勿說是推理

個人覺得電影在人性心理剖析遠不遜於推理的吸引，男角一方面對事物的客觀冷靜地抽絲剝繭分析，而另一方面從社會心理學及行為心理學去了解一個人的心理和行為猜測頗為準確。女角以“未固乾的水泥”去表現她內心經歷頗為有趣。片中有不少金句，人與人之關係若以能易位思考，更明白當事人；老祖宗的早訓未必要視為聖言，人生于世要俱備獨立思維，免得被人藉洗腦去控制幹壞事。至於推理情節，個人覺得不及心理推敲吸引。片中有大咖出現，松鳩菜菜子，本人昔日的女神。值得去看的電影。

全片劇情欠起伏, 對白量又多, 場景又少, 每個演員都係木口木面去演欠個性。我已經好努力, 但仍不敵悶魔, 半昏迷狀態下叫做“睇”完套戲。各位入場與否自行判斷。😅

開頭介紹爭產規則還以為係玩大屠殺嘅爽片，然後喺中段就嚟一個反轉，期間懸疑感十足。到後面揭露家族秘密果段劇情好癲，之後嘅劇情情感亦到位，為免劇透就唔多敘述。男主角獨特嘅個性亦係一大看點，爆炸頭+社恐人設，加上佢間唔中就會講d大道理，但又覺得幾啱聽咁，毫無違和感。整體嚟講呢個家族故事相當吸引人，呢套戲嘅說故事手法亦引人入勝，一d都唔悶，值得一讚。(無睇過呢個系列，但唔影響觀感，只係片頭+彩蛋會唔知佢講咩咁解).4.7/5 (93分)

最初以為係家族爭產嘅故事到頭來係批判日本傳承文化嘅固執傳統祖先流傳下來嘅 不論好壞 照單全收祖先善良 子孫有禮 祖先惡劣 子孫唯有跟著邪惡即使後代受了現代教育 明白祖上做咗唔見得人嘅壞事也努力掩藏 好讓後代和民族虛偽地扮優良所以日本人係最矛盾嘅族裔 經常內心交戰 一個把持不住 失去平衡 就發顛大開殺戒⋯⋯所以有喪盡天良嘅南京大屠殺 慰安婦 但又死唔認不過亦因為先輩留下嘅 佢哋努力保存 所以佢哋嘅文化遺產保育得比中國人好好多中國人一改朝換代 就立刻破舊立新 結果先破壞後建設（如果有）電影除此之外 亦否定咗兩個日本傳統觀念1. 女人結婚後做唔做全職主婦 應該由自己決定 做邊樣應由自己覺得做邊樣舒服啲去取捨 唔係由長輩呀旁人呀去指指點點2. 日本人太好勝 鍾意逞強 點解唔可以勇敢承認軟弱 去尋求協助呢電影提出哩啲觀點 對日本人可能有啲革命性嘅新鮮感但對電影發展緩慢 拖拖拉拉 口水太多 冗長累贅有啲悶 仍然係遮唔到瑕疵故事冇乜高潮 亦唔緊張刺激 娛樂性一般最後嗰個彩蛋 如果唔追開電視劇或小說 簡直毫無驚喜 不如早啲離場去廁所好過啦

本片「勿說是推理」係一部少見嘅日本推理電影，與東野圭吾風格有所不同，但我幾鍾意。主角係有個爆炸頭天才偵探久能整(菅田將暉飾），在到訪廣島期間，受豪門狩集家族孫女汐路（原菜乃華飾）委託幫忙破解家族後代離奇死亡以及祖父遺囑列出要解之謎，過程有趣而久能整又有不少哲理金句，令人回味。為免劇透，在此唔講佢嘅破解情節。久能整話：「小孩如未乾水泥，污糟嘢跌落去，唔清理，水泥乾咗就永遠留低。」又話，日本人為咗面子，唔肯承認軟弱，唔肯認錯，所以死撐，一定要打不死做大英雄。戲內講狩集家族阿爺設立四個倉庫，分配畀四個孫：汐路、弓良、新音、理紀之助（包括內孫外孫），要佢哋由各自倉庫尋找遺囑中列出之謎，能夠解答嘅就可繼承家族遺產，虧得阿爺用中國論語「君子有九思」中八思（明、聰、溫、恭、忠、敬、問、難）來作四倉庫之命名，獨欠第九思之「義」，隱含無義之意，頗為有趣，估唔到日本人編劇都涉獵到漢學，我哋中國人更加要珍視自己文化。