東京復仇者2 血腥萬聖節篇–決戰

《東京復仇者2 血腥萬聖節篇 - 決戰》故事虎頭蛇尾 第一集最好睇 之後每況越下今次電影有差唔多三分一係萬聖節大決戰打嚟打去都係嗰幾款 唔同人唔同對手無限loop三集都歌頌兄弟間生死不離嘅男人浪漫浪漫就係必須脫離現實 日打夜打唔使食飯咁幫會唔收保護費點養成班兄弟 唔作奸犯科又邊有錢買機車做暴走族呢幫派仇殺 爭地盤擾亂社會安寧哩啲咁鐵一般嘅事實 電影完全略過白刀子入紅刀子出 在刀鋒上黏血嘅殘酷都被編導演和作者美化 荼毒年少無知嘅心靈故事唯一合理嘅係武小道終於明白解救日向嘅唯一方法就係放手 無謂累己累人人在江湖 身不由己一腳踩入 只有一往無前唔想行先死先 打就企兩邊唯有向上扒做大佬 點人好過俾人點至少唔係俾別人嘅錯累死 自己犯錯自己承擔後果叫抵死⋯⋯不過男主角完全唔打得 次次都俾人打到豬頭咁連女主角都話佢萬聖節唔使化妝都成隻喪屍咁唯一優點係有打死都唔逃避唔退縮嘅鬥志但係哩種特點通常令擁有者死得最快居然榮任一番組組長 仲豪言話將來要做幫會大佬完全冇說服力 真係搵戲嚟做 搵古嚟講至於大奸角稀咲鐵太嗰套陰謀簡直當觀眾係白痴背後策劃一虎帶領芭流霸羅挑戰東京卍字會實則企圖乘鷸蚌相爭 漁人獲利芭流霸羅打贏就吞併東京卍字會 卍字會打贏就吞併霸羅無論結果如何都係佢贏晒 邊個咁天真作啲咁嘅屎橋 又邊個咁天真咁嘅屎橋都信呢？？？

今集係完結篇。故事性唔強, 因為故事上一集講哂, 今集係上一集嘅殺科打鬥戲。場地圭介反而成為重要角色, 此君造型幾討好, 都有少少為佢感動。其他角色都只係繼續做番自己一貫角色同只係打打打同被打打打。除場地圭介外, 整體冇乜突出之處, 睇開嘅咪睇埋呢集埋齋close file囉。

睇埋結局篇《東京復仇者2 血腥萬聖節篇–決戰/Tokyo Revengers 2 : Bloody Halloween- Finale》，武道(北村匠海 飾)原本以為穿越時空後，便已成功拯救女友橘日向，沒想到悲劇卻再度重演，讓他決定再次回到過去試圖扭轉日向和「東卍會」的命運，救回心愛的人。今集劇情加強了「東卍會」與「芭流霸羅」幫派間的角力激戰，動作戲比重佔多動作片，少年幫派電影，各人都有其特色，題材熱血，有讓人感動的友情及兄弟情，雖然有些誇張，但整體要算是好看，九十餘分鐘片長，節奏還好，沒有拖拉感，所以不會覺得冗長。

「武」戲今次真是！頭兩集基本上一樣的文戲，不過頭十分鐘不斷引用先前的畫面，比上集還要發水。萬聖節車場兩幫幫派打架其實都幾拖戲，真的打架時只有兩邊隊長出力。話雖如此，最後的冬也與場地認識史，加提到回到平時集會的神社當初求簽的情景還是不錯的。武道頭兩集都為了「死去」的女友而穿越過去，今集結尾直接分手，似乎女友由條女變成Milkey，不過多bug本身是成個系列的優點。總之睇過頭兩集無論如何都不可放過真人版大結局，有興趣的人可以延伸仍在熱播第二季的動漫。

《東京復仇者》系列，三片合共超過五小時，總括而言是一集不如一集。新世紀以來，日本製作的影片，有很大比例是改編自暢銷小說或漫畫，單純為電影度身訂造的劇本少之又少。這個現象，反映出東瀛電影產業江河日下，製作人不敢貿然開戲的狀況。《東京復仇者》所包含的元素其實相當豐富，以不良少年暴走族之間的對抗為主軸，帶出正邪對立，陰謀詭計，兄弟決裂⋯⋯最奇峰突出的設定是，本來一事無成的「魯蛇」主角，機緣巧合獲得穿越能力，為了守護愛人和朋友，多次回到過去，勢要改變宿命。這樣有趣的故事線，足以吸引觀眾捧場。然而二部曲的上集〈血腥萬聖節篇——命運〉，竟然出現意料之外的沉悶。現在回想起來，問題其實是因為導演英勉已開始駕馭不了整個故事，力有不逮。過去半個世紀，日本電影儘管偶有佳作，但整體水準已經予人光輝不再的感覺。特別是當一些名牌導演先後引退或辭世，對比尤為明顯。二部曲的下集〈血腥萬聖節篇——決戰〉，節奏緩慢，戲情翻來覆去，幾乎是原地踏步。在廢車場內的「決戰」，堪稱是近年看過刺激度最低的群毆場面。假若這一幕是由執導《柳生一族之陰謀》、《大逃殺》的深作欣二導演接手，又或者是由來港「學藝」多年的武術指導谷垣健治構思，出來的效果肯定雲泥有別。武打動作未能與時俱進，固然不忍卒睹。更失望的是，就連文戲也婆媽囉嗦得令人搖頭嘆息。筆者沒有看過《東京復仇者》漫畫，估計電影版應該是辜負了一個好故事了。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。