末日廝殺橋

個人覺得套戲可以，我會講套戲是兩頭不到岸，雖然故事設定上，他有新意，但執行卻不到位，我會形容他也比較屍殺列車為弱。無可否認這套的主賣點是更有攻擊性同生化改造的軍犬，但出來牠們的效果不如理想，雖然牠們懂聲東擊西，但餘了這樣，牠們同一般軍犬沒太大分別，所以這樣有點失望。而角色設計上，這套也過於保守，套路太傳統，我會講，首二十分鐘已經知誰是上把、下把同誰會無主角光環，個人覺得這點屍殺列車卻細緻描寫得多。咁當然之後衍生出來什麼驚天大陰謀也是屬同類韓片會有的設計。痴·影·夢·藝 X 的專頁 https://www.facebook.com/ckwunmovie/

緊張度和壓迫感不足，故事情節描繪不細緻，感受不到“改造犬”的驚嚇，那位總統候選人的話柄原來犧牲了不少犬隻去做研究，這對於今天食狗肉合法的韓國真有點無語。普通普通，要求不高，可看。有點兒奇怪的是韓國電影故事涉及大壞事都和政府高官有關，韓國政府為何還讓電影圈唱衰自己，韓國太不安全。

首先認同譯名改得好，起碼吸引到我去睇，劇情一如韓片特色混入政治元素，主題相當新鮮，d狗雖然兇惡但其實都係可憐嘅犧牲品，逃亡過程中緊張感同壓抑感並存，特效方面雖不及“與神同行”“屍殺列車”等但也收貨，至於劇情雖有犯駁（例如個高官一係做好人勇敢認錯，一係就衰到底派人追殺主角群，無理由做一半唔做一半）但唔重要，災難片嚟講呢套算中規中矩。4.4/5 （88分）

題材可以，但拍出嚟完全冇火喉冇鑊氣，故事又係走番去同類型韓片方程式格局，堆堆砌砌，犯駁/膠位又多，毫無新意，連最起碼嘅驚慄氣氛都營造唔到，角色設計亦好典型，毫無特色同變化。全片可以讚下嘅只有CG特效，但亦非特別出眾。總括套戲唔係爛，係悶。呢期要感受下驚險災難求生嘅過程還是去美國吹下龍捲風感受下大自然嘅威力吧！

廝殺列車和軍艦島嘅女童星金秀安，轉眼18歲，由小女孩長大成亭亭玉立嘅少女，演技依然，令人唏噓嘅係時光飛逝，更遺憾嘅係編導浪費咗佢，仍然用佢和男主角營造生離死別嘅父女情，這個套路金小姐已被套用咗三次啦，事不過三，稱為「套用」已有啲客氣，其實係濫用呀！仲要前兩次嘅對手係韓國男神級影帝孔劉同黃晸玟呀，可唔可以俾條生路哩個後生女行呀？軍方陰謀、政治家嘅卑鄙都冇乜新意，唯獨是將困獸鬥放喺霧鎖斷橋上有啲特別，可惜啲軍用生化惡狗嘅CG太假，血腥核突場面又欠奉，辜負左「廝殺」二字！編劇同導演都當觀眾係白痴，既然軍方認為哩啲殺人犬係失敗作品須銷毀，咁點解要活體運輸送上橋呢？一早殺晒就地埋葬咪乾手淨腳囉，話運去丟掉簡直係多此一舉，搵戲嚟做！哥爾夫球手經理人小腿中咗軍用步槍一發子彈，居然紥住之後可以走嚟走去？唔痛死都流血不止啦！老夫婦生死不離不棄純粹煽情，有點多餘，嘥咗兩位我極鍾意嘅韓國老演員！最後男主角嗰一拳不單冇震撼力，簡直係老土到不得了！全片演員吃力不討好，唔緊張唔刺激，只能怪編導俱差。唯一有點意思嘅信息：韓國每年奪去三百萬隻動物嘅生命去做實驗，E9惡犬屠殺人類嘅事遲早會發生，係報應亦都係報仇，生命無分貴賤高低級，請大家都尊重生命和他們活下去嘅尊嚴。

無睇過預告片就入場，我一開始還以為是部喪屍片，又被港譯片名騙了！原來這是部災難政治片。災難的部份，連環撞車以及天橋斷裂場口拍得有水準，但「廝殺」的部份就只是還好。最大主因是智能狗不夠兇殘，而且一開場已經將人殺得七七八八，剩下來的人頭戴主角光環，所以驚險程度不算太高。而劇情想揭示政府背後陰謀及處事，佔的篇幅不少但觀感是到喉唔到肺，令電影兩頭唔到岸。.令人留意的是去年自殺逝世的男主李善均，但戲中演出未有太大驚喜，開頭護主心態而作出錯誤決定，到最後覺悟，轉變等都是預料之內。戲中最大的反駁位應該是最後一批生環者要離開巴士時，博士不想離開，明明他就是最熟悉「敵軍」的權威，這班無知的人選擇相信政府真係無腦。.觀影平台: Gala Cinema