DC超寵聯萌

個故仔想帶出一眾比較唔多人願意領養既動物，其實每個都有獨當一面既本領同可愛之處，希望大家同樣重視每種動物既生命。劇本、視覺效果、配樂非常出聲，令到坐我隔離果幾位小朋友笑聲不斷，到感動情節時亦令佢地明白當中道理，值得推薦。

DC英雄寵物造型搞笑及親切，行為風趣得意。故事是由寵物救英雄，算幾特別，不少場景描繪寵物對主人的感受，對於喜愛寵物的特有窝心感覺。最後對DC英雄黑暗面自嘲，幾有趣。相信小朋友頗喜歡這電影，感覺戲院已成為他們的遊樂場，場上場下甘多fun.

入場前以為係偏向兒童趣味嘅動画，點知唔係，重要係好睇。全片有主題，編排有條有理，有呼有應。兩條主線：人狗情同對付惡魔能夠做到平衡發展、流暢同到位，非常難得。戲中角色衆多，但每個角色嘅設計同定性亦非常明確同出色，並且能在劇情發揮作用，戲份分配亦恰到好處，極不容易。點解會唔係兒童向？片中表達嘅友情或人寵情應該並非兒童所能理解，而且片中有好多趣味同笑位係抽水/寸爆真實版DC Justice League. 小朋友未必識欣賞，而且從兒童角度來看，此片算是較為暴力，但成年觀衆就睇得爽。動画制作水平不用多講，荷李活唔會令你失望。推薦入場！👍

第一個感覺係好睇過DC正義聯盟，七個DC英雄我雖然唔個個都熟，但感覺明嘲暗諷幾到肉，特別是蝙蝠俠成為被惡搞對象。.另一方面，一班超能寵物主角亦好搶焦，外形與性格設定突出，擁有超能力後更加出位。其實我幾鍾意隻小貓咪，吐手榴彈就似吐毛一樣，加上最後一句對白，甚為突顯貓的特性。另外隻烏龜的反差萌以及講粗口都非常有喜感！.角色行為充滿娛樂性之餘，劇本故事亦紮實。除了英雄對戰反派，亦帶出人類與寵物的相處方式及關係，還有克服困難，同伴成長等等，雖然不算深入，但以動畫來說非常多訊息。.廣東話對白用Edan首歌同膠戰感覺貼地而不落俗套。三位星級配音員以少爺占最為生動，朱艷強都配得唔錯。岑珈其算係新嘗試，呀哨不夠自信缺乏安全感的騰雞聲幾襯爺爺；Manson竟然咁配角，真係估佢唔到。觀影平台: MCL Telford.IG : andymyf / #andymoviereview

大人細路都會鍾意，中文配音都生動有趣盞鬼！仲不經不覺有好多彩蛋同客串，好睇得來又好笑！

要妻唔要狗，比自由更自由