圈套

俾個trailer 吸引黎睇，戲情有啲牽強，導演個女啲戲唔得，感覺成套戲就係用黎hard sell 佢個女，啲歌係個女原創，同埋男主演技都ok 加返啲分

個人覺得今次M生的處理是可以的，可以維持到他應有的水平。但同他最巔峰的作品比，這套的確遠遠也不及。無可否認，這套的主軸並不是想觀眾去猜誰是屠夫，而是透過這個故事來描寫他這樣極端的雙重人格。這樣正正是M生最擅長的，而個人覺得今次M生也沒令人失望。在很多地方，他也是細心去雕琢，角色輪廓很突出和細緻，尤其在警方這樣全方位佈防的環境下，他如何可以逃脫。但在故事設計上，M生卻過於大意，無疑在故事中，很多地方是很矛盾的。尤其是尾段，當然大家可以撇除這些質疑。但這樣卻令套戲失分。咁當然這套無疑也是M生自己自肥之作，他這樣無差別這樣力捧自己的女同自己，這果如是他的粉絲的話，一定睇得很開心。痴·影·夢·藝 X 的專頁 https://www.facebook.com/ckwunmovie/

故事反駁位太多，甚至牽强，演員很努力去演，音樂、剪接不俗，氣氛營造不俗，可惜粗糙劇情敗壞電影質素。

3.8⭐題材幾新鮮。牽強/唔合理位係有，亦唔少，但唔駁古跟住劇情睇落去又幾唔錯，冇乜悶場同幾緊張下，成功娛樂到我個多小時。男主角做得唔錯，智慧型罪犯，心藏不露，笑裡藏刀。老婆同個女演得都唔差，尤其老婆驚到口振振果幕。呢套戲係好多牽強情節，但我覺得導演/編劇就係玩牽強/唔make sense去砌一個非傳統嘅故事，比觀眾新嘅體驗。所以睇呢套戲時你要放低理性，就好似你唔會去同周星馳嘅“功夫”講邏輯、講理性一樣。總之跟住劇情睇落去。有機會有續編，亦希望有續編，前轉都可以，因為之前起碼已有10個cases。

早段大概都估到邊個係屠夫，然後睇佢點樣躲過警方嘅天羅地網，過程相當有趣，同埋個女明星戲份都幾多，d歌又幾好聽！演唱會唱咗十幾首佢嘅歌，睇完可以去搵吓佢d歌聽吓，一舉兩得。4.6/5 （92分）