調教你女友

輕鬆王子灰姑娘故事，加插些情色情節。

又係一般有錢仔溝平民女子橋段，可惜劇情簡單薄弱，戲劇性唔強，香艷情色場面/“動作戲”又唔多，女主角又唔吸引，拍攝水準/美感亦屬一般，比起五十道色戒差幾皮。以前李麗珍果啲都好睇過佢。

富商建築師vs環保女大學生，在7天的相處過程中微妙地產生愛情，比一般愛情片更多成人玩意，刺激程度又不及“格雷五十道陰影”，海報中的綑綁鏡頭只在結尾兩分鐘出現，但作為愛情電影我是相當滿意。4.6/5 （91分）

第一次睇俄羅斯🇷🇺電影🍿居然係情色片，明顯有抄襲荷里活50度色戒嘅味道，富家子遇上灰姑娘，然後短時間燵著，玩下性玩具，但觀眾要有好強性幻想能力至可以幫哩齣戲達到「滿意」程度囉！故事發展快而粗糙，男女異性相吸嘅情節粗枝大葉而牽強，如果你話趕住去床戲，所以唔得閒慢慢調情，滲出/營造情投意合嘅浪漫，都講唔通，因為床戲其實唔多，仲要點到即止，為此而來嘅會覺得到喉唔到肺，返屋企可能要睇返日本AV平衡心理！連結尾都突然，唔知做乜！男主角唔靚仔唔高大亦唔算有型，演技流於表面！太多無謂情節，阿女老豆生日、阿女探男方家長、阿仔老爸跣阿仔⋯⋯都唔知哩啲枝節安排嚟做乜，同主題冇乜關係，唔加入都唔影響故事發展，可以話係搵戲嚟做，攞嚟塞時間，因為本身唔夠兩粒鐘，唔加哩啲配菜可能一個鐘鬆啲就完，營養不良好貧血吓！唯一優點係女主角好健美，全身都好圓潤充滿彈性活力同野性，個樣唔算靚但唔樣衰，至少好過Dakota Johnson（格雷嘅女主角，就係因為佢，睇咗一集就決定放棄第二三集啦），哩啲咁嘅戲唔值得嘥交通時間同嘥錢去戲院睇，今次我係因為交咗Now TV歐洲國家盃觀看費，電視台送咗好多Now dollars俾我，咁咪使啲喺我少數未睇過嘅電影度囉！

有波！廣東話字幕明顯用心，畢竟明白俄語的觀眾看怕是不多。雖然俄羅斯同香港的審美觀有所不同，不過普世的一樣：有男朋友的女人特別惹人搶走。情侶啱睇，單身嘅都唔尷尬。有棍！！開頭作為鬥嘴冤家幾得意，大庭廣眾下大串對方起座摩天大樓是因為他下面細，雖然該段略長。然後巧合又再其他地方遇到就開始亂酒進展。為了阻止對方佔地起樓，對方又玩玩下就順水推舟試居七日。有做！！！互玩對方幾場好爆笑。雙方因為簽訂了合約不可直接色色，女主角而用被植入玩具去口述考試，或者高富帥男主角帶她去歌劇，揭開人地裙間撩入兩腳之中，她就專登將計就計當眾整瘀人地，「呀」出聲來！七日之中日夜都有事發生，住住下就更瞭解對方為人，逐漸難耐深入探索性福。電影都有些普通意想不到的巨型甜品，情侣觀眾可以睇完焫着都可試試。不同刺激的地方去試愛，好似跑車上、有錢少爺的父母家裏。男主角除了有錢，又識煮飯留住人地的胃，遇到這種高富帥我都不用環保了。雖設定有錢唯啪法就可能局限兩三個體位，可能七日時間太花心機先攻略到對方～似乎女主角原本男朋友比較靚仔，最後都給特別的鏡頭，男主角如果再壞些更好。海報的綁縛是片尾前一個小片段。不可避免會跟題材上接近的格雷的五十道陰影(2015)比較，但本片都有些許創新搞笑位。

情虐7天《調教你女友/Naughty Girl》，聰明硬朗的女大學生艾莉亞，醉心保育自然，為拯救動物不遺餘力，因為反叛好勝，接受了不羈的建築界富二代馬明的挑戰，打賭同居試愛七天，答應了馬明，不論他用甚麼方法，若果馬明沒能令她愛上便認輸，無懼對方使出任何奇招百般挑逗示愛，均大膽迎戰甚至反擊挑機，可見艾莉亞內心極野性難馴，卻情難自控，逐漸落入馬明的愛慾陷阱中。艷情片包裝成愛情故事，富家公子遇上灰姑娘，七天為限大玩情慾禁忌遊戲，馬明岀盡法寶，有胴體作畫、遙控性玩具、S&M綑綁，女主角身材高挑並非甜心美女類型，但濃眉唇厚超模臉蛋，氣質冷艷，電影配上地道港式字幕，令情節更盞鬼惹笑，雖然性愛場面唔算太激烈，但故事總算有劇情，攝影畫面好看，作為情色片都可以一看。