重逢聚在一起，立刻畫人性的陰暗面，為求絶處逢生，惡由心生，喪盡天良嘅事攞人命都做得出！亦有好心腸的人扶危救急，作岀幫忙，劇情雖然唔算係好緊張，但節奏明快，會令觀眾為他們一家著急。突如其來隕石墜落的巨響，或許會嚇你一跳，血脈沸騰！雖然無乜動作場面，但反而會覺得更加真實， 似番個普通人去保護妻兒，兩個多鐘不覺有悶場，不過結尾去得到格陵蘭，就草草收場，算是少少敗筆。#tigermoviesnews

幸運的小部份人得以庇護，其餘的人不知點算。