爸爸，對不起

個人覺得套戲不錯，雖然故事結構是俗套，但兩位導演在處理上沒太大失誤，可以拍到應有的感覺出來。 在節奏處理上，兩位導演也是不俗。可以拿捏到觀眾睇的意欲，前段胡鬧幾好睇同吸睛，而之後的轉調也是拿得好，尾段的感人位也是到位。略為美中不足卻是在故事處理上有點沙石（沒好好深入描寫出為何有私生女這件事，這段個人感覺有點突兀），如果顧及到的話，會對套戲更加好。 而演繹上，演爸爸同仔那兩的演繹也是好睇同感人，尤其是中後段的矛盾場口，他們的互動是到位。 比較馬來西亞這類近乎港式喜劇的處理，越南這類會更為吸引，最少沒有馬這種熟人熟面的臉口，而越南這份市井味重的處理也是有新鮮感，這樣種種加上令我會對越式喜劇會產生興趣。痴·影·夢·藝 X 的專頁 https://www.facebook.com/ckwunmovie/

第一次睇越南片，主要係俾個片名同trailer吸引左。顧名思義套戲係講父子情，講代溝。前段節奏輕鬆，後段刻意催淚。但我笑唔出,又喊唔到，唔知係翻譯定係劇情嘅問題。我知越南同香港文化有唔同，但劇情非常老土,直情係以前粵語長片嘅橋段:- 老豆性格似吳楚帆，乜野時候都係人人為我、我為人人。- 親戚們貌似融洽，成日聚頭，但成日講利益，互相比較。- 又係講錢，又係有病。劇本有啲業餘。演員方面，兩仔爺演得一般，男主角(老豆)唔知點解要特登扮老去做呢個角色。最好戲係個姑媽同個女裁縫(有啲似肥姐沈殿霞)。學咗幾句越南話。見到好多越南人捧場。

有意義嘅電影，好電影👍

其實親情戲因為社會有既定gender bias，男人要內斂啲至叫做man，所以歌頌父愛嘅片係難拍過母愛，不過套戲設定咗男主角父兼母職，所以就令件事順理成章，套戲去到中段轉折位交待一家三口關係亦自然。