拿破崙

個人覺得今次套戲是不俗，雖然史葛繼續可以拍得出舊式戰場這種澎湃氣勢浩瀚，但在故事剪接處理上卻有點進退失據，故事舖排有點不連貫，這樣的確是令我有點失望，或者四小時導演版可能會好一點。其實以史葛的標準來講，這套不是他拍得最好的一群，但同時也不是最差一群。他的確是想用另一個角度來描寫拿，純粹在這方面的處理是沒問題，但如果以整套戲的角度來睇，這樣卻有點格格不入。這方面史葛的處理的確有點失手。但馮力士的演繹卻可救回套戲，他這份精湛而冷的情感處理，的確可以同拿真實一生互相匹配的。而場面調度上，個人覺得史葛依然可保持他一貫的高質，每一幕戰爭場面也可以拍出舊式戰爭應該有這種千軍萬馬奔騰、互相殺戮這份氣勢同質感。唯一可惜是今次香港無IMAX版，我估如有，效果應該會更震撼。痴·影·夢·藝 X 的專頁 https://www.facebook.com/ckwunmovie/

電影以軍事、政治及愛情三線去發展故事情節，首先是軍事，連場戰爭場面氣勢磅礡、炮火連天、肝髓流野，這樣豐富視覺的戰爭場面，近年久違了。相信這是本片最大的賣點。其二是政治，亂世爭權、黃袍加身、連環合縱、放逐軟禁，內容頗多，描繪拿破崙一生的風雲際遇。最後是愛情，他深愛着妻子，雖然因妻子出軌而被國人作笑柄，可能如他自己所言：“沒有她，他一無是處”。電影雖然2個半小時，但內容豐富，加上戰爭連場，整體來說都幾吸引。反而覺得，男角演出未能帶駭人吸引力，畢竟這是個自傳式故事，poker face未能帶給觀眾一代梟雄的心路歷程，做形有些蒼老。雖然如此，值得去看，特別愛戰爭的。

如題，預告片中嘅千軍萬馬，萬炮齊發，史詩式嘅戰鬥畫面都有喺戲裡面出現，而且好似打咗四五場左右，特效好睇。至於文戲，節奏尚可，考慮到拿破崙事跡太多未能盡錄，呢套主要講佢點樣上位同埋同個女人嘅關係，詳略適中而且唔悶。我唔知呢套有幾多係跟史實，不過要大概了解拿破崙嘅生平應該無咩問題。4.4/5(88分)

由影帝Joaquin Phoenix飾演我最鍾意嘅歷史人物之一Napoleon外表身形都入型入格 冇可能唔捧場由金像導演Ridley Scott執導 志在奧斯卡獎係好明顯嘅事不過除咗選角一流外 其他就冇乜值得特別讚賞嘅地方由Vanessa Kirby飾演嫁俾Napoleon之前已有仔女嘅寡婦兼蕩婦Josephine亦係畫龍點睛之處Vanessa夠成熟風騷 而且好有性格好有韻味同女人味可惜作為歷史傳記片 拿破崙太多史料都好有戲劇性 可以搬上銀幕電影時間有限 不可以交代法國大革命1789年之前Napoleon嘅成長過程 只順序記述咗1789-1821嘅流水帳 贏過嘅幾十場戰爭只可以怱怱介紹咗土倫同Austerlitz戰爭 同埋輸得最漂亮嘅Waterloo之役故事推進平鋪直叙 雖然加插咗幾幕經典 例如Napoleon搶過教宗手上皇冠自立為王 並為Josephine嘉冕 顯示反宗教及人定勝天嘅狂傲 但都流於將油畫變成動畫短片而已當然Ridley Scott唔甘心只係拍一齣紀錄片 於是企圖加插Napoleon同Josephine難捨難離 愛恨纏綿嘅浪漫愛情故事其實即使時至今日 法國已婚男女攪婚外情仍是家常便飯 男嘅有情婦 女嘅有情夫 係好普遍嘅現象 所以即使醜聞纏身 拿破崙仍對Josephine不離不棄 以法國標準都冇乜大不了 唔算感人 更講唔上盪氣迴腸 最後只不過因為Josephine未能誕下皇儲而被廢黜 但Napoleon仍和Josephine藕斷絲連 都冇乜感人肺腑嘅著墨總言之 Ridley Scott今次嘅演繹令人失望 寫史到喉唔到肺 寫情又唔湯唔水 可謂兩頭唔到岸 加上須表達嘅歷史太多 以致兩位男女主角都冇得到充分發揮演技嘅機會 兩位都交唔出悲歡離合嘅內心戲 編、導和演都係略高於合格而已片末交代拿破崙征戰歐洲三十幾年 七戰反法聯盟 加上征戰埃及 俄羅斯 伊比利半島 總共帶嚟超過三百萬人嘅死亡 但維也納會議仍決定不處決Napoleon 為甚麼呢？因為Napoleon只喺戰場上合法殺人 從來冇集中營或種族清洗（唔好同希特拉比 雖然兩人都因敗走俄羅斯而命運逆轉 但希魔淨係屠殺手無寸鐵嘅猶太人都六百萬啦）最後 電影只交代Napoleon有破壞冇建設嘅一面 但其實佢作為法國有史以嚟最大帝國嘅統治者 被稱為enlightened despot開明專制君主 對被征服嘅地方一視同仁 實行法國大革命嘅民本改革 例如普及教育 法律面前人人平等 議會選舉⋯⋯當佢帶住幾十萬大軍東征西討時 揮動住三色旗 叫住法國大革命口號Liberty Equality Fraternity自由平等博愛 最後喺歐洲土壤上遍灑革命種子 令佢悶死St. Helena之後有1820年代 1830年代同埋1848年嘅革命浪潮 為西方以至全世界近代史揭開光明嘅新一頁 哩啲都係電影交代唔到 亦冇可能交代得到嘅 因為153分鐘睇落好長 但唔夠展示一個偉人嘅一生同埋對後世嘅影響呀

對拿破崙嘅描繪過於平淡, 以致全片劇力欠奉。浩大戰爭場面亦唔算多, 並冇電影宣傳所講嘅史詩式電影嘅感覺。鏡頭運用似睇緊電視電影多啲。如果係導演刻意安排, 似乎有點失敗。全片似描寫拿破崙私生活同內心世界多過似描寫佢嘅梟雄歷史事跡。論畫面設計、鏡頭運用同分鏡, 沙丘翰戰第一集就有史詩式電影感覺。

電影故事開始於89年，不過係200年前嘅89，1789年法國大革命。到1793年，年24嵗拿破崙已在土倫圍城戰役中嶄露頭角，亦眼見路易十六皇后瑪麗安東尼在巴黎共和廣場上斷頭台。一個傳奇人生，歷史罕見，拿破崙十多年間，由一個士兵冒起而成為將軍乃至法國皇帝，除了他的軍事天才，野心、奮發、堅毅都係他成功之道。該片原名《士兵行囊》Kitbag ，來自於拿破崙的名言：“There is a general’s staff hidden in every soldier’s kitbag” (每個士兵的行囊裏都隱藏有一根元帥的指揮杖)。後來竟改為《拿破崙》Napoleon, 可能導演列尼史葛以為較為隨俗受歡迎。其實以佢今日江湖地位，毋須媚俗kitschy ，將部戲拍得庸俗，大受批評。戱尾字幕打出話拿破崙死前遺言Final words: France…Army…Josephine. 法國…軍隊…約瑟芬。令我馬上諗起呢套戲就只係拿破崙一生幾場有名戰役包括滑鐵盧大敗於英普聯軍，幾場與約瑟芬床上戲而已，而《拿破崙法典》即《法國民法典》，亦係現代民主法制原型，都似乎冇乜點提起，可說是列尼史葛此片之敗筆。但片中戰爭場面，化妝以及服裝設計都頗為精緻用心，而兩位男女主角華堅馮力士(拿破崙）、雲妮莎卻比(約瑟芬）都係好戲之人，為本片生色不少，可說盡視聽之娛，影迷豈可不入場？