詭異之家

前半段不錯後半段矯情結尾2個反轉略突兀

唔講劇情合唔合理，起碼唔會想訓覺。

懸疑度不足，中段沉悶，小本作品，普通普通。

房屋設計圖異常，呢個題材相當吸引，不過前段基本講晒，雖然後面會研究更多房屋嘅設計圖，但內容大同小異，中段劇情推進較慢，後段係一般懸疑片揭曉環節，整體來講算正常水準。4.3/5 （86分）

《詭異之家》好耐未睇過咁唔掂嘅日本恐怖片，最恐怖係完全唔恐怖，悶到係咁放蚊，放到幾乎甩牙骹呀！日本好鍾意拍埋晒啲詛咒片，上幾代祖先做咗啲壞事，被惡靈詛咒，子孫後人為咗消災解難，於是做埋晒啲血腥獻祭，哩類片當以《八墓村》最經典，但哩套完全唔得，氣氛絕對冇，化妝都係兇手戴住個鬼面具敷衍了事！故事發展完全唔合理，既然成條村成族人集體謀殺成咗習慣，不仁道儀式做咗百幾年（由明治時代至今），主角得嗰六七個人（仲有兩個係小朋友）有乜可能打低百幾人逃出生天吖，最騎呢係講明要個被圈養嘅細路係十歲前殺三個人並斬下左手至可以解咒，點解後尾又可以搵人代勞，仲要求其有人速遞一隻來歷不明嘅左手都可以算數呢？（後來至知道係阿媽做義工，走去接近露宿者，然後揀啱目標下手！）咁求其都得，使乜喺條村攪大龍鳳呢？？？電影宣傳話「好燒腦」，其實係編劇燒壞腦就真！電影唯一新意就係被詛咒嘅家族會起一間怪屋囚禁個要執行儀式嘅細路，又怪則又秘道又黑房又停屍間⋯⋯後來又話新起嗰啲屋另有用途，係要嚟保護嗰個須執行儀式嘅細路免被族人捉走，好似想講雙面刃嘅道理「水能載舟 亦能覆舟」？其實係係咁兜，搵嚟噏，企圖自圓其說，實際自相矛盾，不知所謂，哩套係睇過最差嘅日本恐怖片！

睇trailer同聽首歌以為係有新意同比年青人睇嘅新派恐怖驚慄片，點知原全相反，只係熟口熟面嘅日式家族詛咒片。全片大部份時間口水多過浪花，節奏緩慢，鏡頭轉換亦緩慢，以為自己睇緊“四月，她將到來”，營造唔到驚慄氣氛，中段真係頂唔住進入半夢半醒狀態。唔明點解日本連續4週票房No. 1。其實成個戲同何超儀之前果套“怨泊”相似，但怨泊係任性風格版，而呢套係日式文藝版。怨泊好好多，氣氛營造不俗，驚慄度亦不俗，最起碼我成套戲都能清醒咁睇哂。