怪殺一夜情

《怪殺一夜情》一開始就注明係用菲林拍攝，重要唔知係唔係尊登，頭幾分鐘有唔少花咗菲林藥膜嘅白點。跟住就畫出腸咁出super話分6段，加埋ending共7段，由中間講起，非綫性講故事，十足十係QT門徒咁！明買明賣咁製造twist，十分君子，比起A24嘅《X》同《Pearl》多咗啲層次，冇悶場亦睇得過癮！

睇完就明點解要調亂次序嚟播，真係估唔到原來係咁，真係本來都有啲眼瞓都醒哂，雖然未至於Memento咁驚喜，都值得一看。

故事分為六節，但不是順序播放，一開頭有段長文介紹故事背景，然後就係劇情最正路嘅3,5節，然後好戲來了，之後每一節都有個大反轉！娛樂性相當高。4.6/5 （91分）

電影一開場故弄玄虛，又話案件發生喺2018-20年間，地點係哩個州去到嗰個州，講到似層層，攪到我原本標題係「事實比cult片更荒誕」，但完場時字幕彈出「如有雷同實屬巧合」，於是乎離場後去Wikipedia check下electric lady，結果係「查無此人」，最接近係1989年一名女性連環殺手扮妓女劫殺7個嫖客！不過電影幾好睇，好有昆頓塔蘭天奴風格，六幕戲撈亂先後次序=插敘法，不過觀眾又唔會被攪亂，表達能力強，而且充滿黑色幽默，唔太血腥，只係意識上恐怖，故事出人意表，初初以為係受害人同兇手結果主客逆轉，男強女弱嘅傳統性別定型又被顛覆，而且沿途穿插一啲美國社會嘅小眾，充滿怪雞資訊嘅驚喜！女主角一鳴驚人，令我諗起顛峰時期嘅陳復生，都係習慣演出示人以弱，但包藏禍心，隨時攻其無備！最後望住鏡頭嘅嗰幕個人騷，令我諗起阿蛋喺《得寵先生》，以及Timothee Chalamet喺Call me by your name嘅同類獨腳戲，精彩絕倫，水準不在後兩者之下👍👍👍

以前小學有重組句子嘅習作，將斬開咗嘅句子重組返一句完整有意思嘅句子交比老師。而家導演就掉轉將一套完整嘅電影斬開掉亂比你睇。做到...."哦！完來佢先係凶手~~~！”嘅效果😄 Trailer 剪輯今次都呃到觀眾，並非睇trailer就等於睇哂成套戲。所以其實剪接喺電影裡面都好重要。一套連環殺人狂魔電影，劇情都算有啲估佢唔到，不太血腥，但故事劇情唔錯。而女主角真係幾好戲，由頭帶到尾，入場睇佢都值。而開場男警演技亦唔差。可以入場一看嘅暴力驚慄爽片。