紮職2

從來的古惑仔電影從來都係打打殺殺，呢套古惑仔的電影當然不少得這些場景，還有一樣東西讓我喜出望外，呢個導演將古惑仔以人性化的角度去處理，認真是做得不錯

久違了的香港黑幫電影，幾場撕殺場面拍得幾有氣勢，刀刀見血，難怪有人說黑幫人士一隻脚已踏入棺材。黑幫電影另一必須元素是“忠義”两個字，阿公任務的“忠”，昔日兄弟情的“義”，就因為自古忠義两難全，而帶動了電影情節發展。至於演員方面，陳家樂外型和表演悦目，他欠的是一套代表他的電影。黃宗澤的深沉，張繼聰的衝動，表現不過不失，幾位久違的演員露面，如：鄭則仕、周麗淇、黃錦燊、衛詩雅，演員陣容不弱。個人覺得本片江湖味少了，兄弟情多了。電影也披露黑社會也和白社會遇到同樣問題~“老叔父要供養；退休高官政要養老”，“幫會兄弟要吃飯；社會就業問題”，“唔可以在街上再撕殺械鬥，要轉營，搞活收入；由治到興，多搞繽紛”。相信本片budget 唔多，但效果可以。入場支持港產片。

上世紀八、九十年代題材同橋段, 但導演處理不俗, 唔玩技巧或個人風格, 直接了當講一個流暢同實在嘅故事, 雖然劇情來來去去都係果啲, 但仍有可觀性。另外本片演員同卡士都唔弱。三個男主角都表現不俗。其中以張繼聰表現最好, 能演活角色。陳家樂同黃宗澤表現雖然未算好出色, 但算係比以往我睇過嘅為佳。其他配角如黃德斌、李富華更不用多談。不過最吸引反而係其他好耐冇喺銀幕見過嘅演員, 例如周麗琪、鄭則士、張雷同黃錦燊。所以本片嘅卡士喺近年港產片嚟講算幾強。另外本片選擇以三級電影制作實屬明智, 令電影增加可觀性。今時今日再拍古惑仔社團電影唔講粗口唔血腥暴力好難令觀衆入戲。

仲以為係警察升職。劇情其實就圍繞三位兄弟，兄弟情深嘅三位自從"貓仔"出事之後就開始出現裂痕，最後裂痕大到無可修補嘅地步，觀眾一直睇住佢地關係逐漸破裂，既婉惜又心痛，明明佢地全部都係好人。。。4.5/5 (89分)

之前無睇過第一集，但聽講並無關連。這部算是久違的港式黑道電影，一開場就劈友，暴力、血腥、奔跑都睇到好肉緊！.劇情除左講黑幫社團上位之外亦有講兄弟情，故事鋪排及角色設定都寫得唔錯，中間的內心掙扎及矛盾衝突位也有說服力，不過整體來說只是個簡單的故事，劇情發展未有太大驚喜。.演員方面，陳家樂幾有突破，今次角色都幾狠，演出亮眼，但從他眼神中還看到有人性。周勵淇反而唔太襯呢啲角色，外型太年青了吧。其他演員演出到位，黃宗澤更是比大台演出有進步得多。.觀影平台: 新光戲院.IG AndyMyFilmography/ #AndyMovieReview

就算不知道戲名「紮職」的意思，很快就能從一開始今次三位主角阿齊（黃宗澤飾）、金仔（陳家樂飾）跟阿貓（張繼聰飾）所做了解到如何上位。周勵淇 真的有一段時間無演出，印象上停留小學時的《天幕下的戀人》。強勢黑幫大佬之妻，黃德斌雖然不追究致殘，她暗底亦向手下表示自己並不原諒要復仇那種怒火。而有場百日宴，主人家明知 #黃德斌 被打至半癱特登叫人，那場用手推輪椅上台來證明自己不服輸的確好堅。戲中黃宗澤好戲，夾住手足矛盾之中，一方面意外遇到流亡的張繼聰，一方面又要顧住衝動的陳家樂。陳家樂由最初成陣黑髮的鵪鶉仔，到多年後的另一款全光頭串爆嘴的古惑仔。其實一開頭還覺得他實在不夠惡，似剛輟學的青頭仔，但N年後他演的金仔真的可以唬到人。如果故事上可以多一些三條友仔相識背景，或許就更能明白阿齊為何能放走阿貓，而金仔卻有所抗拒。對自己人一定有義氣，但如果對方做錯事還算不算自己人？情節上也非常精簡，社團龍頭佑哥（黃德斌演）當晚事件之後，就講三兄弟的發展再相遇，然後再真正處理仇恨。出得場的角色基本上都關事。收購舊樓的地產商幾位資深演員亦都不錯，戲中袁富華被仆頭真是最痛。