赤狐書生

情節無乜高潮位，故事不吸引。電影大部分由两位男角表演，但不討好，感情位不豐富，特別演書生那位，中庸樣貌，表情沒乜深度。而整套電影美術出色，夠吸引。如果加深故事性，男角干脆換去，電影效果會有不同層次。不要求故事性強烈的，可以一看。

百老匯院線兼安樂影片老細江志強近年重心轉移國內，頻繁以頂尖製作團隊支撐新晉導演同演員領銜主演嘅作品，嘗試用群眾之力為電影圈扶持新秀。今次就搵嚟許誠毅監製、金像金馬最佳美術指導邱偉明、『與神同行』特效團隊兼且有日本大師久石讓配樂。.不過當導演劇本演員唔得時，就算幕後班底有幾鼎盛仍然未能力挽狂瀾。內地上映前夕江生喺朋友圈發文嘆2020年係最困難嘅一年，某程度上想透過感性營銷吸引觀眾入場，可惜電影評價一面倒插水，最終冷淡收場僅得1.8億。.幸好陳立農角色需要演繹經常發吽豆嘅書生，掩蓋到佢演技上嘅不堪。相反李現要扮演跳脫精靈小狐狸，配合電影誇張嘅漫畫風格明顯突出佢演技不在線，難以相信佢係科班出身。.除咗角色性格跳脫，電影風格同故事走勢同樣跳到飛起。雲集多個現今商業大賣元素 - 鬼怪搞笑動作特效兼有啲BL嘅兄弟情，頭半段間中玩極度誇張嘅身體gag令人汗顏，劇本拖泥帶水又明顯碎片化，段與段之間連接性唔高。.其實劇本大橋咁鬼行貨 - 狐仙為咗騙取書生嘅仙丹而跟佢上京考試，沿途面對各方妖孽一邊斬妖除魔一邊昇華關係，最後面對利益關頭如何選擇⋯⋯既然如此，最重要係釐定清楚套戲想點玩？投資方嘗試大包圍式務求觀眾買賬，卻低估劇本嘅重要性。.唔應該為搞笑而令電影充滿過多硬滑稽笑點，反而應該將編幅留喺描寫人物嘅掙扎、兩人惺惺相惜嘅關係。明明陳立農呢頭先話唔會被美色迷倒，轉個頭整段突兀嘅人妖戀，刻意營造兩位主角嘅衝突面。.所以最後莫名其妙黑化角色忽然又覺得幾貫徹電影風格，反正佢都係咁奇怪，冇得用常理去睇。.另外恕我直言，久石讓嘅配樂完全唔夾套戲。佢嘅風格傾向文藝帶有些少宏偉感，唯一好好發揮喺黃海設計嘅片頭動畫，營造到奇幻嘅感覺。其餘好多場面都選擇無配樂，淨係得對白以及音效嘅聲顯得非常乏味。.既然電影係走商業娛樂片路線，配樂理應係典型高潮迭起掀動觀眾情緒，單純聽配樂係精彩嘅，但真係唔夾囉。.流量小生擔正孭唔起套戲，責任唔能夠全數責怪佢哋身上，今次電影繼續死因無可疑。

音樂超正，妖怪畫風頂級，但故事一般！

之前免費飛睇嘅，因為當入場睇下戲relax下無乜期望，又覺得佢幾好笑（唔係耻笑）幾好睇喎！靚仔靚女咁幾養眼，不過故仔有少少太長，中段唔太跟到但最後都get到，個書生做得幾好，嗰條線都幾慘。

特技越嚟越進步，電影包含咗鬼怪，熱血，友情元素，有笑位有感動位。係一套唔錯嘅作品。

謝謝邀請出席《赤狐書生》首映～🙏🏻出乎意料地好看的電影🎬👍🏻3月11日正式上映！笑位：王子進問白十三：狐狸跟狐臭的關係。你好像我奶奶，所說的仙女。跳舞的人平時就該多練習同音異義字的笑點：笑v.s.不肖賠你v.s.就是要你陪我蚌人v.s. 狐屆棒人(蚌=孕育珍珠，蚌人~孕育緣分（珍貴的感情）金句：人妖殊途，魂則不然。北冥有魚，其名為鯤。鯤之大，不知其幾千里也。化而為鳥，其名為鵬。鵬之背，不知其幾千里也；怒而飛，其翼若垂天之雲。是鳥也，海運則將徙於南冥。南冥者，天池也。讀書是讀給自己的莫愁前路無知己，天下誰人不識君(天下誰人不識君出自唐代高適《別董大》)命，不就該浪費在心愛的人身上嗎？性命，若能讓至親至愛如願，那也不算失去。千載難逢的不是元魂白丹，是為了成就彼此，捨身忘死的真心。主演：#陳立農 #李現配樂：#久石讓#赤狐書生 #赤狐书生 #soulsnatcher #優先場 #首映 #首映日 #previewscreening #previewscreenings #previewscreeninglife #movie #movies #film #films #moviequotes #moviescenes #movienight #filmphotography #filmisnotdead #filmcommunity #filmreview #moviereview #moviereviews #filmreviewer #filmreviews #filmreviewers #moviereviewers#moviereviewer