台北追緝令

其實前期知道男女主角嘅關係就知道大概劇情會係點，不過愛情片我都鍾意，順帶一提，我對桂綸鎂既印象仲停留喺《不能說的秘密》（2007）果陣，以過咗十幾年嚟講佢都依然幾靚。4.5/5 （90分）

我的最愛"這個殺手不太冷"導演洛比桑對台灣情有獨鍾，喜愛以台灣作故事舞台，前有Lucy，後有呢套台北追緝令。不過今作只係監製，並非導演。本作電影橋段並不新鮮，動作同飛車場面設計一般水平，不太精彩，中段有點沉悶。各個角色設計並不太討好，尤其個環保膠細路，桂綸鎂角色設計同演出生硬，男主角角色設定又好典型。男女主角同細路三個人關係同感情build up唔到，冇乜情感，整套片好似走馬看花，睇咗一個過程咁樣，冇感染力，完全冇入心嘅感覺，唯一亮點係有狂野時速嘅韓國演員睇下。整體屬串流水平。

套戲都算可以，個別笑位都幾有台灣味道。台北⋯⋯與其話台北，不如平行世界，景有但其實異國風味。最得意可能就是阿仔發現自己阿媽原來有如此「黑」歷史的時候。以為是拍攝在台灣而用國語，原來九成對白都英文，如果設定在香港就正常。簡單就是兩男爭一女的臥底矛盾故事。桂綸鎂好型好有氣場，至少中外都合眼緣，不是劉玉玲那類美。但兩位男角都長髮反而好出戲。最尾戲院雙雄打鬥爭女人一場雖老套又搞鬼。笑位雖蠢但能博君一笑，就像《Tom and Jerry》般卡通式呈現，開了好幾槍還舉白旗話找錯房一樣無奈，死之前已經食飽點心盛宴。台北的景色可能只為拎政府補助而隨意簡報播一播，整個台北只有101。配樂還以為是古裝片。

隱藏十幾年培養無愛有恨捉拿破壞海洋兼毒販

加拿大罐裝珍珠奶茶 “Bobba”宣稱是健康方便的飲品，因而惹來《尚氣》男主角劉思慕嗆聲，指責該品牌從未提及珍奶發源地台灣，是一種欠缺尊重的「文化挪用」。那麼，劉思慕假若有機會看看《台北追緝令》的話，又不知該作何感想？東北亞的黑道文化，多年來在歐美人士心目中，一直披上厚厚的神秘面紗，似乎先天擁有一股無法抗拒的魅力，那怕是意大利黑手黨亦難攖其鋒。《台北追緝令》就是一齣過度解讀與想像，再加上白人「救世主」視覺，生硬堆砌而成的警匪動作片。撇開令人啞然的文化體味，美國出生的台裔導演黃嘉智的說故事手法，委實是教人不敢恭維。從第一幕開始，緝毒局卧底警員（盧克伊雲斯飾）跟毒販由中餐館廚房打出樓面，過程拳拳不到肉，偏偏又要模仿成龍風格，尷尬之極。毫無睇頭的打鬥，既不精采也不刺激，放諸二、三十年前的標準也不可能合格，更遑論廿一世紀的今天。其後，以柯德莉夏萍《珠光寶氣》經典打扮登場的桂綸鎂，駕駛紅色法拉利488在台北街頭飆車，縱使集豔光與性感造型於一身的小鎂，亦無法隻手回天。這齣由洛比桑監製的法國電影，最大的貢獻是證明了短髮帥爆的桂綸鎂，百分之二百不適合留長頭髮。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

我都未睇過一套電影入面嘅打鬥可以咁無打擊感！感覺似跳舞多過打架，音效亦都好弱，甚至有聲畫不協調感覺，令一開場理應會係重點嘅長打鬥已經「伏味濃」！飛車部分都無必要性，純粹為加而加，睇到想快啲完！果不其然，劇本應該係用腳寫出黎，完全鳩流流，我寫估計仲好睇。完全唔想具體形容，因為個劇情每一Part都好想吐槽。所有角色包括桂綸鎂都係無深度、無靈魂嘅角色，桂綸鎂個角色應該係土生土長台灣人可？點解好似去左美國咁？母語係英文？？台北呢個地方設成可以換成任何地方，導演亦都無拍出專屬台灣嘅美感。我就唔知係咪台北政府係咪見到荷里活級數黎拍台北呢點就科水，縱觀成套戲只見無盡嘅尷尬，完全係影衰台北級別！